તમારા કામનું / સસ્તુ સોનું ખરીદવાની વધુ એક તક: જાણો કોણ-કોણ ખરીદી શકશે, એ પણ ક્યારથી અને કેટલામાં?

• આરબીઆઈએ નિવેદન બહાર પાડી કરી જાહેરાત
• સોવરિન ગોલ્ડ બોન્ડ સોમવારથી પાંચ દિવસ માટે ખુલશે
• ગોલ્ડ બોન્ડના હપ્તાની સબસ્ક્રિપ્શન કિંમત રૂ.6,263 પ્રતિ ગ્રામ 

ભારતીય રિઝર્વ બેંકે શુક્રવારે એક નિવેદનમાં જણાવ્યું હતું કે સોવરિન ગોલ્ડ બોન્ડ (SGB) સોમવારથી પાંચ દિવસ માટે ખુલશે. ગોલ્ડ બોન્ડના આ હપ્તાની સબસ્ક્રિપ્શન કિંમત 6,263 રૂપિયા પ્રતિ ગ્રામ નક્કી કરવામાં આવી છે. તમને જણાવી દઈએ કે, સોવરેન ગોલ્ડ બોન્ડનું વળતર શાનદાર રહ્યું છે. જેના કારણે મોટી સંખ્યામાં રોકાણકારો તેના પર દાવ લગાવવા માંગે છે.

ડિસ્કાઉન્ટ મળશે 

સોવરિન ગોલ્ડ બોન્ડ સ્કીમ 2023-24 સિરીઝ ફોર આ મહિનાની 12મીથી 16મી સુધી ખુલ્લી રહેશે. સેન્ટ્રલ બેંકે જણાવ્યું હતું કે, બોન્ડની કિંમત સોનાના ગ્રામ દીઠ રૂ. 6,263 છે. ભારત સરકારે ઓનલાઈન અરજી કરનારા અને ડિજિટલ માધ્યમથી ચુકવણી કરનારા રોકાણકારોને ફેસ વેલ્યુમાંથી રૂ. 50 પ્રતિ ગ્રામ ડિસ્કાઉન્ટ આપવાનો નિર્ણય કર્યો છે. આરબીઆઈએ જણાવ્યું હતું કે આવા રોકાણકારો માટે ગોલ્ડ બોન્ડની ઈશ્યુ કિંમત રૂ. 6,213 હશે.

તમે સોવરિન ગોલ્ડ બોન્ડ ક્યાંથી ખરીદી શકશો

SGBs અનુસૂચિત વ્યાપારી બેંકો (નાની ફાઇનાન્સ બેંકો, ચુકવણી બેંકો અને પ્રાદેશિક ગ્રામીણ બેંકો સિવાય), સ્ટોક હોલ્ડિંગ કોર્પોરેશન ઓફ ઈન્ડિયા લિમિટેડ (SHCIL), સેટલમેન્ટ કોર્પોરેશન ઓફ ઈન્ડિયા લિમિટેડ (CCIL), નિયુક્ત પોસ્ટ ઓફિસો, નેશનલ સ્ટોક એક્સચેન્જ ઈન્ડિયા લિમિટેડ અને BSE લિમિટેડ દ્વારા વેચવામાં આવશે.

વધુ વાંચો : સોનું ખરીદવાનો પ્લાન હોય તો આ સરકાર લાવી રહી છે ગોલ્ડન ચાન્સ! જાણો ગોલ્ડ બોન્ડના ફાયદા

સોવરિન ગોલ્ડ બોન્ડ કોણ ખરીદી શકે છે

સેન્ટ્રલ બેંક ખરેખર ભારત સરકાર વતી ગોલ્ડ બોન્ડ જારી કરે છે. આ માત્ર નિવાસી વ્યક્તિઓ, હિંદુ અવિભાજિત પરિવારો (HUF), ટ્રસ્ટ, યુનિવર્સિટીઓ અને ચેરિટેબલ સંસ્થાઓને વેચી શકાય છે. સબ્સ્ક્રિપ્શનની મહત્તમ મર્યાદા વ્યક્તિઓ માટે ચાર કિલો, HUF માટે ચાર કિલો અને ટ્રસ્ટ અને સમાન સંસ્થાઓ માટે નાણાકીય વર્ષ દીઠ 20 કિલો છે. ગોલ્ડ બોન્ડ સ્કીમ સૌપ્રથમ નવેમ્બર 2015માં ભૌતિક સોનાની માંગ ઘટાડવાના હેતુથી રજૂ કરવામાં આવી હતી.