કેન્દ્રની યોજનાની પ્રસંશા / મોદી સરકારની આ યોજનાથી બચી જશે 4 લાખ લોકોના જીવ, WHOને પડી ગઈ પસંદ, કર્યાં જોરદાર વખાણ

• મોદી સરકારની ચાલી રહી છે જળ જીવન મિશન યોજના
• ગામડાઓમાં નળથી જળ પહોંચાડાઈ રહ્યું છે 
• ઝાડાથી થતા 4 લાખ મોત રોકી શકે 
• 1.4 કરોડ લોકોને પાણીજન્ય રોગોથી બચાવી શકાય

ગામડાઓમાં નળથી જળ પહોંચાડવાની યોજના જળ જીવન મિશન વિશ્વ આરોગ્ય સંગઠનને પસંદ પડી છે. વર્લ્ડ હેલ્થ ઓર્ગેનાઇઝેશને પણ આ યોજનાની પ્રશંસા કરી છે.  વિશ્વ આરોગ્ય સંગઠના રિપોર્ટમાં કહેવામાં આવ્યું છે કે જળ જીવન મિશન હેઠળ ગ્રામીણ વિસ્તારોમાં નળનું પાણી ઉપલબ્ધ કરાવવામાં આવે તો તે સંભવતઃ ઝાડાને કારણે થતા લગભગ 4 લાખ મોતને અટકાવી શકે છે. આ સિવાય 1.4 કરોડ લોકોને પાણીજન્ય રોગોથી બચાવી શકાય છે.

2024 સુધીમાં દરેક પરિવારને મળતું થઈ જશે નળનું પાણી 
કેન્દ્ર સરકારના જળ જીવન મિશન અંતર્ગત 2024 સુધી ભારતના ગ્રામીણ પરિવારોને નળનું પાણી મળવું પડશે. અત્યાર સુધીમાં 62.84 ટકા વિસ્તારોમાં આ કામ પૂર્ણ થઇ ચૂક્યું છે. વિશ્વ બેંકના આંકડા મુજબ દેશની 12 મોટી નદીઓના તટપ્રદેશોમાં લગભગ 82 કરોડ લોકો જળ સંકટનો સામનો કરી રહ્યા છે.

યોજનાને 2019માં પીએમ મોદીએ શરુ કરી હતી 
નેશનલ સેમ્પલ સર્વે ઓર્ગેનાઇઝેશનના સર્વે અનુસાર ઝારખંડમાં મહિલાઓને પાણી માટે દરરોજ 40 મિનિટ ચાલવું પડે છે. સાથે જ બિહારમાં આ સમય લગભગ 33 મિનિટનો છે. ગ્રામીણ મહારાષ્ટ્રમાં સરેરાશ 24 મિનિટની આસપાસ છે. આ યોજનાને વડા પ્રધાન નરેન્દ્ર મોદીએ 2019માં શરૂ કરી હતી. ડબ્લ્યુએચઓના અહેવાલમાં જણાવાયું છે કે 2018 માં ભારતની કુલ વસ્તીના 36% લોકો, જેમાં ગ્રામીણ વસ્તીના 44% નો સમાવેશ થાય છે, ઘરે પીવાનું શુધ્ધ પાણી નથી. "ગ્રામીણ વિસ્તારોમાં નળના પાણીના જોડાણો 2019 માં 16.64% થી વધીને 41 મહિનાની અંદર 62.84% થઈ ગયા છે. તેમાં દર વર્ષે 13.5 ટકાનો વધારો થઈ રહ્યો છે.