વિવાદનો અંત / સાળંગપુર હનુમાનજીના ભીંતચિત્રો આજે રાત્રે કરાશે દૂર, દર્શનાર્થીઓને મંદિર પરીસર ખાલી કરવા સૂચના, પોલીસનો ચાંપતો બંદોબસ્ત

• સાળંગપુરના હનુમાનજી મંદિરના ભીંતચિત્રોના વિવાદનો આવ્યો અંત 
• આવતી કાલે સવારે સૂર્યોદય પહેલા હટાવાશે ભીંતચિત્રો
• મંદિર પરિસરમાં ગોઠવાયો ચુસ્ત પોલીસ બંદોબસ્ત 
• આજે રાત્રે જ ભીંતચિત્રો હટાવવાની કામગીરી થઈ શકે છે

સાળંગપુરનાં હનુમાનજી મંદિરનાં ભીંતચિત્રોનો વિવાદનો હવે સુખદ અંત આવ્યો છે. આવતીકાલે સવારે સૂર્યોદય પહેલા ભીંતચિત્રો હટાવવાની બાંહેધરી આપી છે. હાલ મંદિર પરિસરમાં ચુસ્ત બંદોબસ્ત ગોઠવવામાં આવ્યો છે. જેમાં મંદિર પરિસર પાસે આવેલ હનુમાનજીની મૂર્તિની આસપાસ પોલીસ બંદોબસ્ત ગોઠવવામાં આવ્યો છે. તેમજ પોલીસે દર્શનાર્થીઓને મંદિર પરીસર ખાલી કરવા સૂચના આપી છે. આજે રાત્રે ભીંતચિત્રો હટાવવાની કામગીરી થઈ શકે છે.

મહામંડલેશ્વર ઋષિ ભારતી બાપુનું નિવેદન
સાળંગપુર હનુમાનજીનાં ભીંતચિત્રોનાં વિવાદનો સુખદ અંત આવ્યો છે. ત્યારે ભીંતચિત્રોને લઈ મહત્વનો નિર્ણય કરવામાં આવ્યો છે. જેમાં મહામંડલેશ્વર ઋષિ ભારતી બાપુનું નિવેદન છે. બેઠકમાં અમારા 11 મુદ્દાની વાત કરવામાં આવી નથી. તેમજ સ્વામિનારાયણ મંદિરમાં જે સનાતન ધર્મના ભગવાનને નીચે દેખાડવાનાં પ્રયાસ થઈ રહ્યા છે તેને દૂર કરવા માંગ તેમજ આવતીકાલે લીંમડી ખાતે મહાસંમેલન યોજાશે.  આજની બેઠકમાં મને બોલાવવામાન આવતા નથી. અને હનુમાનની મૂર્તિ પર સ્વામિનારાયણ તિલક છે. જેને દૂર કરવા રણનીતિ ઘડાશે.

જૂનાગઢના મહંત મહાદેવ ગીરી બાપુનું નિવેદન
સાળંગપુરમાં હનુમાનજીનાં ભીંતચિત્રોનાં વિવાદનો સુખદ અંત આવ્યા બાદ એક પછી એક સાધુ સંતોનાં નિવેદન આવી રહ્યા છે. ત્યારે ભીંતચિત્રોને આવતીકાલ સવારે સૂર્યોદય પહેલા હટાવાશે. તેવું વડલાત ટ્રસ્ટ્રનાં સંતો અને વીએચપીની બેઠકમાં નિર્ણય લેવાયો હતો. જૂનાગઢનાં મહંત મહાદેવગીરી બાપુનું નિવેદન સામે આવ્યું છે. જેમાં હજુ પણ તેમનાં ગ્રંથો વિવાદિત છે તે દૂર કરવા જોઈએ. 
મહંત ચૈતન્ય શંભુ મહારાજનું નિવેદન 
સાળંગપુર હનુમાનજી ભીંતચિત્રોનાં વિવાદનો સુખદ નિરાકરણ બાદ ભીંતચિત્રોને આવતીકાલે સવારે સૂર્યોદય પહેલા હટાવવાની બાંહેધરી વડતાલ ટ્રસ્ટ્રનાં સંતો અને વીએચપીની બેઠકમાં નિર્ણય કરાયો છે. મહંત ચૈતન્ય શંભુ મહારાજે કહ્યું કે બેઠકમાં નિર્ણય લેવાયો તે આવકાર્ય છે. તેમજ લીંબડીની બેઠક યથાવત છે. હું તેમાં જવાનો છું. અને વિવાદનો સુખદ અંત આવ્યો છે.