તમારા કામનું / એક લાખ રૂપિયા રોક્યા, તેના થઈ ગયા 10 કરોડ! ટાટાના આ શેર પર મળ્યું જબરદસ્ત રિટર્ન

• ટાઈટનના શેરે રોકાણકારોને મલ્ટીબેગર રિટર્ન આપ્યું
• ટાઈટને લાંબા ગાળાના રોકાણકારોને બમ્પર રિટર્ન આ
• તનિષ્કના નવા 18 ઈન્ટરનેશનલ સ્ટોર ખોલવામાં આવશે

ટાટા સમૂહની કંપની ટાઈટનના શેરે રોકાણકારોને મલ્ટીબેગર રિટર્ન આપ્યું છે. શુક્રવારે આ શેરની કિંમતમાં 0.38 ટકાનો ઘટાડો થતા 2,977.80 રૂપિયા પર બંધ થયો હતો. હાલમાં આ સ્ટોક 52 સપ્તાહના ઉચ્ચ સ્તર પર પહોંચી ગયો હતો, જેની 52 સપ્તાહની ઉચ્ચ કિંમત 3,210 રૂપિયા છે. ટાઈટને લાંબા ગાળાના રોકાણકારોને બમ્પર રિટર્ન આપ્યું છે. કંપની હાલના નાણાંકીય વર્ષમાં બિઝનેસ વિસ્તારિત કરશે. હાલના નાણાંકીય વર્ષમાં ટાઈટન આભૂષણ બ્રાન્ડ તનિષ્કના નવા 18 ઈન્ટરનેશનલ સ્ટોર ખોલશે. જેની જાણકારી વાર્ષિક રિપોર્ટમાં આપી છે. 

20 વર્ષમાં જબરદસ્ત રિટર્ન
ટાઈટનના શેરે રોકાણકારોને લાંબા ગાળે તગડુ રિટર્ન આપ્યું છે. છેલ્લા 20 વર્ષમાં ટાઈટનના સ્ટોકે 104700 ટકા રિટર્ન આપ્યું છે. આ સ્ટોકની કિંમત ત્રણ રૂપિયાથી વધીને 32 રૂપિયાને પાર પહોંચી ગઈ છે. જો કોઈ રોકાણકારો 20 વર્ષ પહેલા ટાઈટનના સ્ટોકમાં એક લાખ રૂપિયાનું રોકાણ કર્યું હોત તો તે વદીને 10.48 કરોડ રૂપિયા થઈ ગયું હોત. ગયા વર્ષે આ શેરે રોકાણકારોને 1255.17 ટકા રિટર્ન આપ્યું છે. 5 જુલાઈના 2013ના રોજ ટાઈટનના શેર 232 રૂપિયા પર ટ્રેડ કરી રહ્યા હતા. 

નવી ટાર્ગેટ પ્રાઈસ
બ્રોકરેજ હાઉસ મોતીલાલ ઓસવાલ સિક્યોરિટીઝનું માનવામાં આવે તો ટાઈટન કંપની મજબૂત કમાણી કરી રહી છે. ઉપરાંત BUY RATING આપતા જણાવ્યું છે કે, ટાઈટન શેર માટે ટાર્ગેટ પ્રાઈસ 3,325 રૂપિયા નક્કી કરવામાં આવે છે. ટાઈટનના શેરમાં જબરદસ્ત તેજી આવી છે. નાણાંકીય વર્ષ 2023-2024ના પહેલા ક્વાર્ટરના પરિણામના કારણે શેરમાં તેજી જોવા મળી રહી છે. કંપનીએ પહેલા ક્વાર્ટરમાં 20 ટકા રેવન્યૂ ગ્રોથનો ઉલ્લેખ કર્યો છે. 

જૂન ક્વાર્ટરમાં જબરદસ્ત પ્રદર્શન
ટાઈટને ઘડિયાળથી લઈને જ્વેલરી સેક્ટરમાં જબરદસ્ત પ્રભાવ જાળવ્યો છે. જૂન ક્વાર્ટરમાં કંપનીએ જ્વેલરી બિઝનેસમાં 21 ટકા, ઘડિયાળ અને વેરિએબલ ડિવિઝનમાં વાર્ષિક 13 ટકાનો ગ્રોથ થયો છે. EYE CARE બાબતે 10 ટકા, ઈમર્જિંગ બિઝનેસ, ફ્રેગરન્સ અને ફેશન એક્સેસરીઝમાં 11 ટકા ગ્રોથ થયો છે. ટાટાની કંપનીના આ સ્ટોકના પર્ફોર્મન્સ પર ધ્યાન આપવામાં આવે તો રોકાણકારો સતત કમાણી કરી રહ્યા છે. છેલ્લા પાંચ વર્ષમાં આ સ્ટોકે રોકાણકારોને 278.99 ટકા રિટર્ન આપ્યું છે. એક વર્ષમાં આ શેરની કિંમતમાં 50 ટકા વધારો થયો છે. છેલ્લા 6 મહિનામાં આ શેરે રોકાણકારોને 28 ટકા રિટર્ન આપ્યું છે. 

(DISCLAIMER: શેરમાર્કેટને લગતો આ આર્ટિકલ અનુભવ તેમજ મળતી માહિતીને આધારિત છે. આથી આપવામાં આવેલી જાણકારી અનુસાર રોકાણ કરવામાં જો તમને કોઇ પણ પ્રકારનું નુકસાન થશે તો તેની જવાબદારી અમારી રહેશે નહીં. કોઇ પણ શેરમાં રોકાણ કરતા પહેલાં નિષ્ણાંતની સલાહ લેવી આવશ્યક. આ આર્ટિકલ ફક્ત શેર બજારના ન્યૂઝના હેતુસર પબ્લિશ કરવામાં આવ્યો છે.)