નવી સુવિધા / આવી ગયા ગુડ ન્યૂઝ! હવે ડેબિટ કાર્ડ વગર જ કોઈ પણ બેન્કના ATMમાંથી ઉપાડી શકશો રૂપિયા, SBIની નવી સુવિધા

• જાહેર ક્ષેત્રની સૌથી મોટી સ્ટેટ બેન્ક ઓફ ઇન્ડિયાની ડિજિટલ સુવિધામાં વધારો
• ડેબિટ કાર્ડ વગર જ એટીએમમાંથી ઉપડી શકાશે નાણા
• SBI ના ચેરમેન દિનેશ ખારાનું નિવેદન

ટેકનોલોજીમાં હરણફાળના યશ પરિણામ સ્વરૂપે આપણી રોજબરોજની જીવનશૈલી આસાન બની રહે છે. થોડા દિવસ અગાઉ આપણે ક્યારેય પણ વિચાર્યું ન હતું કે ડેબિટ કાર્ડ વગર જ એટીએમમાંથી રૂપિયા ઉપડી શકાશે. પરંતુ હવે આ શક્ય બનવા જઈ રહ્યું છે. જાહેર ક્ષેત્રની સૌથી મોટી સ્ટેટ બેન્ક ઓફ ઇન્ડિયાએ આજે રવિવારે પોતાની ડિજિટલ બેન્કિંગ એપ્લિકેશન YONO મા મોટો સુધારો કરી ઇન્ટરઓપરેબલ કાર્ડલેસ સુવિધાના શ્રીગણેશ કરી દીધા છે. પરિણામે હવે એટીએમમાંથી પૈસા ઉપાડવા માટે ડેબિટ કાર્ડની પણ જરૂર રહેશે નહીં.

Say goodbye to worries. We have got your back with something special. Don’t miss the big reveal coming soon!#YonoIt #Payments #SBI #AmritMahotsav pic.twitter.com/DsEzdY5KMx

— State Bank of India (@TheOfficialSBI) July 2, 2023

SBI ના ચેરમેન દિનેશ ખારાનું નિવેદન

આ સુવિધાને પગલે SBI ના ચેરમેન દિનેશ ખારાનું નિવેદન સામે આવ્યું છે. જેમાં તેમણે જણાવ્યું કે એસબીઆઇ ડિજિટલ બેન્કિંગ સોલ્યુશન્સ રજૂ કરવા માટે હંમેશા પ્રયત્નશીલ છે તે દરેક ભારતીયની નાણાકીય સગવડતા સાથે સશક્ત બનાવે છે. ગ્રાહકોની આનંદપ્રદ ડિજિટલ અનુભવની અપેક્ષાઓને ધ્યાનમાં રાખીને અમે YONO ને એક નવું રૂપ આપ્યું છે. 

અન્ય બેંકોના ગ્રાહકોને પણ મળશે ફાયદો

SBI ના ચેરમેન દિનેશ ખારાનું માનવું છે કે આનાથી એસબીઆઈનું દરેક ભારતીય માટે YONO (YONO for every indian) મિશનને પણ સફળતા મળી શકે છે. YONO એપ્લિકેશનના માધ્યમથી બેંક ગ્રાહકને હવે સ્કેન અને પે, કોન્ટેક્ટ દ્વારા ચૂકવણી અને રિકવેસ્ટ મની જેવી UPI સુવિધાઓની ઍક્સેસ પ્રાપ્ત કરવામાં આવશે.આ ઉપરાંત, ઇન્ટરઓપરેબલ કાર્ડલેસ કેશ ઉપાડની સુવિધા હેઠળ, SBI ગ્રાહકોને તો લાભ મળશે જ સાથે અન્ય બેંકોના ગ્રાહકો 'UPI QR Cash'' ની સુવિધાનો ઉપયોગ કરીને કોઈપણ બેંકના ICCW સક્ષમ ATMમાંથી રોકડ ઉપાડી શકશે.