ટેક / 6500mAh બેટરી અને 144Hz ડિસ્પ્લે સાથે આવશે Motorola નો શાનદાર ફોન, સસ્તામાં મળશે પ્રીમિયમ ફીચર્સ

મોટોરોલાએ ભારતમાં તેના નવા સ્માર્ટફોન Motorola Edge 70 Proની લોન્ચ તારીખ જાહેર કરી છે. આ ફોન 22 એપ્રિલે દેશમાં લોન્ચ થશે. એમાં તેના પાવરફુલ ફીચર્સ પહેલાથી જ જાહેર કરવામાં આવ્યા છે. મોટી બેટરી, પાવરફુલ પ્રોસેસર અને પ્રીમિયમ ડિઝાઇન સાથે ફોન ફ્લેગશિપ જેવો અનુભવ આપવાનો વાયદો કરે છે. ફ્લિપકાર્ટ માઇક્રોસાઇટ પર જાહેર કરાયેલી માહિતીએ યુઝર્સમાં વધુ ઉત્સાહ વધાર્યો છે.

• લોન્ચ ડેટ અને નવી ડિઝાઇન

Motorola Edge 70 Pro ભારતમાં 22 એપ્રિલે લોન્ચ થશે અને ફ્લિપકાર્ટ પર વેચાણ માટે ઉપલબ્ધ થશે. મોટોરોલાએ આ ફોનને એક યુનિક ડિઝાઇન સાથે રજૂ કરવાની તૈયારી કરી છે. જેમાં વિવિધ ફિનિશ છે. તેના ઓપ્શનમાં સાટિન લક્સ પેન્ટોન ટી, ફેબ્રિક સ્ટાઇલ પેન્ટોન ટાઇટન અને માર્બલ ફિનિશ પેન્ટોન ગ્રીન વ્હાઇટનો સમાવેશ થાય છે. આ સ્માર્ટફોન હાલના Edge 70 ફ્યુઝન મોડેલ સાથે સીરીઝ ચાલુ રાખશે. તેની ડિઝાઇનની સાથે તેમાં એક મજબૂત બિલ્ડ ક્વોલીટી પણ છે.

• ડિસ્પ્લે અને પર્ફોર્મન્સનું પાવરફુલ કોમ્બીનેશન

આ સ્માર્ટફોનમાં 144Hz રિફ્રેશ રેટ અને 5200 nits સુધીની બ્રાઇટનેસ સાથે 6.8-ઇંચ AMOLED 1.5K ડિસ્પ્લે આવશે. સ્ક્રીન કોર્નિંગ ગોરિલા ગ્લાસ 7i દ્વારા સેફ છે અને પેન્ટોન વેલિડેશન સાથે કલર ચોકસાઈ પણ સુધારેલ છે. પર્ફોર્મન્સ માટે તે MediaTek ડાયમેન્સિટી 8500 એક્સ્ટ્રીમ પ્રોસેસર દ્વારા ચાલશે જે 4nm ટેકનોલોજી પર બનેલ છે અને 2.4 મિલિયનથી વધુનો AnTuTu સ્કોર ધરાવે છે. તેને 12GB સુધી LPDDR5x RAM સાથે પેર બનાવવામાં આવશે. ફોન એન્ડ્રોઇડ 16-બેસ્ડ Halo UI પર ચાલશે અને ત્રણ વર્ષના OS અપડેટ્સ અને પાંચ વર્ષના સિક્યોરીટી અપડેટ્સ સાથે સપોર્ટેડ હશે.

વધુ વાંચો : હવે આવી પોસ્ટથી નહીં થાય કમાણી, એલન મસ્કે બદલી નાખ્યા મોનેટાઈઝેશન નિયમો

• કેમેરા, બેટરી અને AI ફીચર્સ

Motorola Edge 70 Proમાં ટ્રિપલ 50-મેગાપિક્સલ કેમેરા સેટઅપ હશે જેમાં સોની LYT 710 પ્રાઇમરી સેન્સર, અલ્ટ્રાવાઇડ અને ફ્રન્ટ કેમેરાનો સમાવેશ થાય છે. ફોન બધા લેન્સ પર 4K 60fps વીડિયો રેકોર્ડિંગને સપોર્ટ કરશે. કેમેરા સિસ્ટમ પેન્ટોન સ્કિનટોન વેલિડેશન સાથે આવશે. તે 6500mAh બેટરીથી સજ્જ છે જે બે દિવસ સુધી ચાલવાનો દાવો કરે છે અને 90W ટર્બોપાવર ફાસ્ટ ચાર્જિંગને સપોર્ટ કરે છે. આ ફોનમાં મોટો AI, કોપાયલટ, જેમિની અને પરપ્લેક્સિટી જેવી AI ફીચર્સ પણ હશે, સાથે ડોલ્બી એટમોસ અને હાઇ-રેઝ ઓડિયો માટે સપોર્ટ પણ આપશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ