રાજનીતિ / 2024 પહેલાનો ચક્રવ્યૂહ: NDAમાં સામેલ થઈ JDS, અમિત શાહ અને એચડી કુમારસ્વામીની મુલાકાત બાદ જેપી નડ્ડાનું એલાન

• ફરી એકવાર JDSએ ભાજપ સાથે હાથ મળાવ્યો
• ભાજપનાં નેતૃત્વવાળા ગઠબંધન NDAમાં જેડીએસ શામેલ
• લોકસભા 2024ની ચૂંટણી ભાજપ સાથે મળીને લડશે JDS

2024ની ચૂંટણીમાં કોંગ્રેસને માત આપવા માટે જેડીએસ NDAમાં જોડાઈ રહી છે. શુક્રવારે JDS ભાજપનાં નેતૃત્વવાળા ગઠબંધન NDAમાં શામેલ થઈ ગઈ. દિલ્હીમાં JDS નેતા કુમારસ્વામીએ ગૃહમંત્રી અમિત શાહ સાથે મુલાકાત કરી અને કર્ણાટકમાં શીટ શેરિંગને લઈને ચર્ચા કરી. અત્રે ઉલ્લેખનીય છે કે JDS અને BJP એક સમયે કર્ણાટકમાં સાથે હતી પરંતુ આ વખતે વિધાનસભા ચૂંટણી જેડીએસ, ભાજપ અને કોંગ્રેસે અલગ-અલગ લડી. વિધાનસભા ચૂંટણીમાં જેડીએસને મોટો ફટકો લાગ્યો હતો. હવે ફરી એકવાર ભાજપ અને JDS કર્ણાટકમાં એક થઈ લોકસભા ચૂંટણી લડવાની તૈયારીમાં છે.

Met Former Chief Minister of Karnataka and JD(S) leader Shri H.D. Kumaraswamy in the presence of our senior leader and Home Minister Shri @AmitShah Ji.
I am happy that JD(S) has decided to be the part of National Democratic Alliance. We wholeheartedly welcome them in the NDA.… pic.twitter.com/eRDUdCwLJc

— Jagat Prakash Nadda (@JPNadda) September 22, 2023

JDSએ ફરી ભાજપનો હાથ મળાવ્યો
કર્ણાટક વિધાનસભા ચૂંટણીમાં ભાજપ, કોંગ્રેસ અને જેડીએસ સ્વતંત્ર રીતે લડી હતી. પરંતુ આ ચૂંટણીમાં જેડીએસને મોટું નુક્સાન ભોગવવું પડ્યું જે બાદ હવે 2024માં આવનારી લોકસભા ચૂંટણી માટે JDSએ ભાજપનાં નેતૃત્વવાળા ગઠબંધન NDAનો હાથ મળાવ્યો છે.

2019નાં આંકડાઓ
વર્ષ 2019માં JDS માત્ર હાસન સીટ પર જીત મેળવી શકી હતી. જ્યારે માંડ્યા, બેંગલૂરુ ગ્રામીણ અને ચિકબલ્લાપુર સીટો પર ભાજપે વિજય મેળવ્યો હતો. હાસનથી પૂર્વ પ્રધાનમંત્રી દેવગૌડાનાં પૌત્ર પ્રજ્વલ રેવન્નાએ ચૂંટણી જીતી હતી પરંતુ 1 સપ્ટેમ્બરનાં કર્ણાટક હાઈકોર્ટે તેની સાંસદી રદ કરી દીધી હતી. કોર્ટે કહ્યું હતું કે તેમણે 2019ની લોકસભા ચૂંટણીમાં ઈલેક્શન કમીશનને જમા કરેલ એફિડેવિટમાં ખોટી માહિતી આપી છે. તેમણે પોતાની 24 કરોડથી વધારેની ઈનકમ છપાવી હતી. 

લોકસભામાં JDS પાસે કોઈ સદસ્ય નથી
2019ની લોકસભા ચૂંટણીમાં JDSમાંથી જીતનારા તેઓ એકમાત્ર સાંસદ હતાં. હાસનની તેમની સાંસદી રદ થયા બાગ હવે લોકસભામાં JDS પાસે કોઈ સદસ્ય નથી. ગત લોકસભા ચૂંટણીમાં JDSને 9.67% વોટ મળ્યાં હતાં જ્યારે વિધાનસભામાં JDSએ 19 સીટો જીતી હતી.