બોલીવુડ / ભાઈ'જાન'ની સુરક્ષા વધી.! સલમાન ખાને વિદેશમાંથી ઈમ્પોર્ટ કરી બુલેટપ્રૂફ કાર, લોરેન્સ બિશ્નોઈએ આપી છે ખુલ્લી ધમકી

• સલમાન ખાનની સુરક્ષામાં વધારો. 
• સલમાન ખાને ખરીદી SUV કાર.
• આ બુલેટપ્રૂફ કાર ઈન્ડિયન માર્કેટમાં નથી

છેલ્લા કેટલાક મહિનાથી સલમાન ખાનને લોરેન્સ બિશ્નોઈ અને તેની ગેંગ તરફથી અનેક વાર મારવાની ધમકી આપવામાં આવી છે. સતત ધમકી મળી રહી હોવાને કારણે સલમાન ખાનને વાય પ્લસ કેટેગરીની સુરક્ષા આપવામાં આવી છે. સલમાન ખાને પણ પોતાની સુરક્ષાનો ચુસ્ત બંદોબસ્ત કર્યો છે. 

સલમાન ખાનની બુલેટપ્રૂફ કાર ઈન્ડિયન માર્કેટમાં નથી

સલમાન ખાને એક મોંઘી બુલેટપ્રૂફ કાર ખરીદી છે. સલમાન ખાન હંમેશા શાનદાર સફેદ કારમાં ટ્રાવેલ કરતા જોવા મળ્યા છે. સલમાન ખાનની આ ઈમ્પોર્ટેડ ગાડી બુલેટપ્રૂફ નિસાન પેટ્રોલ SUV છે. મીડિયા રિપોર્ટ્સ અનુસાર આ કાર ભારતના માર્કેટમાં નથી, સલમાન ખાન માટે આ કાર સ્પેશિયલ ઈમ્પોર્ટ કરવામાં આવી છે. 

બુલેટપ્રૂફ કારની વિશેષતા

રિપોર્ટ્સ અનુસાર સલમાન ખાનની બુલેટપ્રૂફ કારમાં B6 અથવા B7 સ્તરની સુરક્ષા આપવામાં આવી છે. આ કારમાં B6 બેલેસ્ટીક પ્રોટેક્શન અને 41 મિમીના ગ્લાસ છે. હાઈપાવરવાળી રાઈફલથી પણ હુમલો કરવામાં આવે તો આ કારમાં રહેલ વ્યક્તિ સુરક્ષિત રહે છે. આ કારમાં B7 78 મિમીના ગ્લાસ છે, જે કારની અંદર બેઠેલા લોકોને armour-piercing રાઉન્ડ સામે રક્ષણ આપે છે. સલમાન ખાન હવેથી ટોયોટા લૈંડ ક્રૂજર LC200 કારની જગ્યાએ આ નવી કારનો ઉપયોગ કરશે. ટોયોટા લૈંડ ક્રૂજર LC200 કારને બુલેટપ્રૂફ ગ્લાસ સાથે મોડિફાઈ કરવામાં આવી હતી. 

બિશ્નોઈ અને ગોલ્ડી બરાડે સલમાન ખાનને ધમકી આપી હતી

લોરેન્સ બિશ્નોઈએ એક મીડિયા હાઉસને જેલમાંથી ઈન્ટરવ્યૂ આપ્યું હતું. લોરેન્સ બિશ્નોઈએ આ ઈન્ટરવ્યૂમાં સલમાન ખાનને મારી નાખવાની ધમકી આપતી હતી. ત્યાર બાદ લોરેન્સ બિશ્નોઈના સહયોગી ગોલ્ડી બરાડે સલમાન ખાનને ધમકીભર્યો ઈમેઈલ કર્યો હતો. આ મેઈલ સલમાન ખાનના પર્સનલ આસિસ્ટન્ટ જોર્ડી પટેલને ઈમેઈલ કર્યો હતો. સલમાન ખાનના નિકટના મિત્ર પ્રશાંત ગુંજાલકરે દાવો કર્યો હતો કે, જ્યારે તેઓ સલમાન ખાનની ઓફિસ ગયા તો તેમણે જોર્ડન પટેલના ઈનબોક્સમાં ધમકીભર્યો ઈમેઈલ જોયો હતો. ત્યારબાદ બાંદ્રા પોલીસ સ્ટેશનમાં ફરિયાદ નોંધવામાં આવી હતી.