મહારાષ્ટ્ર સરકારે શાળાના શિક્ષકો માટે નવો આદેશ લાગુ કર્યો છે. અહીં સરકારે હવે શિક્ષકો માટે ડ્રેસ કોડ જાહેર કર્યો છે. મહારાષ્ટ્ર સરકારે કહ્યું કે શિક્ષકોએ સાદા કપડામાં જ શાળાએ આવવું પડશે. મહિલા શિક્ષકો માટે સાડી અને સલવાર નક્કી કરવામાં આવ્યા છે, જ્યારે પુરૂષ શિક્ષકો માટે શર્ટ અને પેન્ટ લાગુ કરવામાં આવ્યા છે. આ સાથે જીન્સ અને ટીશર્ટ પહેરીને આવવાની પણ મનાઈ છે.
મહારાષ્ટ્ર સરકારે શિક્ષકો માટે જે ડ્રેસ કોડ જાહેર કર્યો છે તેમાં ઘણા નિયંત્રણો પણ સામેલ કરવામાં આવ્યા છે. સરકાર દ્વારા જારી કરાયેલ ડ્રેસ કોડ મુજબ હવે શિક્ષકોએ જીન્સ, ટી-શર્ટ, ડિઝાઈનર અને પ્રિન્ટેડ કપડાં નહીં પહેરવાના રહે. સરકરે આ અંગે સરકારે નોટિફિકેશન પણ બહાર પાડ્યું છે અને જારી કરાયેલા નોટિફિકેશનમાં સૂચન કરવામાં આવ્યું છે કે મહિલા શિક્ષકોએ સલવાર, કુર્તા અને દુપટ્ટા અથવા સાડી અથવા ચૂરીદાર પહેરવા જોઈએ, જ્યારે પુરૂષ શિક્ષકોએ શર્ટ અને પેન્ટ પહેરવું જોઈએ.
15 માર્ચના રોજ રાજ્યના શાળા શિક્ષણ વિભાગ દ્વારા જારી કરાયેલ એક સૂચનામાં, શિક્ષકોને તેમના પોશાક વિશે સાવચેત રહેવા માટે કહેવામાં આવ્યું છે, કારણ કે શાળાએ જતા બાળકો સરળતાથી પ્રભાવિત થઈ શકે છે. સરકારી પરિપત્ર અનુસાર, શાળાના શિક્ષકો માટે ડ્રેસ કોડ સંબંધિત 9-પોઇન્ટ માર્ગદર્શિકા જારી કરવામાં આવી છે. આ માર્ગદર્શિકા જાહેર, ખાનગી અને રાજ્ય બોર્ડ સાથે જોડાયેલી તમામ શાળાઓને લાગુ પડશે.
વધુ વાંચો: 'એમને શું ખબર પડે આપણો ઈતિહાસ', CAA મામલે જયશંકરે અમેરિકા સહિતના દેશોને દેખાડ્યું 'દર્પણ'
આ સાથે જ પરિપત્રમાં વધુમાં કહેવામાં આવ્યું છે કે ડોકટરો માટે 'ડૉ' અને વકીલો માટે 'એડ'ની જેમ શિક્ષકોએ પણ અંગ્રેજીમાં 'Tr' અને મરાઠીમાં 'T' એમના નામની આગળ લગાડવામાં આવશે. એવું કહેવામાં આવ્યું છે કે રાજ્યના શાળા શિક્ષણ વિભાગના આ નિર્ણયનો હેતુ શિક્ષકોને માન્યતા આપીને તેમનું મનોબળ વધારવાનો છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
