આરોપ / ફેસબુક અને ભાજપ વચ્ચે કથિત સાંઠગાંઠ મામલે વૉલ સ્ટ્રીટ જર્નલના નવા દાવાથી ખળભળાટ

• ફેસબુક અને ભાજપની કથિત સાંઠગાંઠ પર નવો ખુલાસો 
• અમેરિકી અખબાર વોલ સ્ટ્રીટ જર્નલમાં કરાયો દાવો 
• ફેસબૂકની પબ્લિક પોલિસી હેડ અંખી દાસ પર લાગ્યા આરોપ 

ભાજપ અને ફેસબુકની કથિત સાંઠગાંઠ પ્રકરણ મામલે એક અમેરિકી અખબાર વોલ સ્ટ્રીટ જર્નલની એક રિપોર્ટમાં ખૂબ જ ચોંકાવનારો દાવો કરવામાં આવ્યો છે, તેમાં કહેવામાં આવ્યું છે કે ફેસબુકની પબ્લિક પોલિસી હેડ અંખી દાસે ફેસબુકના તે નિયમો જેનાથી જાહેર ઘૃણાસ્પદ ભાષણોને રોકી શકાય તેમ હતા ને, કથિત હિન્દુ રાષ્ટ્રવાદિયોની પોસ્ટ પાર લાગૂ થતા રોક્યા હતા, આમ તેમને પ્રધાનમંત્રી નરેન્દ્ર મોદી ની મદદ કરી હતી. 

2019ની ચૂંટણી પહેલા ફેસબુકે કરી હતી કાર્યવાહી, પરંતુ ભાજપ સાથે જોડાયેલા પેજ બાકાત રહ્યા હતા 

રિપોર્ટ પ્રમાણે છેલ્લા વર્ષે થયેલી લોકસભા ચૂંટણીના પહેલા ફેસબુકે એવા ઘણા પેજ પર કાર્યવાહી કરી હતી જેમના પર ઘૃણાસ્પદ માહિતી ફેલાવવાનો આરોપ હતો, જો કે આ પેજમાં ભાજપ સાથે જોડાયેલા ફેસબુક પેજ પર કાર્યવાહી કરવામાં આવી નહોતી. 

ફેસબુક વિશ્વભરમાં ફેક્ટ ચેક માટે થર્ડ પાર્ટી પ્લેયર પર નિર્ભર કરે છે, જેમાંથી 8 ભારતીય છે, આ લોકોનું કામ ખોટી માહિતી ફેલાવનારી પોસ્ટને શોધીને તેમના પ્રમાણે ઓછું કરવાનું છે, કે જેનાથી સાચી, યોગ્ય અને વિશ્વસનીય માહિતી લોકો સુધી પહોંચતી રહે. જો કે તેના ભારતીય ફેક્ટ ચેકીંગ પાર્ટનરોને ટાંકીને એક રિપોર્ટમાં દાવો કરવામાં આવ્યો છે કે, ઓગસ્ટ 2019થી ઓગસ્ટ 2020 વચ્ચેના સમયગાળામાં કોઈ ખોટી માહિતી ફેલાવનારી પોસ્ટ માટે કોઈ વ્યક્તિ કે સંગઠનને ફેસબુક ના ભારતીય ફેક્ટ ચેકીંગ ભાગીદારો દ્વારા હાઈલાઈટ કરવામાં આવ્યું નથી.