નિવેદન / રાહુલ ગાંધીનો મોદી સરકાર પર વધુ એક પ્રહાર, કહ્યું ‘કોવિડ સામે મોદી સરકારની 'સુનિયોજિત લડાઈ'

• GDPમાં ઐતિહાસિક 24%નો ઘટાડોઃ રાહુલ
• દેશમાં 12 કરોડ નોકરીઓ છીનવાઈ ગઈઃ રાહુલ
• 15.5 લાખ કરોડની વધારાની લોનઃ રાહુલ

જીડીપીમાં ઐતિહાસિક 24 ટકાનો ઘટાડો થયો છે. દેશમા 12 કરોડ નોકરી છીનવાઇ ગઇ છે. 15.5 લાખ કરોડની વધારાની લોનનું ભારણ છે. અને વિશ્વમાં રોજ ભારતમાં સૌથી વધુ કેસ નોંધાય છે. છતા પણ સરકાર કહે છે કે બધુ બરાબર છે.

Modi Govt’s ‘well-planned fight’ against Covid has put India in an abyss of:

1. Historic GDP reduction of 24%
2. 12 crore jobs lost
3. 15.5 lac crores additional stressed loans
4. Globally highest daily Covid cases & deaths.

But for GOI & media ‘sab changa si’.

— Rahul Gandhi (@RahulGandhi) September 12, 2020

ઉલ્લેખનીય છે કે આ પહેલા રાહુલ ગાંધીએ ટ્વીટ કરી કહ્યું કે, મોદી સરકારની નીતિઓના કારણે દેશમાં કરોડો નોકરીઓ જતી રહી છે, જ્યારે GDPમાં ઐતિહાસિક ઘટાડો થયો છે. જેના કારણે ભારતીય યુવાઓનું ભવિષ્ય જોખમમાં મુકાઇ ગયું છે. આવો સરકારને તેમનો અવાજ સંભળાવીએ.

આ ઉપરાંત પણ રાહુલે પોતાની ટ્વીટમાં અગાઉ લખ્યું હતું કે કે અચાનક કરવામાં આવેલ લોકડાઉન અસંગઠિત વર્ગ માટે મૃત્યુદંડ જેવું સાબિત થયું  છે. 21 દિવસમાં કોરોના ખતમ કરવાનો વાયદો હતો પરંતુ કરોડો રોજગાર અને નાના ઉદ્યોગ ખતમ કર્યા. મોદી જીનો જનવિરોધી ડિઝાસ્ટર પ્લાન જાણવા માટે વીડિયો જોવો. 

રાહુલ ગાંધીએ આ મુદ્દે એક વીડિયોમાં કહ્યું હતુ કે કોરોનાના નામ પર જે કરવામાં આવ્યું તે અસંગઠિત ક્ષેત્ર પર ત્રીજુ આક્રમણ ત્રીજો વાર હતો પરંતુ ગરીબ લોકો રોજ કમાય છે અને રોજ ખાય છે . નાના મધ્યમ વર્ગના વ્યાપારની સાથે પણ આમ જ થયુ છે. નોટિસ વગર લોકડાઉન કરી તમે તેના પર આક્રમણ કર્યુ. પ્રધાનમંત્રી જીએ કહ્યું કે 21 દિવસમાં લડાઈ થશે. અસંગઠિત ક્ષેત્રની કરોડરજ્જુનું હાડકુ તુટી ગયુ.’ રાહુલ ગાંધી વારંવાર ટ્વીટ કરીને દેશના અનેક મુદ્દાઓ પર સરકારને ઘેરતા આવ્યા છે.