નવું આવ્યું / દિવાળીના તહેવારમાં ફટાકડા ચોકલેટનો બજારમાં ધડાકો, રોકેટ અને ચકરી ચોકલેટની ભારે ડિમાન્ડ, સૂતળી બોમ્બ તો સૌથી જોરદાર

• રાજકોટમાં ફટાકડા જેવી ચોકલેટનું અનેરું આકર્ષણ
• યુવતીએ ચોકલેટ ફટાકડા બનાવી સૌ કોઈનું ધ્યાન ખેચ્યું
• 'જે ફટાકડા ચોકલેટ 700થી લઈ 1200 રૂપિયાના ભાવે વેચાય'

દિવાળાના તહેવારને હવે ગણતરીના દિવસો જ બાકી રહ્યાં છે. ત્યારે રાજકોટવાસીઓમાં દિવાળીના તહેવારને લઈ ભારે ઉત્સાહ જોવા મળી રહ્યો છે. દિવાળીના તહેવાર પર નાના બાળકોથી લઇ મોટા લોકો સુધી સૌ કોઈ ફટાકડા ફોડી દિવાળીના તહેવારની મોજ મસ્તી સાથે હર્ષોઉલ્લાસથી ઉજવણી કરતા હોય છે. પરંતુ જો આ વર્ષ તમને કોઈ રોકેટ, સૂતળી બોમ્બ, શંભુ અને  રોકેટ જેવા ફટાકડા ખાવા માટે આપે તો કેવું લાગે ?, રાજકોટમાં રહેતી ખુશ્બૂ ગોસ્વામીએ ચોકલેટના ફટાકડા બનાવીને આકર્ષણનું કેન્દ્ર ઉભું કર્યું છે.

ફટાકડામાં ચોકલેટ ?
ચોકલેટ ફટાકડામાં શંભુ ચોકલેટ, ભિતિયા ચોકલેટ બોમ્બ, રોકેટ ચોકલેટ, ચકરી ચોકલેટ સહિતની અવનવી વેરાયટીનો સમાવેશ થાય છે. મહત્વનું છે કે રંગીલું રાજકોટ હંમેશા અવનવા કોન્સેપ્ટ માટે જાણીતું છે. ત્યારે દિવાળીમાં રાજકોટીયન્સ માટે શહેરના જીવરાજ પાર્કમાં રહેતી યુવતીએ ચોકલેટ ફટાકડા બનાવી સૌ કોઈનું ધ્યાન ખેચ્યું છે.

ખુશ્બુ ગૌસ્વામીનું નિવેદન
ખુશ્બુ ગૌસ્વામીએ જણાવ્યું હતું કે, બાળકોને ફટાકડા ફોડવા ખુબજ ગમે છે અને ચોલકેટ પણ બાળકોની ખુબજ પ્રિય વસ્તુ છે. એટલે મને વિચાર આવ્યો કે ચોકલેટ અને ફટાકડાનું કોમ્બિનેશન થાય તો બાળકોને ખુબજ મજા આવી જાય. જેને લઈ ચોકલેટને ફટાકડાની જેમ બનાવી છે. મે ફટાકડામાં 7થી 8 જેટલી અલગ અલગ વેરાયટી બનાવી છે. જેમાં રોકેટ, સૂતળી બોમ્બ, શંભુ અને ટેટા જેવી ચોકલેટ બનાવી છે. એક બોક્સ બનાવતા અડધાથી પોણો કલાક જેટલો સમય લાગે છે. જે ચોકલેટનો 700થી લઈ 1200 રૂપિયા ભાવે વેચીએ છીએ. વધુમાં ઉમેર્યું કે, આ ઓડર મુજબ ચોકલેટ બનાવીને આપીએ છીએ અને આના સૌ કોઈ વખાણ કરી રહ્યાં છે.