ડોક્ટરનો દાવો / ગરમીમાં મનફાવે તેમ ખાજો આ 10 શાક, એક પોઈન્ટ પણ ઉપર નહીં ચઢે બ્લડ સુગર, શરીર રહેશે સારું

• ગરમીની સિઝનમાં 10 શાક ડાયાબિટીસના દર્દીઓ માટે અમૃત સમાન 
• ડાયાબિટીસના દર્દીઓ માટે ફાઇબર જરૂરી 
• કારેલા, કાકડી, ફૂલાવર, પાલકનું સેવન ખૂબ લાભદાયી 

ઉનાળાની ઋતુ બધાને તૌબા પોકરાવે છે અને તેમાંય ડાયાબિટીસના દર્દીઓ માટે તે વધુ જોખમી સાબિત થાય છે. લાંબા દિવસો, આકરો તાપ, પરસેવો, ગરમ હવા તમારા શરીરને ખરાબ અસર કરી શકે છે અને બ્લડ સુગરને બગાડે છે. ઉનાળાની ઋતુમાં બ્લડ શુગરને કંટ્રોલ કરવા માટે હાઇડ્રેટેડ રહેવું તેમજ હેલ્ધી ડાયટ લેવો ખૂબ જરુરી છે સાથે સ્ટાર્ચયુક્ત ફૂડથી બચવું અને વધુ ફાઈબર અને પાણીની વસ્તુઓનું સેવન કરવું જરૂરી છે.

ડાયાબિટીસના દર્દીઓ માટે ફાઇબર જરૂરી 
ન્યુટ્રિશનિસ્ટ અને ડાયેટિશિયન અને ફેટ ટુ સ્લિમ ડિરેક્ટર શિખા અગ્રવાલ શર્માના જણાવ્યા અનુસાર, જો તમે ડાયાબિટીસના દર્દી છો, તો તમારે આ ઋતુમાં પાણી, નાળિયેર પાણી, લીંબુ અને સલાડ સાથે શાકભાજીનું વધુ સેવન કરવું જોઈએ. શાકભાજીમાં ફાઇબરનું પ્રમાણ વધારે હોય છે અને ડાયાબિટીસના દર્દીઓ માટે ફાઇબર જરૂરી છે. 10 એવી શાકભાજી છે જેમાં ગ્લાયકેમિક ઇન્ડેક્સ ઓછો હોય છે અને તે બ્લડ સુગરને સારી રીતે કન્ટ્રોલ કરવામાં મદદ કરી શકે છે. ઓછા ગ્લાયકેમિક ઇન્ડેક્સ ધરાવતા શાકભાજી કેલરી ઓછી હોય છે, પાણી અને ફાઇબરનું પ્રમાણ વધારે હોય છે.

કારેલા 
કારેલા કડવા હોય છે પરંતુ તે એન્ટિઓક્સિડેન્ટ્સથી ભરપૂર હોય છે. તે બ્લડમાં શુગર ઘટાડવાની અસરો અને ઇન્સ્યુલિન જેવા સંયોજનો ધરાવે છે, જે તમારા બ્લડમાં શુગરને નિયંત્રણમાં રાખે છે. ડાયાબિટીસના દર્દીઓ માટે કારેલાનો રસ અમૃત ગણાય છે, જેને તમે સવારે લઈ શકો છો.

 બ્રોકોલી
પોષક તત્વોથી ભરપૂર બ્રોકોલી ફાઇબરનો મજબૂત સ્ત્રોત છે અને તેથી જ આ શાકભાજી ડાયાબિટીસના દર્દીઓ માટે એક ઉત્તમ ખોરાક માનવામાં આવે છે. બ્રોકોલીમાં સુલ્ફોરાફેન્સ જોવા મળે છે, જે કોશિકાઓને નુકસાનથી બચાવે છે.

શતાવરી 
શતાવરી એક નોન-સ્ટાર્ચી શાક છે જેમાં કેલરી ખૂબ ઓછી અને ફાઇબરની માત્રા વધુ હોય છે. તે ગ્લુટાથિઓન નામના એન્ટિઓક્સિડેન્ટનો એક મહાન સ્રોત છે, જે સુગરને નિયંત્રિત કરવા અને ઈન્સ્યુલિનનું ઉત્પાદન વધારવાનું કામ કરે છે.

ફૂલાવર 
ફૂલાવરમાં પ્રોટીન, ફોસ્ફરસ, પોટેશિયમ અને મેગ્નેશિયમ ભરપૂર માત્રામાં હોય છે. આ બધા ડાયાબિટીસના દર્દીઓ માટે ફાયદાકારક માનવામાં આવે છે. આ શાકભાજીમાં ગ્લાયકેમિક ઇન્ડેક્સ ઓછો હોય છે. આ સિવાય તેમાં ફાઇબરનું પ્રમાણ વધારે હોય તો તે બ્લડ શુગરને કંટ્રોલ કરવામાં પણ ફાયદાકારક છે.

પાલક
આ પાંદડાવાળા શાકભાજીમાં પોષક તત્વો ભરપૂર માત્રામાં હોય છે અને કેલરી ખૂબ ઓછી હોય છે. તેમાં આયર્ન પણ ભરપૂર માત્રામાં હોય છે, જે લોહીના પ્રવાહને વધુ સારી રીતે જાળવવામાં મદદ કરે છે.

ટમાટાં 
ટામેટાંનો ગ્લાયકેમિક ઇન્ડેક્સ ખૂબ જ ઓછો હોય છે, જે ખાસ કરીને ડાયાબિટીસના દર્દીઓ માટે ફાયદાકારક છે. તેમાં રહેલા એન્ટીઓક્સીડેન્ટની માત્રા હૃદયને સ્વસ્થ રાખવામાં અને રોગપ્રતિકારક શક્તિ વધારમાં સહાયક છે. 

કોળું, લીલા બીન્સ અને કાકડી
આ સિવાય તમે વધારે કોળું, લીલા બીન્સ અને કાકડીનું સેવન કરી શકો છો, આ તમામ બ્લડ સૂગરને નિયંત્રિત કરવામાં તમારી ખૂબ મદદ કરશે.