દેશ / જેમની ટુકડીએ 1800 ચીની સૈનિકોના ઢીમ ઢાળી દીધા હતા, એ મેજર શૈતાન સિંહનું મેમોરિયલ કેમ તોડી પડાયું? જાણો BJPએ શું જવાબ આપ્યો

• 1962 ભારત-ચીન યુદ્ધનાં હીરોનું મેમોરિયલ ધ્વંસ્ત
• મેજર શૈતાનસિંહનાં સ્મારકને હટાવી દેવામાં આવ્યું
• લોકો નારાજ પણ ભાજપનાં નેતા કંઈક અલગ જ બોલ્યાં 

1962 ભારત-ચીન યુદ્ધનાં હીરો મેજર શૈતાનસિંહનાં મેમોરિયલને ધ્વંસ્ત થઈ હોવાની માહિતી સામે આવી છે. આ મેમોરિયલ લદ્દાખનાં ચુશુલ ગામમાં બનાવવામાં આવ્યું હતું. આ જ સ્થળ પર મેજરનું પાર્થિવ શરીર મળી આવ્યું હતું. કહેવામાં આવી રહ્યું છે કે જે જગ્યા પર મેમોરિયલ બનાવવામાં આવ્યો હતો તે બફર ઝોનમાં સામેલ થઈ ગઈ છે જેના લીધે તેને તોડવું પડ્યું. ઘટના અંગે સ્થાનિકોમાં નારાજગીની લાગણી છે. જો કે ભાજપે નિવેદન આપ્યું છે.

This landmark at Rezang-La held immense significance, honoring the courageous soldiers of "C" Coy 13 Kumaon. Sadly, it had to be dismantled during the disengagement process as it falls in the buffer zone. Let's remember and honor their bravery! 🙏 #RezangLa #Kumaon #BraveSoldiers pic.twitter.com/UILzTeNYsi

— Konchok Stanzin (@kstanzinladakh) December 25, 2023

ચુશુલનાં પાર્ષદે આપી માહિતી
25 ડિસેમ્બરનાં લદ્દાખ ઓટોનોમસ હિલ ડેવેલપમેંટ કાઉંસિલનાં પૂર્વ સદસ્ય અને ચુશુલનાં પાર્ષદ ખોંચોક સ્ટાનજિને પોસ્ટ કરીને લખ્યું કે, રેજાંગ-લાનું આ ઐતિહાસિક સ્થળ "C" કોય 13 કુમાઉંનાં  સૈનિકોનું સમ્માન ધરાવતું સ્થળ છે. અફસોસની વાત છે કે ડિસઈંગેજમેંટ પ્રોસેસ દરમિયાન તેને નષ્ટ કરવું પડ્યું કારણકે તે બફર ઝોનમાં આવે છે. આવો તેમની (સૈનિકોની) બહાદુરીને યાદ કરીએ અને તેમનું સમ્માન કરીએ.

BJPએ શું આપ્યો જવાબ?
મીડિયા અહેવાલો અનુસાર આ મામલે લદ્દાખનાં BJP લોકસભા સાંસદ જામયાંગ છેરિંગ નામગ્યાલ કંઈક અલગ જ બોલી રહ્યાં છે. તેમણે દાવો કર્યો કે મેમોરિયલ હટાવવાનો બફર ઝોન સાથે કોઈ સંબંધ છે જ નહીં.. તેમણે કહ્યું કે જૂનું મેમોરિયલ નાનું હતું જેને તોડીને નવું બનાવવામાં આવશે. તેમણે બફર ઝોનવાળી વાતને નકારી દીધી છે.

વાંચવા જેવું: 3 મૂર્તિ, 3 કલાકાર અને 5 વર્ષના બાળ સ્વરૂપની દિવ્યતાની ઝલક, જાણો કેવી રીતે થશે રામલલાની મૂર્તિની પસંદગી?

કોણ છે મેજર શૈતાન સિંહ?
1962ની જંગ દરમિયાન 17000 ફીટની ઊંચાઈ પર, કકડતી ઠંડીમાં રેજાંગ લામાં મેજ શૈતાનસિંહની આગેવાનીમાં 13 કુમાઉં રેજિમેંટનાં 120 સૈનિકોની ટુકડીએ મોટી સંખ્યામાં આવેલા ચીની સૈનિકોનો સામનો કર્યો હતો. આ બાદ મેજર શૈતાનસિંહ અને તેમની ટુકડીનાં 114 સૈનિકોનાં શવ મળ્યાં. બાકી સૈનિકોને ચીને બંધી બનાવ્યાં હતાં. ભારત યુદ્ધ હારી ગયું પણ પાછળથી ખબર પડી કે ચીનની સેનાને સૌથી વધુ નુક્સાન રેજાંગ લા પર થયું. ચીનનાં આશરે 1800 સૈનિકો આ જગ્યા પર મરી ગયાં હતાં. આ એકમાત્ર એવી જગ્યા હતી કે જ્યાં ભારતીય સેનાએ ચીની સેનાને ઘુસવા નહોતું દીધું. બહાદુરીની સાથે દુશ્મનો સાથે લડવા બદલ મેજર શૈતાનસિંહને દેશનો સૌથી મોટો વીરતા પુરસ્કાર પરમવીર ચક્ર મળ્યો હતો.