મોંઘવારીનો એટેક / ચારેય કોરથી જનતાનો મરો: ગુજરાતમાં ફરી વધ્યા પેટ્રોલ ડિઝલના ભાવ, જાણો કેટલા

• રાજ્યમાં પેટ્રોલ અને ડિઝલના ભાવમાં ફરી વધારો 
• પેટ્રોલના ભાવમાં 80 પૈસાનો વધારો કરવામાં આવ્યો 
• ડિઝલના ભાવમાં 82 પૈસાનો ફરી વધારો કરાયો 

પેટ્રોલ ડીઝલ ના ભાવમાં વધુ એક વખત ભડકો નોંધાયો છે..1 દિવસના વિરામ બાદ વધુ એકવાર પેટ્રોલ ડીઝલના ભાવ વધી ગયા છે.પેટ્રોલમાં 80 પૈસા અને ડિઝલમાં 82 પૈસાનો વધારો થયો છે એટલે કે અમદાવાદમાં હવે પ્રતિ લિટર 105.09  જ્યારે ડીઝલ પ્રતિ લિટરે 98.08ની આસપાસ પહોંચી ગયું છે. 6 એપ્રિલને બુધવાર સવાર 6 વાગ્યાથી નવા ભાવ લાગુ થઈ જશે. છેલ્લા 15 દિવસમાં  10 રૂપિયાનો જોરદાર વધારો થયો છે. 

ક્રુ઼ડની વધતી કિંમત પર સંસદમાં હોબાળો
પેટ્રોલ ડીઝલના ભાવ મામલે સંસદમાં વિપક્ષ સરકાર પર હમલાવર જોવા મળી રહ્યુ છે. જેના પર કેન્દ્રીય પેટ્રોલીયમ મંત્રી હરદીપ સિંહ પુરીએ સરકારનો બચાવ કરતા કહ્યુ છે કે, અન્ય દેશોની તુલનામાં ભારતમાં પેટ્રોલ-ડીઝલના ભાવમાં મામુલી વધારો થયો છે. તમેને સંસદમાં કહ્યુ કે, બીજા દેશોની તુલનામાં ભારતમાં માત્ર 10 ટકાનો જ વધારો થયો છે. અમેરિકામાં 51 ટકાનો વધારો, કેનેડામાં 52,સ્પેનનાં 58, જર્મની અને બ્રિટનમાં 55-55 ટકાનો વધારો થયો છે. જ્યારે ભારતમાં માત્ર 5 ટકાનો વધારો થયો છે.

છેલ્લા 15 દિવસમા થયેલો વધારો (દેશના આંકડા)

હાય..રે મોંઘવારી..!
એક તરફ મોંઘવારી અને બીજી તરફ બેરોજગરીમાં જનતા પીસાઈ રહી છે.પેટ્રોલ ડીઝલના ભાવ  છેલ્લા ઘણા દિવસોથી સતત વધી રહ્યા છે. ત્યારે ઘટાડો નોંધતો નથી.પણ પેટ્રોલ ડીઝલ દિવસે ને દિવસે મોંઘા બની રહ્યા છે.જીવન જરૂરિયાતની વસ્તુ ગણાતા પેટ્રોલ ડીઝલના ભાવ સતત આસમાને આંબી રહ્યા છે.પેટ્રોલ ડીઝલના વધતા ભાવ હવે લોકોને દરરોજ દઝાડી રહ્યા છે.ભાવ વધારાના કારણે સામાન્ય જનતાનું બજેટ ખોરવાયું છે.

ગુજરાત ગેસે CNGનો ભાવ રૂ.70.53થી વધીને રૂ.76.98 કર્યો 
CNGની સવારી પણ મોંઘી જ પડશે ગુજરાત ગેસે CNGના ભાવમાં રૂ.6.45 નો વધારો કર્યો છે. આથી હવે ગુજરાત ગેસનો CNGનો ભાવ રૂ.70.53થી વધીને રૂ.76.98 પહોંચશે આજે 6 એપ્રિલને મધ્યરાત્રીથી  CNGમાં નવા ભાવ લાગુ થઈ જશે. જેના કારણે વાહન ચાલકો પર વધારાનો  બોઝ પડ્યો છે. હવે CNGની સવારી પણ મોંઘી બની ગઈ છે.