5 ફોટો ગેલેરી

Travel / રાજાઓના આલિશાન મહેલો, હવે બન્યા વૈભવી હોટેલ, ભારતના આ મહેલોમાં હજુ પણ શાહી ઠાઠ

Last Updated: 10:43 PM, 15 September 2026

FOLLOW ON

શેર કરો

Royal Palaces in India: ભારતનો ઇતિહાસ રાજાઓ અને મહારાજાઓના શાહી જીવનની કહાનિઓથી ભરેલો છે. દેશના અલગ-અલગ જગ્યાએ આજે પણ આ મહેલો હજુ પણ છે જે એક સમયે રાજઘરાનાઓના નિવાસ્થાન હતા. જો કે સમય જતાં આમાંના ઘણા મહેલોને વૈભવી હોટલોમાં રૂપાંતરિત કરવામાં આવ્યા છે. રાજસ્થાનથી હૈદરાબાદ અને ઉદયપુર સુધી સ્થિત આ મહેલો આજે પણ તેમની સુંદરતા અને શાહી અંદાજ માટે જાણીતા છે.

1/5

1. જય મહેલ પેલેસ (જયપુર)

જયપુરમાં જય મહેલ પેલેસ લગભગ 18 એકરમાં ફેલાયેલા લીલાછમ બગીચાઓ વચ્ચે સ્થિત છે. આજે તે એક વૈભવી હોટલ તરીકે ઉપયોગમાં લેવામાં આવે છે.

આ તસવીર શેર કરો

2/5

2. રામબાગ પેલેસ (જયપુર)

જયપુરનો રામબાગ પેલેસ એક સમયે જયપુરના રાજવી પરિવારનું ઘર હતું. 1835 માં બનાવવામાં આવ્યો હતો. તે અત્યારે એક વૈભવી હોટેલ તરીકે ઉપયોગ કરાય છે. તેના શાહી રૂમ, સુંદર બગીચા અને શાહી ભોજનનો અનુભવ એક આકર્ષણ છે.

આ તસવીર શેર કરો

3/5

3. ઉમેદ ભવન મહેલ (જોધપુર)

જોધપુરનો ઉમેદ ભવન મહેલ ભારતના છેલ્લા મોટા રાજવી મહેલોમાંનો એક માનવામાં આવે છે. તે 1943 માં મહારાજા ઉમેદ સિંહના આદેશથી બનાવવામાં આવ્યો હતો. તે સમયે જોધપુર દુષ્કાળનો સામનો કરી રહ્યું હતું. મહેલના નિર્માણથી ઘણા સ્થાનિક લોકોને લાંબા સમય સુધી રોજગારી મળી હતી.

આ તસવીર શેર કરો

4/5

4. તાજ લેક પેલેસ (ઉદયપુર)

ઉદયપુરની ઓળખ ગણાતા પિછોલા તળાવના મધ્યમાં આવેલો તાજ લેક પેલેસ તેની સુંદરતા માટે વિશ્વભરમાં પ્રખ્યાત છે. આ સફેદ આરસપહાણનો બનેલ મહેલ પાણી વચ્ચે તરતો દેખાય છે. આજે મહેમાનોને ત્યાં પહોંચવા માટે હોડી દ્વારા લઇ જવાય છે.

આ તસવીર શેર કરો