ભૂપેન્દ્ર સરકારનો નિર્ણય / ગુજરાતના યુવાનો માટે મોટી ખુશખબર, સ્કૂલોમાં શિક્ષકોની ભરતી માટે ઇન્ટિગ્રેટેડ B.Ed - M.Edની ડિગ્રી માન્ય ગણાશે

• ઉચ્ચતર માધ્યમિક શાળામાં શિક્ષકોની ભરતી માટે જોગવાઇમાં ફેરફાર 
• ઇન્ટિગ્રેટેડ B.Ed અને ઇન્ટિગ્રેટેડ M.Edની લાયકાત ગણાશે માન્ય
• રાજ્યના શિક્ષણ વિભાગે  કર્યો નિર્ણય

રાજ્ય સરકારે શિક્ષકોની ભરતીની જોગાવાઈને લઈ મહત્વનો નિર્ણય લીઘો છે. ઉચ્ચતર માધ્યમિક શાળામાં શિક્ષકોની ભરતી માટે જોગવાઇમાં ફેરફાર કરાયો છે. અત્રે જણાવીએ તો ઇન્ટિગ્રેટેડ B.Ed અને ઇન્ટિગ્રેટેડ M.Edની લાયકાત હવેથી માન્ય ગણાશે 

રાજ્ય સરકારના નિર્ણય
અત્રે જણાવીએ કે, ઇન્ટિગ્રેટેડ B.Ed અને ઇન્ટિગ્રેટેડ M.Edની લાયકાત ધરાવાતા ઉમેદવારો હવે ઉચ્ચતર માધ્યમિક શાળામાં શિક્ષકોની ભરતીમાં ઉમેદવારી નોંધાવી શકશે. જે રાજ્ય સરકારના નિર્ણયથી અનેક ઉમેદવારોને લાભ મળશે. 

શિક્ષણ રેશિયો જાણો
ગુજરાતમાં 25 વિદ્યાર્થી સામે 1 શિક્ષકનો રેશિયો જળવાતો નથી.  જો 25:1નો રેશિયો જળવાય તો રાજ્યમાં 4 લાખ 61 હજાર 691 શિક્ષક હોય છે. હાલ સ્થિતિ એ છે કે રાજ્યમાં 30 વિદ્યાર્થી સામે 1 શિક્ષક છે. 30:1ના રેશિયો મુજબ રાજ્યમાં 3 લાખ 84 હજાર 742 શિક્ષકો છે. હાલ રાજ્યમાં 76 હજાર 949 શિક્ષકોની ઘટ છે. કેટલાક જિલ્લામાં 35 વિદ્યાર્થી સામે 1 શિક્ષક છે. કેટલાક જિલ્લા એવા છે કે જયાં 43 વિદ્યાર્થી સામે 1 શિક્ષક છે. આ કારણે શાળામાં વિદ્યાર્થી ઉપર વ્યક્તિગત ધ્યાન આપી શકાતું નથી. શાળામાં વિદ્યાર્થી ઉપર ધ્યાન ન અપાય તેથી વિદ્યાર્થીઓ ખાનગી ટ્યુશન તરફ વળે છે. રાજ્યમાં ખાનગી ટ્યુશનનો બિઝનેસ લગભગ 500 કરોડને પાર થયો છે. રાજ્યમાં 30 હજારથી વધુ કોમર્શિયલ ટ્યુશન ક્લાસીસ છે. રાજ્યમાં 50 હજારથી વધુ નોન કોમર્શિયલ ટ્યુશન ક્લાસીસ છે.