રાજકારણ / રાહુલ ગાંધીએ જાતે રાજીનામું આપ્યું હતું અમે નહોતું કહ્યું: કોંગ્રેસના દિગ્ગજ નેતાએ પોતાની જ પાર્ટીને અરીસો બતાવ્યો

• કોંગ્રેસના દિગ્ગજ નેતા આનંદ શર્મા ફરી એક વાર આંતરિક વિખવાદ પર બોલ્યા
• રાહુલ ગાંધીને લઈને આનંદ શર્માએ કહી આ વાત
• જો કોંગ્રેસનો ઉદ્ધાર કરવો હશે તો...

કોંગ્રેસના વરિષ્ઠ નેતા આનંદ શર્માએ બુધવારે ફરી એક વાર કોંગ્રેસના આંતરિક ખટરાગ પર વાત કરી હતી. તેમણે કહ્યું કે, જો પાર્ટીમાં કંઈક આંતરિક પરિવર્તન લાવે છે, તો જ કોંગ્રેસનો ઉદ્ધાર થશે. આપને જણાવી દઈએ કે, હિમાચલ પ્રદેશમાં વિધાનસભા ચૂંટણી પહેલા આનંદ શર્માએ પાર્ટીની રાજ્ય કોર કમિટિના સંચાલન સમિતિના અધ્યક્ષ પદેથી રવિવારે રાજીનામું આપી દીધું હતું. આ પગલાથી કોંગ્રેસને એક મોટો ઝટકો તરીકે જોવામાં આવી રહ્યુંછ ે. જો કે, તેમણે કહ્યું કે, તેઓ પાર્ટી જ્યાં કહેશે, ત્યાં પ્રચાર કરશે. 

બુધવારે આપેલા એક ઈન્ટરવ્યૂમાં તેમણે કહ્યું કે, જ્યાં પણ મારી જરૂર પડશે, હું કોંગ્રેસ માટે પ્રચાર કરીશ. કોંગ્રેસને જૂથવાદમાંથી બહાર આવીને એકજૂટ થવાની જરૂર છે. આપણા બધા કોંગ્રેસી છીએ. મહત્વનું એ છે કે, કોંગ્રેસ પાર્ટી મજબૂત રહે. કોંગ્રેસ પાર્ટી હાલના સમયમાં નવા અધ્યક્ષની ચૂંટણીને લઈને ચર્ચાઓમાં છે. ક્યાસ તો એવા લાગી રહ્યા છે કે ફરીથી કોઈ ગાંધી પરિવારમાંથી જ કોંગ્રેસની કમાન સંભાળશે.

તેના પર પ્રતિક્રિયા આપતા આનંદ શર્માએ કહ્યું કે, અમે 2018માં રાહુલ ગાંધીને કોંગ્રેસ અધ્યક્ષ તરીકે ચૂંટ્યા, પણ તેમને રાજીનામું આપી દીધું. અમે તેમને રાજીનામું આપવા માટે નહોતું કહ્યું. એવું જરૂરી નથી કે, નહેરુ-ગાંધી પરિવાર (કોંગ્રેસ પાર્ટી માટે) અભિન્ન અંગ બની રહે. કોંગ્રેસને સમાવેશી અને સામૂહિક વિચાર તથા દ્રષ્ટિકોણની જરૂર છે. શર્માએ પહેલા જી 23 ગ્રુપના એક અન્ય નેતા ગુલામ નબી આઝાદ જમ્મુ કાશ્મીરમાં કોંગ્રેસ ચૂંટણી અભિયાન સમિતિના અધ્યક્ષ પદેથી રાજીનામું આપી ચુક્યા છે.