વર્લ્ડ કપ 2023 / ભગવા રંગમાં મેદાનમાં ઉતરી ટીમ ઈન્ડિયા: લોકોએ 2011નો સંયોગ યાદ અપાવી કહ્યું, હવે તો જીત પાક્કી

• ભારતની યજમાનીમાં થનારા વનડે વર્લ્ડકપ 2023ની શરૂઆત
• ટીમ ઈન્ડિયાની પહેલી મેચ 8 ઑક્ટોબરનાં યોજાશે
• પ્રેક્ટિસ માટે ભારતીય ખેલાડીઓએ ઓરેન્જ જર્સી પહેરી

ભારતની યજમાનીમાં થનારા વનડે વર્લ્ડ કપ 2023ની આજે એટલે કે 5 ઑક્ટોબરથી શરૂઆત થઈ ગઈ છે.  ભારતીય ટીમ પોતાની પહેલી મેચ ઑસ્ટ્રેલિયાની સામે 8 ઑક્ટોબરનાં રોજ ચેન્નઈમાં રમશે. આ પહેલાં ભારતીય ટીમે પોતાની પ્રેક્ટિસ માટે નવી જર્સી પણ લૉન્ચ કરી દીધી છે.

ભગવા રંગની જર્સી
ભારતની આ નવી જર્સી ઑરેન્જ કલરની છે. કેટલાક યૂઝર્સ માને છે કે આ ભગવા રંગની જર્સી છે. પ્લેયર્સનાં આ જર્સી પહેરેલાં ફોટોઝ સોશિયલ મીડિયામાં ખૂબ વાયરલ થઈ રહ્યાં છે.  લોકો જાત-જાતની કમેન્ટ્સ પણ કરી રહ્યાં છે.

Indian cricket team in orange jersey. pic.twitter.com/2qVwRNKQvl

— News Arena India (@NewsArenaIndia) October 5, 2023

વર્લ્ડ કપ જીતવાનો શુભ સંયોગ
આ સાથે જ ભારતીય ટીમનો આ વખતે વર્લ્ડ કપ જીતવાનો શુભ સંયોગ બંની રહ્યો છે. ટીમ ઈન્ડિયાએ 2011 વર્લ્ડ કપ દરમિયાન પણ આ જ કલરની જર્સી પહેરીને પ્રેક્ટિસ કરી હતી અને વર્લ્ડ કપ જીત્યું પણ હતું. તેથી લોકો માની રહ્યાં છે કે આ વખતે પણ આ જર્સી પહેરી હોવાને લીધે વર્લ્ડ કપ 2023 ભારતને નામ થશે.

2019માં પણ પહેરી હતી આવી જર્સી
જો કે 2019ની સાલમાં પણ ટીમ ઈન્ડિયાએ આ જ રંગની જર્સી પહેરીને પ્રેક્ટિસ કરી હતી. એટલું જ નહીં એક મેચ પણ રમી હતી. પણ તે સમયે ટીમ ઈન્ડિયા સેમીફાઈનલ્સમાં હારી ગઈ હતી. હવે જોવાનું રહ્યું કે 2023ની આ ટૂર્નામેન્ટમાં ભારતનું નસીબ ચમકે છે કે નહીં.