વર્ષ 2024ની લોકસભા ચૂંટણીમાં ભાજપ માટે ચૂંટણીની જાહેરાત થાય એ પહેલાં જ તૈયારીઓ કરી લીધી હતી. જેમાં ચૂંટણી ના ઉમેદવારો જાહેરાત થતા જ ભાજપમાં કકળાટ જોવા મળ્યો હતો. ગુજરાત ની વાત કરવામાં આવે તો ભાજપ માટે ગુજરાત સૌથી સરળ રાજ્ય માનવામાં આવતું હતું. પરંતુ રાજ્યની અડધો ડઝન જેટલી બેઠકો પર પાર્ટીની અંદર અને બહારથી આવી રહેલા વિરોધને કારણે પાર્ટીની બેચેની વધી ગઈ છે. પાર્ટીએ નવા ઉમેદવારની જાહેરાત કરીને વડોદરામાં સ્થિતિ પર કાબૂ મેળવી લીધો છે. ત્યારે વલસાડ, સાબરકાંઠા, રાજકોટ અને પોરબંદરમાં સ્થિતિ સારી નથી. ભાજપ સંગઠનના અધિકારીઓમાં કોંગ્રેસમાંથી આગેવાનો વધુ ધ્યાન દોરતા હોવાનો રોષ છે. રાજકીય વર્તુળોમાં ચર્ચા છે કે શું 'પાર્ટી વિથ ડિફરન્સ' બની રહી છે. ભાજપના મોટા ચહેરાઓ પણ વિરોધથી અછૂત નથી. રાજકોટથી ચૂંટણી લડી રહેલા પરશોત્તમ રૂપાલા પણ વિરોધનો સામનો કરી રહ્યા છે. પારેબંદરમાં પેરાશૂટની એન્ટ્રી થતાં મનસુખ માંડવિયા સામેની સ્થિતિ પણ બદલાઈ છે.
લોકસભાની ચૂંટણીમાં ભાજપનાં ઉમેદવારનો વિરોધ
લોકસભાની ચૂંટણીમાં ભાજપના ઉમેદવારોનો વિરોધ મોટા પાયે થઈ રહ્યો છે. વડોદરામાં પાર્ટીએ પોતાનો ઉમેદવાર બદલવો પડ્યો છે. વડોદરા ભાજપની સુરક્ષિત બેઠક ગણાય છે. તેમ છતાં ઉમેદવાર બદલવાની જરૂર પડી છે. આ મામલે બરોડાના પૂર્વ મેયર જ્યોતિ પંડ્યાએ વિરોધ કર્યો હતો. આ પછી ડો.હેમાંગ જોષીના નામની જાહેરાત કરવામાં આવી હતી. આરોપ છે કે હવે રંજનબેન ભટ્ટના નજીકના ધારાસભ્ય કેતન ઇનામદારના સમર્થકો દ્વારા જોશીનો વિરોધ કરવામાં આવી રહ્યો છે. ત્યારે કોંગ્રેસ પણ આક્ષેપ કર્યા હતા કે ભાજપમાં પક્ષ પલટુઓને ટિકીટ આપવામાં આવી છે જેથી ભાજપના કાર્યકર્તાઓની અવગણના થાય છે.
ઉત્તર ગુજરાતમાં સાબરકાંઠા બેઠક પર વિરોધ
ઉત્તર ગુજરાતની સાબરકાંઠા બેઠક પર ભાજપે અગાઉ ભીખાજી ઠાકોરને ઉમેદવાર જાહેર કર્યા હતા. ઠાકોરને બદલે ડામોર હોવાની ચર્ચાઓ સપાટી પર આવતાં વિવાદ થવાની શક્યતા હતી. પક્ષે પ્રાથમિક શાળાના શિક્ષક શોભનાબેન બારૈયાને ઉમેદવાર જાહેર કર્યા હતા. હવે સાબરકાંઠામાં ઠાકોર સમર્થકો વિરોધ કરી રહ્યા છે. તેમનું કહેવું છે કે સાબરકાંઠામાં જો કોઈ ચાલી શકે તો તે ભીખાજી ઠાકોર છે. આમ ઉમેદવાર ની વિરુદ્ધમાં પૂર્વ ઉમેદવારોના સમર્થકો વિરોધ કરી રહ્યા છે. આવી સ્થિતિમાં કોંગ્રેસના પૂર્વ નેતાની પત્નીને લોકસભાની ટિકિટ આપવા પર સંગઠનમાં વિરોધ થઈ રહ્યો છે.
વલસાડમાં પણ ઉમેદવાર વિરુદ્ધ પેમ્ફલેટ અને પત્રો વાયરલ
વલસાડ લોકસભા બેઠકમાં પણ ધવલ પટેલને ઉમેદવાર બનાવવામાં આવ્યા છે. એમની વિરુદ્ધ અનેક પેમ્ફલેટ અને પત્રો વાયરલ થયા છે. ઉમેદવાર બદલવાની માંગ ઉઠી છે. ધવલ પટેલની આ પ્રથમ ચૂંટણી છે. રાજકોટ-પોરબંદરમાં ઓલ ઇઝ નોટ વેલ હોવાનું સામે આવ્યું છે.
પરષોત્તમ રુપાલાના વાણી વિલાસ બાદ વિરોધ
જેમાં પરષોત્તમ રૂપાલાના વાણીવિલાસ બાદ ક્ષત્રિય સમાજ રૂપાલાની ઉમેદવારીનો ખુલ્લેઆમ વિરોધ કરી રહ્યો છે ક્ષત્રિય સમાજ અવાજ ઉઠાવી રહ્યો છે ત્યારે ભાજપના અન્ય નેતાઓ પણ રૂપાલાને સંપૂર્ણ રીતે સ્વીકારી રહ્યા નથી. જ્યારે માંડવીયા ને માંડવીયા મૂળ ભાવનગરના છે. માંડવિયા માત્ર જીતવા જ નહીં પરંતુ જંગી માર્જિનથી જીતવાના પડકારનો સામનો કરી રહ્યા છે. પણ આ તમામ વિરોધ થી ભાજપ બધું ડ્રેનેજ કંટ્રોલ કરવાની કામગીરી હાથ ધરી છે. મતદાન પહેલા બધું સબ કુશલ થઈ જસે.
વધુ વાંચોઃ દૂધસાગર ડેરીએ ફેટના ભાવમાં કર્યો આટલા રૂપિયાનો વધારો, દૂધ ઉત્પાદકોને થશે કરોડોનો ફાયદો
આમ હવે ભાજપને ને રીતે વિરોધ થઈ રહ્યો છે તેને ધ્યાને લઈને ભાજપે તમામ જિલ્લા અને લોકસભા બેઠકોમાં ડેમેજ કંટ્રોલ કરવામાં આવી રહ્યું છે. ત્યારે આ ડેમેજ કંટ્રોલ કયારે પૂર્ણ થશે ક્યારે ભાજપમાં કાર્યકર્તાઓને મનાવવામાં આવશે તે જોવું રહ્યું ?
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
