BIG NEWS / ગુજરાતનાં આગામી DGP માટે રાજ્ય સરકારે કેન્દ્રમાં મોકલ્યા છ નામ: જુઓ ફાઇનલ લિસ્ટ

આગામી 31મી જાન્યુઆરીના રોજ ગુજરાત રાજ્યના પોલીસ વડા (DGP) આશિષ ભાટિયાનો કાર્યકાળ 31મી જાન્યુઆરીના રોજ પૂર્ણ થઈ રહ્યો છે ત્યારે લાંબી ચર્ચા વિચારણા બાદ આગામી DGP માટે ગુજરાત સરકાર દ્વારા છ પોલીસ અધિકારીઓના નામની પેનલ UPSC માં મોકલવામાં આવી છે. આ પેનલમાંથી ગુજરાતના આગામી DGPનું નામ ફાઇનલ કરવામાં આવશે. 

પેનલમાં ગુજરાત સરકાર દ્વારા જે છ નામ મોકલવામાં આવ્યા છે તેમાં સૌથી ઉપર અતુલ કરવાલ છે. 

1. અતુલ કરવાલ: તેઓ ગુજરાત બેચના જ 1988ના IPS અધિકારી છે અને હાલમાં કેન્દ્રમાં ડેપ્યુટેશન પર NDRFના DG તરીકે ફરજ બજાવી રહ્યા છે. 

1989ની બેચમાંથી ચાર અધિકારીઓના નામ આપવામાં આવ્યા છે:
2. વિવેક શ્રીવાસ્તવ: સેન્ટ્રલ ઈન્ટેલિજન્સ બ્યૂરોમાં સ્પેશ્યલ ડાયરેક્ટર 
3. વિકાસ સહાય: ADGP 
4. અનિલ પ્રથમ: ADGP
5. અજય તોમર: સુરતના પોલીસ કમિશનર 

1991ની બેચના એક અધિકારીનું નામ પણ પેનલમાં સામેલ છે:
6. શમશેર સિંઘ: વડોદરાના પોલીસ કમિશનર 

DGP આશિષ ભાટિયાને આપ્યું હતું એક્સટેન્શન
મહત્વનું છે કે ગુજરાતના DGP આશિષ ભાટિયાનો કાર્યકાળ 8 મહિનાનુ એક્સેન્ટેશન આપી લંબાવાયો હતો, જે બાદ તેમનો 31 જાન્યુઆરીના એક્સેન્ટેશનના કાર્યકાળ પણ પૂર્ણ થઈ રહ્યો છે. નવા ડીજીપી તરીકે અતુલ કરવાલનું નામ સૌથી આગળ છે. એ પણ જણાવી દઈએ કે શિવાનંદ ઝાની નિવૃત્તી બાદ IPS આશિષ ભાટિયાની 31મી જુલાઈ 2020ના રોજ રાજ્ય પોલીસ વડા તરીકે નિમણૂક કરવામાં આવી હતી. IPS આશિષ ભાટિયા 1985 બેંચના IPS અધિકારી છે.

બે IPS અધિકારીઓને અપાઈ હતી બઢતી
અત્રે ઉલ્લેખનીય છે કે, ગુજરાત સરકારે તાજતરમાં એક નોટિફિકેશન જાહેર કરીને ગુજરાત કેડરના બે IPS અધિકારીને બઢતી આપી હતી, જેમાં રેન્જ આઈજી પીયૂષ પટેલ એડિશનલ DGP તરીકે, જ્યારે પ્રેમવીર સિંહને આઈજીપી તરીકે બઢતી આપવામાં આવી હતી.