સૂર્યગ્રહણ / આ દિવસે થશે વર્ષનું પહેલું સૂર્યગ્રહણ, આ ચાર રાશિના જાતકોએ રાખવી પડશે ખૂબ જ સાવધાની

• હિંદુ ધર્મ અનુસાર સૂર્યગ્રહણ એક મહત્ત્વપૂર્ણ ઘટના છે.
• મેષ રાશિ સહિત આ 4 રાશિના જાતકો પર થશે અસર.
• રાહુ-કેતુના કારણે થાય છે સૂર્યગ્રહણ.

હિંદુ ધર્મમાં સૂર્યગ્રહણને એક મહત્ત્વપૂર્ણ ઘટના માનવામાં આવે છે. 20 એપ્રિલ 2023ના રોજ વર્ષનું પહેલું સૂર્યગ્રહણ થશે. આ સૂર્યગ્રહણ ભારતમાં માન્ય ગણવામાં નહીં આવે. ગ્રહણકાળમાં સૂર્ય મેષ રાશિ અને અશ્વિની નક્ષત્રમાં હશે. ધાર્મિક માન્યતાઓ અનુસાર સૂર્ય ગ્રહણ રાહુ-કેતુના કારણે થાય છે. આ દરમિયાન સગર્ભા સ્ત્રીઓને પોતાની ખાસ કાળજી લેવાની સલાહ આપવામાં આવે છે. આ સૂર્યગ્રહણને કારણે કેટલીક રાશિઓ પર નકારાત્મક અસર થશે, જે વિશે અહીંયા વિગતવાર જાણકારી આપવામાં આવી છે.

સૂર્યગ્રહણ 2023નો સમય

સૂર્યગ્રહણ સવારે 07:04 વાગ્યે શરૂ થશે અને બપોરે 12:29 વાગ્યે પૂર્ણ થશે. વર્ષનું બીજુ સૂર્યગ્રહણ 14 ઓક્ટોબર 2023ના રોજ થશે.

મેષ

મેષ રાશિના જાતકો પર સૂર્યગ્રહણની નકારાત્મક અસર થશે. આ દરમિયાન આરોગ્ય પર અસર થશે તથા માનસિક તણાવ સર્જાશે. આર્થિક પરેશાનીઓનો સામનો કરવો પડશે ઉપરાંત વૈવાહિક જીવનમાં અનેક અડચણ આવી શકે છે.

વૃષભ

સૂર્યગ્રહણના કારણે વૃષભ રાશિના જાતકોના જીવનમાં અનેક મુશ્કેલીઓ આવશે. આ દરમિયાન અનેક સમસ્યાઓનો સામનો કરવો પડી શકે છે. આ દરમિયાન તમારે તમારા ગુસ્સા પર કાબૂ રાખો. તમારા ખર્ચામાં વધારો થઈ શકે છે, માતા પિતાના આરોગ્યનું ધ્યાન રાખો. આર્થિક પરેશાનીઓ પણ આવી શકે છે.

કન્યા

કન્યા રાશિના જાતકોએ આરોગ્યનું ધ્યાન રાખવું જોઈએ. આ દરમિયાન બિમારી થઈ શકે છે. વેપારીઓને નુકસાન થઈ શકે છે. નોકરિયાત વ્યક્તિઓએ ઓફિસમાં અનેક પરેશાનીઓનો સામનો કરવો પડશે. આર્થિક સમસ્યા પણ આવી શકે છે.

તુલા

તુલા રાશિના જાતકોએ આર્થિક પરેશાનીઓનો સામનો કરવો પડી શકે છે. રોકાણ કરવાનો વિચાર હાલ પૂરતો ટાળી દેવો જોઈએ. પિતા સાથે મનભેદ થઈ શકે છે.