ભારે કરી! / 'બજરંગબલી'ને મોકલ્યું પાણીનું બિલ! ભરવા માટે આપ્યો 15 દિવસનો સમય, જાણો ક્યાંની છે આ ઘટના

• રાયગઢમાં સામે આવી અજીબ ઘટના 
• રાયગઢ મ્યુનિસિયલ કોર્પોરેશને મોકલી નોટિસ 
• 'બજરંગબલી'ને મોકલ્યું પાણીનું બિલ

છત્તીસગઢના રાયગઢમાં એક વિચિત્ર કિસ્સો સામે આવ્યો છે. શહેરની મ્યુનિસિપલ ઓફિસે 'બજરંગબલી'ને પાણીના બિલ જમા કરાવવા માટે નોટિસ મોકલી છે. નોટિસમાં કહેવામાં આવ્યું છે કે હનુમાન મંદિર પર વોટર ટેક્સનું બિલ બાકી છે. સમગ્ર મામલો શહેરના વોર્ડ નંબર 18 દરોગાપરાનો છે. જણાવવામાં આવી રહ્યું છે કે મંદિરમાં એક પણ નળ કનેક્શન નથી, તેમ છતાં આ નોટિસ મોકલવામાં આવી છે. કોર્પોરેશનના આ પગલા સામે વોર્ડના સ્થાનિક લોકોએ વિરોધ વ્યક્ત કર્યો છે.

400 રૂપિયાના બિલની નોટિસ 
રાયગઢ મ્યુનિસિપલ કોર્પોરેશન દ્વારા હનુમાન મંદિરને 400 રૂપિયાની નોટિસ મોકલવામાં આવી છે. નોટિસમાં કહેવામાં આવ્યું છે કે મંદિર મેનેજમેન્ટે 15 દિવસમાં ટેક્સ ભરવાનો રહેશે. નહીં તો કોર્પોરેશન દ્વારા કાર્યવાહી કરવામાં આવશે. ત્યાં જ નોટિસ જાહેર થયાના સમાચાર પછી, સ્થાનિક લોકોએ વિરોધ શરૂ કર્યો છે. સ્થાનિક લોકોનું કહેવું છે કે કોર્પોરેશન ઓફિસે કયા આધારે હનુમાન મંદિરને નોટિસ મોકલી છે તે સમજની બહાર છે.

અમૃત મિશન હેઠળ આપવામાં આવી રહ્યા કનેક્શન 
સમગ્ર મામલે મ્યુનિસિપલ કોર્પોરેશનના અધિકારી નિત્યાનંદ ઉપાધ્યાયે જણાવ્યું કે, વોર્ડમાં અમૃત મિશન યોજના હેઠળ મજૂરો વતી ઘરોમાં નળ જોડાણનું કામ કરવામાં આવ્યું હતું. આ સમગ્ર કામગીરીની વિગતો રાખવામાં આવી હતી અને તેની એન્ટ્રી પણ કોમ્પ્યુટરમાં કરવામાં આવી હતી. આ ક્રમમાં હનુમાન મંદિરને પણ નોટિસ મોકલવામાં આવી છે. વિસ્તારમાં સર્વેની કામગીરી ચાલી રહી છે. આ અંતર્ગત ક્યા ઘરોમાં નળ કનેક્શન છે તે જાણવાનો પ્રયાસ કરવામાં આવી રહ્યો છે.

સ્વચ્છ પીવાનું પાણી પૂરું પાડવાનું લક્ષ્ય
અગાઉ આ વિસ્તારમાં અનેક જગ્યાએ લોકો દૂષિત પાણી પીતા હતા. જેના કારણે ઘણી બીમારીઓનો સામનો કરવો પડી રહ્યો હતો. લોકોને પીવાનું શુધ્ધ પાણી મળી રહે તે હેતુથી લોકોના ઘરોમાં નળ કનેકશન આપવામાં આવ્યા હતા. જણાવી દઈએ કે રાયગઢ મ્યુનિસિપલ કોર્પોરેશનમાં અમૃત મિશન યોજનાના ઘણા ઘરોને નળ કનેક્શન આપવામાં આવ્યા છે. તેની સંખ્યા 20 હજારથી વધુ છે.