હેલ્થ ટિપ્સ / રાત હોય કે દિવસ શિયાળામાં વારંવાર પેશાબ જવાની થાય છે સમસ્યા? કારણ ઉંઘ ઉડાવી મૂકે તેવું, બચવા આટલું કરો

• પેશાબનાં દબાળનાં કારણે તમારે વારંવાર ઊઠવું પડે 
• વધુ પડતું પાણી અથવા પ્રવાહીનું સેવન 
• એક કારણ જીવનશૈલી અને અયોગ્ય ખાનપાન

રાત્રે સારી રીતે ઊંઘતા હોય અને એવામાં વારંવાર પેશાબ લાગે તો ઊંઘ પૂરી થતી નથી. પેશાબનાં દબાળનાં કારણે તમારે વારંવાર ઊઠવું પડે છે. આ કોઈ બીમારીનું સંકેત પણ હોય શકે છે. આ બ્લડ પ્રેશર, ડાયાબિટીસ અથવા મૂત્રાશયની સમસ્યાનાં કારણે પણ થઈ શકે છે. ઘણી વાર સામાન્ય સમસ્યાઓને કારણે પણ થતું હોય છે. રાત્રે વારંવાર પેશાબ લાગવાની સમસ્યાને Nocturia કહેવામાં આવે છે. સામાન્ય રીતે આ સમસ્યા 50 વર્ષની ઉંમર પછી જોવા મળે છે. 

રાત્રે પેશાબ લાગવાના કારણ 
રાત્રે વારંવાર પેશાબ લાગવાના અનેક કારણો હોય છે. પ્રથમ કારણ એવું છે કે સાંજનાં સમયે તમે વધુ પડતું પાણી અથવા પ્રવાહીનું સેવન કરી લીધું હોય તો પણ આ સમસ્યા થઈ શકે છે.બીજું કારણ સ્લીપ ડિસઓર્ડર હોઈ શકે છે. તમને ઊંઘ ના આવતી હોય તો પણ તમને વારંવાર પેશાબ લાગી શકે છે. જો તમને આવું થતું હોય તો તેને નજરઅંદાજ ન કરો અને  ડોક્ટરની સલાહ લો. 

વાંચવા જેવું: 8 કલાકની ઊંઘ, વર્કઆઉટ, વ્યસનનો ત્યાગ: શરીરને સ્વસ્થ રાખવું હોય તો 2024 માટે લો આ સંકલ્પ, બદલી નાંખો લાઇફસ્ટાઇલ

દવા 
રાત્રે પેશાબ લાગવાનું એક કારણ દવાનું સેવન પણ હોય શકે. કેટલીક એવી દવા હોય છે, જેના સેવનથી શરીરમાં એસિડનું પ્રમાણ વધી જાય છે. શરીરમાં એસિડનું પ્રમાણ વધવાના કારણે પેશાબનું પ્રમાણ વધી જાય છે. જેના કારણે વારંવાર પેશાબ લાગે છે. ઘણી વાર લોકો રાત્રે મોડે સુધી જાગતા હોય છે. આ કારણથી પણ વારંવાર પેશાબ લાગવાની સમસ્યા થઈ શકે છે. 

50 વર્ષની ઉંમર  
આમ તો વારંવાર પેશાબ લાગવાની સમસ્યા 50 વર્ષની ઉંમર પછી જોવા મળે છે. પરતું આજે યુવાનોમાં આ સમસ્યા જોવા મળી રહી છે. તેનું એક કારણ જીવનશૈલી અને ખાનપાન છે. જેના કારણે સ્વાસ્થ્ય સંબંધી સમસ્યાઓ વધી રહી છે. જો તમને આ સમસ્યા થતી હોય તો તેને નજરઅંદાજ ન કરો અને ડોક્ટરની મુલાકાત લો.