આસ્થા / તરભ વાળીનાથ ધામ મહોત્સવ: આજથી યજ્ઞ શરૂ, પાંચ દિવસમાં 51 લાખ આહુતિ અપાશે

• તરભ વાળીનાથ ધામમાં યજ્ઞ ઉત્સવ
• અતિરુદ્ર યજ્ઞનુ ઉત્સવનું આયોજન
• જે યજ્ઞમાં 51 લાખથી વધુ આહુતિ અપાશે

મહેસાણામાં રબારી સમાજના આસ્થાના કેન્દ્ર તરભ વાળીનાથ ધામમાં પ્રાણ પ્રતિષ્ઠા મહોત્સવનો આજે ત્રીજો દિવસ છે. ત્રીજા દિવસે સવારથી અતિરુદ્ર યજ્ઞની શરૂઆત થઈ છે. આ યજ્ઞ સતત 22 તારીખ સુધી ચાલશે. 

15 હજાર યજમાનો જોડાયા
આ યજ્ઞમાં 15 હજાર યજમાનો જોડાયા છે. જે યજ્ઞમાં 51 લાખથી વધુ આહુતિ અપાશે. આ પ્રસંગે તરભ વાળીનાથ ધામમા ગાદીપતિ જયરામ ગીરી બાપુની રજત તુલા અને સાકર તુલા કરવામાં આવી હતી. જેમાં તોળાએલી 91 કિલો ચાંદી બાળકીઓના અભ્યાસ અને પોષણ પાછળ વાપરવામાં આવશે. જોગાનુજોગ ગત 22 તારીખે અયોધ્યા ખાતે અને આ 22મી તારીખે PM વાળીનાથ ધામ ખાતે હાજર રહેશે. તો આ તરફ વાળીનાથ ધામમાં આજે ત્રીજા દિવસે ભક્તોનું ઘોડાપુર ઉમટ્યું છે. 

વાંચવા જેવું: મોરબીમાં પરંપરાગત રમતને ફરી બેઠી કરવાનો પ્રયાસ, કોથળા દોડ, ધમાલિયો ધોકો, લંગડી સહિતની રમતોની ધમાલ

ભક્તોનું ઘોડપુર ઉમટ્યું
રબારી સમાજની ગુરુ ગાદી ગણાતા વાળીનાથ ધામમાં રબારી સમાજની સાથે અન્ય સમાજના ભક્તો પણ દર્શનાર્થે પધારી ધન્યતા અનુભવી રહ્યા છે. સાત દિવસ ચાલનારા પ્રાણ પ્રતિષ્ઠા મહોત્સવના ત્રીજા દિવસે મોટી સંખ્યામાં ભક્તો વાળીનાથ ધામ ખાતે સ્વયંભૂ ઉમટી પડ્યા છે. બાળકો,વૃધ્ધો અને મોટી સંખ્યામાં મહિલાઓ સાથે વાળીનાથ ધામમાં દર્શન માટે આવ્યા છે. ભક્તો ગુજરાત ભરમાંથી આસ્થાના ધામમાં  દર્શન માટે પહોંચી ગયા છે. જ્યારે મંદિર પરિસરમાં આરોગ્ય તંત્ર પણ ખડે પગે છે. હાલમાં આરોગ્યના જુદા જુદા કેમ્પો સમગ્ર સભા મંડળમાં યોજવામાં કરવામાં આવી રહ્યા છે જેમાં એક નાની હોસ્પિટલ પણ ખડી કરવામાં આવી છે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો