OMG ! / આ ઉંમરના લોકો રહે છે સૌથી વધુ દુઃખી, સરવેમાં થયો ચોંકાવનારો ખુલાસો

• હેપીનેસ ઇન્ડેક્સમાં સૌથી આગળ હિમાચલ
• ઉત્તરપ્રદેશ હેપીનેસ ઇન્ડેક્સમાં સૌથી પાછળ
• ભારતમાં 60 વર્ષથી વધુ વયના લોકો વધુ ખુશ 

20 માર્ચે સમગ્ર વિશ્વમાં ઈન્ટરનેશનલ હેપીનેસ ડેની ઉજવણી કરવામાં આવી હતી. દરમિયાન  એક ખાનગી સંસ્થા દ્વારા સરવે બહાર પાડવામાં આવ્યો જેમાં સામે આવ્યું કે  ભારતમાં 60 વર્ષથી વધુ ઉંમરના વૃદ્ધો સૌથી વધુ ખુશ છે. જ્યારે  સ્ત્રીઓ પુરુષો કરતાં વધુ ખુશ છે. આ સાથે યુવાનો પણ ખુશ છે.  પરંતુ  દેશમાં 35 થી 48 વર્ષની વયજૂથના પુરુષો નાખુશ છે. એકંદરે, 52 ટકા લોકોએ કહ્યું કે તેઓ ખુશ છે અને તેમની પાસે જરૂરી બધું છે.

28 રાજ્યો અને 8 કેન્દ્રશાસિત પ્રદેશોમાં સર્વે કરવામાં આવ્યો છે

એક કન્સલ્ટિંગ એજન્સી દ્વારા તમામ 28 રાજ્યો અને 8 કેન્દ્રશાસિત પ્રદેશોમાં 20,073 લોકોના સર્વેક્ષણમાં આ પરિણામો આવ્યા છે. આ મુજબ, 77% લોકો જે કામ કરી રહ્યા છે તે કરતા રહેવા માંગે છે. 68% લોકોએ કહ્યું- તેમના સંબંધો મજબૂત છે. 64% લોકોએ કહ્યું કે તેઓનો  લક્ષ્યાંક નક્કી છે. 67% લોકો એવા છે જે પોતાના  લક્ષ્ય તરફ આગળ વધી રહ્યા છે. 70% લોકોએ કહ્યું- લોકોને તેમનામાં વિશ્વાસ છે.  જો કે 60 વર્ષથી વધુ ઉંમરના લોકો સૌથી વધુ સંતુષ્ટ અને ખુશ છે, જ્યારે 36-45 વર્ષની વયના લોકો એક અથવા બીજી વસ્તુના દબાણ હેઠળ જીવે છે.

32.9% લોકો ઉદાસીનતા-ચિંતા અનુભવે છે

આ સર્વે અનુસાર દેશનો સ્કોર 6.84 છે. અહીં 87.8% માને છે કે મુશ્કેલીના સમયે લોકોની મદદ મળશે તો, 83.1% લોકો કહે છે કે તેમની પાસે તેમનું કામ પસંદ કરવાની સ્વતંત્રતા છે. 43.2% લોકો માને છે કે સરકાર અને બિઝનેસમાં ભ્રષ્ટાચાર છે. 70.5% લોકો જીવનમાં આનંદ, હાસ્ય અને આનંદ અનુભવે છે. તો બીજી તરફ  32.9% એવા લોકો છે જેઓ વારંવાર અથવા દરરોજ ચિંતા, ઉદાસી અને ગુસ્સાનો સામનો કરે છે.

હિમાચલના લોકો સૌથી વધુ ખુશ 

હેપીનેસ મામલે  રાજ્યોની વાત કરીએ તો દેશમાં હિમાચલ પ્રદેશ સૌથી વધુ ખુશ અને સંતુષ્ટ છે. બીજી તરફ પંજાબ ત્રીજા નંબરે ઉત્તરાખંડ . ચંડીગઢ ચોથા નંબરે છે. 36 રાજ્યોની યાદીમાં યુપી સૌથી નીચે છે અને મધ્યપ્રદેશ તેનાથી ઉપર એટલે કે 35મા ક્રમે છે. હકારાત્મક, નકારાત્મક લાગણીઓ, સામાજિક સમર્થન, પસંદગીની સ્વતંત્રતા, ઉદારતા, ભ્રષ્ટાચાર સહિત રાજ્યોને આરોગ્ય સૂચકાંક, માથાદીઠ આવક, સાક્ષરતા દર વગેરેના આધારે  હેપીનેસ ઇન્ડેક્સ નક્કી કરવામાં આવ્યો હતો.