શેર ડિવિડન્ડ / PPF અને FDની ધૂળધાણી; આ સરકારી શેરે રોકાણકારોને કર્યા માલામાલ, એક જ વર્ષમાં 30%નો જમ્પ

• ડિવિડન્ડ યીલ્ડ PPF, EPF અને FD કરતા પણ વધુ યોગ્ય.
• ડિવિડન્ડ શેરમાં આવે છે તેજી
• ડિવિડન્ડની સાથે શેરમાં પણ 30 ટકાની તેજી.

ડિવિડન્ડ આપતા શેરમાં રોકાણ કરવામાં આવે તો તેમાં પબ્લિક પ્રોવિડન્ટ ફંડ (PPF), એમ્પ્લોયી પ્રોવિડન્ટ ફંડ અને બેન્ક ફિક્સ્ડ ડિપોઝીટ કરતા વધુ રિટર્ન મળે છે. ડિવિડન્ડ આપતા શેર હંમેશા ડબલ બોનાન્ઝા આપે છે. આ પ્રકારના શેરની ડિવિડન્ડ યીલ્ડ ક્યારેક ક્યારેક PPF, EPF અને FD કરતા પણ વધુ યોગ્ય હોય છે. આ શેરમાં તેજી પણ આવે છે. 

10 રૂપિયાના ડિવિડન્ડની સાથે શેરમાં પણ 30 ટકાની તેજી

પાવર ફાઈનાન્સ કોર્પોરેશન (PFC) પણ આવા જ એક ડિવિડન્ડ સ્ટોક છે. સરકારી કંપનીએ છેલ્લા એક વર્ષમાં શેર પર 10 રૂપિયાનું ડિવિડન્ડ જાહેર કર્યું છે. છેલ્લા એક વર્ષમાં પાવર ફાઈનાન્સ કોર્પોરેશનના શેરમાં 30 ટકાની તેજી આવી છે. એક વર્ષ પહેલા પાવર ફાઈનાન્સ કોર્પોરેશનના શેર 122 રૂપિયાના સ્તર પર હતા. 6 એપ્રિલ 2023ના રોજ PFCના શેર BSE પર 157.45 રૂપિયાના સ્તર પર બંધ થયા છે. રોકાણકારો માટે પાવર ફાઈનાન્સ કોર્પોરેશનનું ડિવિડન્ડ યીલ્ડ અને કંપનીના શેરનું રિટર્ન ડબલ બોનાન્ઝા સાબિત થયું છે. 

નાણાંકીય વર્ષ 2023માં પાવર ફાઈનાન્સ કોર્પોરેશનની ડિવિડન્ડ હિસ્ટ્રી

પાવર ફાઈનાન્સ કોર્પોરેશને છેલ્લા એક વર્ષમાં પ્રતિ શેર પર 10 રૂપિયાનું ડિવિડન્ડ આપ્યું છે. સરકારી કંપનીએ છેલ્લા એક વર્ષમાં ચાર વાર ડિવિડન્ડ જાહેર કર્યું છે. PFCએ જૂન 2022માં પ્રતિ શેર પર 1.25 રૂપિયાનું ડિવિડન્ડ આપ્યું છે. સપ્ટેમ્બર 2022માં પ્રતિ શેર 2.25 રૂપિયા અને નવેમ્બર 2022માં 3 રૂપિયાનું ઈન્ટેરિમ ડિવિડન્ડ આપ્યું છે. કંપનીએ ફેબ્રુઆરી 2023માં 3.50 રૂપિયાનું ઈન્ટેરિમ ડિવિડન્ડ આપ્યું છે. નાણાંકીય વર્ષ 2023માં પાવર ફાઈનાન્સ કોર્પોરેશનનું ડિવિડન્ડ યીલ્ડ 8.35 ટકા રહ્યું છે. 

PFCના ડિવિડન્ડ યીલ્ડે તમામ લોકોને પાછળ છોડી દીધા

છેલ્લા એક વર્ષમાં પબ્લિક પ્રોવિડન્ટ ફંડનો વ્યાજદર 7.10 ટકા રહ્યો છે. એમ્પ્લોયી પ્રોવિડન્ટ ફંડનો વ્યાજદર 8.10 ટકા રહ્યું છે. છેલ્લા એક વર્ષમાં ફિક્સ્ડ ડિપોઝીટનું રિટર્ન 5.50 ટકાથી વધીને 7 ટકા થઈ ગયું છે. છેલ્લા એક વર્ષમાં પાવર ફાઈનાન્સ કોર્પોરેશનનું ડિવિડન્ડ યીલ્ડ 8.35 ટકા રહ્યું છે. ઉપરાંત કંપનીના શેરમાં 30 ટકાનો ઉછાળો જોવા મળ્યો છે.

DISCLAIMER: શેરમાર્કેટને લગતો આ આર્ટિકલ અનુભવ તેમજ મળતી માહિતીને આધારિત છે. આથી આપવામાં આવેલી જાણકારી અનુસાર રોકાણ કરવામાં જો તમને કોઇ પણ પ્રકારનું નુકસાન થશે તો તેની જવાબદારી અમારી રહેશે નહીં. કોઇ પણ શેરમાં રોકાણ કરતા પહેલાં નિષ્ણાંતની સલાહ લેવી આવશ્યક. આ આર્ટિકલ ફક્ત શેર બજારના ન્યૂઝના હેતુસર પબ્લિશ કરવામાં આવ્યો છે.