ચેતવતો કિસ્સો / ઘરઘાટીના ડોક્યુમેન્ટ ન લેવા ભારે પડ્યા, રાજકોટના વૃદ્ધાને બંધક બનાવી નોકરે કરી 3 લાખની લૂંટ, ઉંઘ ઉડી તો બધુ ગાયબ

• રાજકોટના કોહિનૂર એપાર્ટમેન્ટમાં લૂંટ
• કામવાળી મહિલાએ ચલાવી લૂંટ
• કામે રાખતા પહેલા કોઈ પણ પ્રકારના ડોક્યુમેન્ટ લીધા ન હતા

રાજકોટ શહેરમાં ટ્રાફિકથી ધમધમતા અને પોસ્ટ વિસ્તાર ગણાતા 150 ફૂટ રોડ પર બપોરે લૂંટની ઘટના બની છે. કોહિનૂર એપાર્ટમેન્ટમાં ત્રીજા માળે રહેતા રાજેન્દ્ર અનડકટ નામના વ્યક્તિના મકાનમાં દરરોજના સમય મુજબ બપોરે (ઘરઘાટી) કામવાળી મહિલા આવી હતી અને ઘરકામ કરવા લાગી હતી જોકે તેણે આ સમયે ઘરમાં રહેલા વ્યક્તિઓને કેફી પીણું પીવડાવ્યું હતું

પર પ્રાંતિય મહિલાએ ચલાવી લૂંટ
જે કેફી પીણાની અસર થતાં ઘરમાં રહેલા વૃદ્ધ વ્યક્તિ અને યુવાન પુત્રને ઘેન ચડી ગયું હતું જોકે આ સમયે વૃદ્ધ મહિલાની ઊંઘ ઊડી જતા તેમણે બૂમો બૂમ પાડી હતી જોકે ઘરે કામ કરવા આવેલી પરપ્રાંતિય મહિલા અને તેમના પતિએ વૃદ્ધાને બાંધી દીધી હતી અને ઘરમાં રહેલા ત્રણ લાખ રૂપિયા રોકડા તેમજ સોનાની લૂંટ ચલાવી હતી. ઘરે કામ કરવા આવેલી પરપ્રાંતીય નેપાળી મહિલાએ પોતાનું નામ સુશીલા જણાવ્યું હતું જોકે પરિવારજનો એ ગફલતાઈ કરી હતી અને ઘરે કામ રાખતા પહેલા કોઈ પણ પ્રકારના ડોક્યુમેન્ટ લીધા ન હતા. 

પોલીસ હાથધરી તપાસ
આ ઘટનાની જાણ થતા ડીસીપી, એસીપી સહિતના પોલીસ અધિકારીઓ ઘટનાસ્થળે દોડી આવ્યા હતા અને તપાસ હાથ ધરી હતી. હાલ પોલીસ દ્વારા અલગ અલગ ટીમો બનાવીને વિવિધ દિશામાં તપાસ હાથ ધરી છે આ ઘટના અંગે પોલીસે સીસીટીવી ફૂટેજ પણ જાહેર કર્યા છે જેમાં સ્પષ્ટ દેખાય છે કે આ પરપ્રાંતિય પરિવાર લૂંટ કરી ફરાર થયો છે.