સાવધાન / સ્માર્ટફોન યુઝર્સ એલર્ટ! જો-જો ગેમ રમતા-રમતા ક્યાંક બેંક એકાઉન્ટ ખાલી ન થઇ જાય, પોલીસે ઝડપ્યાં 8 આરોપી

સ્માર્ટફોનના આવ્યા પછી સાયબર ક્રાઈમનું વધારે ધ્યાન રાખવું પડે છે. આજે અમે તમને એવા ફ્રોડ વિશે જણાવીશું કે જે આજકાલ વધારે થાય છે. સ્કેમર્સ જુદી-જુદી રીતે લોકો સાથે છેતરપીંડી કરે છે અને હવે તે ગેમર્સને ટાર્ગેટ બનાવી રહ્યા છે. ગેમ રમતા લોકોને ટાર્ગેટ બનાવી તેમના બેંક એકાઉન્ટને ખાલી કરે છે. એટલે જ લોકોએ સાવધાન રહેવાની જરૂર છે.   

પોલીસે ધરપકડ કરી 

આવો જ એક કિસ્સો હાલમાં જ ગુરુગ્રામથી સામે આવ્યો છે. અહીં લોકોને નફાની લાલચ આપીને છેતરવામાં આવી રહ્યા છે. ખરેખર, આ છેતરપિંડી લોકોને ઓનલાઈન ગેમિંગમાં રોકાણ કરવાની લાલચ આપવાના નામે કરવામાં આવી રહી છે. સ્કેમર્સ કહે છે  કે જો તેઓ આમાં રોકાણ કરશે તો તેમને મોટો નફો મળશે. કેટલાક સમય સુધી તે લોકો સાથે આવું જ કરતા હતા અને જ્યારે યુઝર્સ તેની પાસે પૈસા પાછા માંગે તો તે તેમને બ્લોક કરી દેતા હતા. 

તાજેતરમાં જ પોલીસે ગુરુગ્રામના સેક્ટર-52ના એક મકાનમાં રેડ મારી અને પોલીસે 8 આરોપીની ધરપકડ કરી. અહીંથી જ પોલીસે 28 મોબાઈલ અને 3 લેપટોપ પણ જપ્ત કર્યા છે.સાયબર ક્રાઈમ પોલીસ સ્ટેશન ઈસ્ટની ટીમે આરોપીઓની ધરપકડ કરી છે અને ગેંગનો એક આરોપી શ્રીલંકામાં બેસીને આવી છેતરપિંડી કરી રહ્યો છે. હવે આ મામલે FIR નોંધવામાં આવી છે.

વધુ વાંચો : સુરતમાંથી ઝડપાયું IPLની નકલી ટિકિટ વેચવાનું મસમોટું કૌભાંડ, ડુપ્લિકેટ વેબસાઈટથી લોકોને છેતરતા, 7ની ધરપકડ

કેવી રીતે થાય છે છેતરપિંડી 

આ પહેલા પણ એક ગેંગ પકડવામાં આવી હતી. અહીં લોકોને ધંધામાં સામેલ કરવાના નામે પૈસા પડાવવામાં આવતા હતા. જેમાં લોકોને કહેવામાં આવતું હતું કે જો તેઓ આ બિઝનેસમાં રોકાણ કરશે તો તેઓ વધારે નફો કમાશે. પરંતુ તેમની પાસેથી પૈસા લીધા પછી કોઈ પણ પ્રકારનું કનેક્શન રાખતા ન હતા . આવી સ્થિતિમાં તમારે પણ સાવચેત રહેવું જોઈએ. કારણ કે તમને પણ મોટું નુકસાન થઈ શકે છે. તેથી તમારે ખૂબ જ સાવધ રહેવાની જરૂર છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો