રાજનીતિ / સિંધિયાને લઈને શિવસેનાએ જે કહ્યું તેનાથી કોંગ્રેસની ઊંઘ ઉડી જશે અને ભાજપ હરખાશે

Divyesh

Last Updated: 10:26 AM, 12 March 2020

FOLLOW ON

શેર કરો

મધ્યપ્રદેશમાં ચાલી રહેલા રાજકીય હલચલની વચ્ચે મહારાષ્ટ્રમાં ગઠબંધન પાર્ટી શિવસેનાએ કોંગ્રેસ પર નિશાન તાક્યું છે. મહારાષ્ટ્ર સરકારમાં કોંગ્રેસની સહયોગી શિવસેનાએ મધ્યપ્રદેશના રાજકારણને લઇને પ્રહાર કરતાં કહ્યું કે ભગવાન આપે છે અને કર્મ નાશ કરી દે છે. આ પરિસ્થિતિ કોંગ્રેસ પાર્ટીની થઇ ગઇ છે. મુખપત્ર સામનાના સંપાદકીય દ્વારા કોંગ્રેસને આડે હાથ લેતાં લખ્યું કે મધ્યપ્રદેશ કોંગ્રેસમાં બળવો થયો અને કમલનાથ સરકાર સંકટમાં જોવા મળી રહી છે. તેનું કારણ તેઓની લાપરવાહી, અહંકાર અને નવી પેઢીને ઓછી આંકવાની ભૂલ છે.

શિવસેનાએ સામનામાં કોંગ્રેસ પર ફરી સાધ્યુ નિશાન
જ્યોતિરાદિત્ય સિંધિયાની અવગણના આસાન ન હતી
MP સરકાર પડી તો કમલનાથનો અહંકાર જવાબદાર

શિવસેનાએ મુખપત્રમાં લખ્યું છે કે ભગવાન આપે છે અને કર્મ નાશ કરી દે છે. મધ્યપ્રદેશ કોંગ્રેસમાં ફૂટ પડી ગઇ છે. જ્યોતિરાદિત્ય સિંધિયાના નેતૃત્વમાં કોંગ્રેસના લગભગ 22 ધારાસભ્યોએ રાજીનામાં આપ્યાં છે. સિંધિયા ભાજપમાં સામેલ થઇ ઘયા. જેના કારણે કમલનાથ સરકાર અલ્પમતમાં આવી ગઇ છે. કમલનાથ સરકાર તુટી રહી હોવાનું જોવા મળી રહ્યું છે.

જ્યોતિરાદિત્ય સિંધિયા વગર મધ્યપ્રદેશનું રાજકારણ સંભવ નહીં

મહારાષ્ટ્રની સત્તામાં કોંગ્રેસની સહયોગી શિવસેનાએ કહ્યું કે મધ્યપ્રદેશમાં જ્યોતિરાદિત્ય સિંધિયાને નજર અંદાજ કરી રાજ્યનું રાજકારણ ન કરી શકાય. 'સામના' માં સંપાદકીય લેખમાં લખ્યું કે 'સિંધિયા નો પ્રભાવ ભલે રાજ્યભરમાં ન હોય, પરંતુ ગ્વાલિયર અને ગુના જેવા મોટા ક્ષેત્રોમાં 'સિંધિયાશાહી' નો પ્રભાવ છે.'

વિધાનસભા ચૂંટણી પહેલા જ્યોતિરાદિત્ય સિંધિયા જ કોંગ્રેસ તરફથી મુખ્યમંત્રીનો ચહેરો હતા, પરંતુ ત્યારબાદ રાજ્યના વરિષ્ઠ નેતાઓએ તેને એકતરફ કરી દીધો અને દિલ્હી હાઇકમાન્ડે માત્ર જોતું રહ્યું. જો કે એ સમયે મધ્યપ્રદેશની સ્થિતિ સુધારી લેવાની જરૂર હતી, પરંતુ લોકસભા ચૂંટણી હારી ગયેલા સિંધિયાને 'કબાડ' માં નાંખવા કોંગ્રેસ માટે આસાન નહોતું. આ અસંતોષના કારણે સમય-સમય પર નારાજગી સામે આવતી રહી.

સંકળાયેલા મુદ્દાઓ

Madhya Pradesh National News Shiv Sena Uddhav Thackeray congress કોંગ્રેસ નેશનલ ન્યૂઝ મધ્ય પ્રદેશ શિવસેના સામના politics