ઈકોનોમી / ગુજરાતને GST માંથી કેટલી આવક થઈ? લક્ષ્યાંકના 61% વધારે કમાણી, ચાલુ નાણાકીય વર્ષમાં છઠ્ઠી વખત બન્યો રેકોર્ડ

• રાજ્ય GST વિભાગે કરી 5216 કરોડની આવક 
• ઓક્ટોબર- 2023 દરમ્યાન રૂ. 5216 કરોડની આવક થઈ
• ચાલુ નાણાકીય વર્ષમાં છઠ્ઠી વખત રૂ. 5000 કરોડને પાર થઈ આવક

GST Department Revenue : ગુજરાત રાજ્યમાં  GST વિભાગને રૂપિયા 5216 કરોડની આવક થઈ છે. આપને જણાવીએ કે, ઓક્ટોબર- 2023 દરમ્યાન ₹ 5216 કરોડની આવક નોંધાઈ છે. જો કે, ચાલુ નાણાકીય વર્ષમાં છઠ્ઠી વખત ₹ 5000 કરોડને પાર આવક થઈ છે. તેમજ આ વર્ષના પ્રથમ 7 માસમાં  ₹ 37216 કરોડની આવક નોંધાઈ છે.

રાજ્યને વેટ હેઠળ રૂપિયા 2616 કરોડની આવક થઈ
ગત વર્ષની રૂપિયા 31171 કરોડની આવક કરતા 19 ટકાનો વધારો થયો છે. ઓક્ટોબર-2023માં રાજ્યને વેટ હેઠળ રૂપિયા 2616 કરોડની આવક થઈ છે. જ્યારે ઓક્ટોબર-2023માં GST અને વેટ હેઠળ કુલ રૂપિયા 7832 કરોડની આવક થઈ છે. ચાલુ નાણાકીય વર્ષમાં GST-વેટ હેઠળ કુલ રૂપિયા 64816 કરોડની આવક થઈ છે. અત્રે ઉલ્લેખનીય છે કે, જે રાજ્ય કર વિભાગને ફાળવવામાં આવેલા લક્ષ્યાંકના 61 ટકા વધારે છે

નાણાં મંત્રાલયે ઓક્ટોબર 2023ના આંકડા જાહેર કર્યાં 
કેન્દ્રના નાણાં મંત્રાલયે ઓક્ટોબર 2023 માટે જીએસટી કલેક્શનના આંકડા જાહેર કર્યા છે, જે મુજબ ઓક્ટોબરમાં દેશમાં જીએસટી કલેક્શન 1,72,003 કરોડ રૂપિયા છે. તેમાંથી 30,062 કરોડ રૂપિયા સીજીએસટી, 38,171 કરોડ રૂપિયા એસજીએસટી, 91,315 કરોડ રૂપિયા આઇજીએસટી અને 12,456 કરોડ રૂપિયા સેસ છે. નાણા મંત્રાલયના જણાવ્યા અનુસાર નાણાકીય વર્ષ 2023-24માં સરેરાશ જીએસટી કલેક્શન 1.66 લાખ કરોડ રૂપિયા રહ્યું છે, જે 11 ટકા વધારે છે. આ સાથે જ ગત વર્ષે ઓક્ટોબર મહિનાની તુલનામાં આ વર્ષે ઓક્ટોબરમાં જીએસટી કલેક્શન 13 ટકા વધારે રહ્યું છે. ઘરેલુ વ્યવહારોથી આવકમાં 13 ટકાનો ઉછાળો આવ્યો છે.

GST revenue collection for October 2023 is second highest ever, next only to April 2023, at ₹1.72 lakh crore; records increase of 13% Y-o-Y

Revenue from domestic transactions (including import of services) is also 13% higher Y-o-Y

Average gross monthly #GST collection in FY… pic.twitter.com/8SRs9RZXPa

— Ministry of Finance (@FinMinIndia) November 1, 2023

ઓક્ટોબરમાં કેમ વધ્યું જીએસટી કલેક્શન
ઓક્ટોબર-નવેમ્બરમાં નવરાત્રી, દશેરા, કરવા ચોથ, દિવાળી સહિતના ઘણા તહેવારો છે એટલે સરકારને સૌથી વધારે જીએસટી કલેક્શન મળ્યું છે. તહેવારોમાં લોકો છૂટથી વસ્તુઓ ખરીદતા હોય છે. ખરીદાયેલી વસ્તુઓ પર જીએસટી લાગે છે. આ રીતે લોકો જેટલી વધારે ખરીદી કરે તેટલી સરકારને જીએસટીની વધારે આવક થાય છે.