VIDEO / જોતાં રહેજો ! બેંકના લૉકરમાં મૂકેલી કિંમતી વસ્તુ પલડી ન જાય, વડોદરાની BOB બેંકનું લોકરરૂમ પાણી પાણી

• વડોદરામાં વરસાદ બાદ પરેશાની
• બેંક ઓફ બરોડાની માંડવી શાખામાં પાણી ભરાયા 

રાજ્યમાં વરસાદ બાદ અનેક વિસ્તારમાં તારાજીના દ્રશ્યો સામે આવ્યા છે. વડોદરામાં રોકડ સાચવવાનું લોકર પણ સલામત નથી. અહીં બેંક ઓફ બરોડાની  માંડવી શાખાના લોકર રુમના ભોયરામાં વરસાદી પાણી ભરાયું, ત્યારબાદ બેંક સત્તાધીશોએ લોકરવાળો વિભાગ બંધ કર્યો છે. 

બેંકના લોકર રુમના ભોયરામાં પાણી ભરાયા
લોકો પોતાના નાણા, ઘરેણાં અને અગત્યના ડોક્યુમેન્ટ સાચવવા લોકરનો ઉપયોગ કરતાં હોય છે. પણ વડોદરા તંત્રની પ્રિ મોન્સુન કામગીરીમાં પોલપોલ અને બેંક ઓફ બરોડા માંડવી શાખાની બેદરકારીને કારણે લોકોની જીવનમૂડી વરસાદી પાણીથી જોખમમાં મુકાઇ છે. મસમોટું લૉકર ભાડું વસુલતી બેન્કમાં સુવિધાને નામે મીંડું દેખાઈ રહ્યું છે. ભોંયરામાં આવેલા લોકરરૂમમાં હાલ 7 ઈંચ જેટલા પાણી ભરાઈ જતાં લૉકર વિભાગ હાલ બંધ કરી દેવાની ફરજ પડી છે.

અમદાવાદના પણ આજ હાલ
તો બીજી તરફ સ્માર્ટ સીટી અમદાવાદના પણ આવા જ હાલ છે. વરસાદી પાણી ભરાવવા દ્રશ્યો અંહી પણ મનપાની પોલ ખોલી રહ્યા છે. જ્યાં અમદાવાદના નારોલ વિસ્તારમાં વરસાદ બાદ પણ પાણી ઉતર્યા નથી. વરસાદી પાણી ભરાતા સ્થાનિકો ત્રાહિમામ પોકારી રહ્યા છે ત્યારે  AMCના પદાધિકારીઓ, સ્ટેન્ડિંગ કમિટી ચેરમેન અને મેયર વરસાદી પાણીની સમસ્યાનું નિરીક્ષણ કરી સંતોષ માની રહયા છે. આ ઉપરાંત કઠલાલના અભરીપુરમાંથી પણ દયનિય દ્રશ્યો સામે આવ્યા. કઠલાલના અભરીપુરમાં બે દિવસ જેટલો સમય વીત્યા છતાં પણ વરસાદી પાણી ઓસર્યા નથી. VTVની ટિમ જ્યારે અભરીપુર પહોંચી ત્યારે ગ્રામજનોએ પોતાની વ્યથા ઠાલવવાની સાથે તંત્ર વિરુદ્ધ રોષ પણ ઠાલવ્યો હતો. અહીં લોકોની ખાવા-પીવાની વસ્તુઓ સહિત પશુઓનો ઘાસચારો પણ વરસાદી પાણીમાં નષ્ટ થઇ ગયો. અને હજુ જો વરસાદ વરસે તો હજુ પાણીનું સ્તર ઊચુ જવાની શક્યતા છે ત્યારે જો પાણીનો નિકાલ ન થાય તો રોગચાળો ફેલાવાની દહેશત ગ્રામજનોમાં  મળી રહી છે.