ક્રિકેટ / ૐ લખેલા બેટથી રમવા ઉતરે છે ફોરેનનો આ ક્રિકેટર, હનુમાન દાદાની કરે છે ભક્તિ

• દક્ષિણ આફ્રિકાનાં ખેલાડીનાં બેટ પર લખેલું છે ૐ 
• ટેસ્ટ મેચમાં નજરે પડ્યો આ ખેલાડીનો બેટ
• વિદેશી આ ખેલાડીનો ભારત સાથે શું છે સંબંધ?

ઑસ્ટ્રેલિયાએ દક્ષિણ આફ્રિકાને મેલબર્નમાં રમાયેલ બીજી ટેસ્ટ ઇનિંગમાં 182 રનોથી માત આપી છે. આ સાથે જ ઑસ્ટ્રેલિયા 3 ટેસ્ટની સીરીઝમાં 2-0થી આગળ વધી છે. આ ટેસ્ટમાં ઑસ્ટ્રેલિયાની જીતમાં ડેવિડ વોર્નરએ મહત્વનો ભાગ ભજવ્યો છે. તેમની આ 100મી ટેસ્ટ હચી જેમાં તેમણે શતક ફટકારી છે. આ બધાંની વચ્ચે દક્ષિણ આફ્રિકાનાં એક બોલર ૐ લખાયેલ બેટને લઇને મેદાન પર ઊતર્યો હતો જેનો ફોટો વાયરલ થયો છે. 

ખેલાડીનો ભારત સાથે દ્રઢ સંબંધ
દક્ષિણ આફ્રિકાનાં જે ખેલાડીનાં બેટ પર ૐ લખેલું છે તેમનું નામ કેશવ મહારાજ છે. નામથી જ જાણવા મળે છે કે આ ખેલાડીનો ભારત સાથે કોઇક તો સંબંધ હશે જ. કેશવનાં પૂર્વજ આશરે 150 વર્ષો પહેલાં ઉત્તરપ્રદેશનાં સુલ્તાનપુરથી દક્ષિણ આફ્રિકાનાં ડરબનમાં આવીને વસ્યાં હતાં. આ જ કારણે તેમનો ભારત સાથેનો સંબંધ વધુ દ્રઢ છે.કેશવ મહારાજ પોતાની ટીમ દક્ષિણ આફ્રિકાની મેચમાં હારને રોકી શકવામાં નિષ્ફળ રહ્યાં છે. તેમણે બીજી ઇનિંગમાં 20 બોલમાં 13 રન બનાવ્યાં અને તે રન આઉટ થઇ ગયાં હતાં.

બેટ પર લખેલું હતું ૐ 
તમે સમજી જ ગયાં હશો કે કેશવ મહારાજનો મૂળ ભારત સાથે સંકળાયેલો છે આ સાથે જ તેઓ પોતાની સનાતન પરંપરા અને હિન્દૂ ધર્મમાં આસ્થા રાખે છે. તે આ વાતનાં પૂરાવાઓ પણ અનેક વખત આપી ચૂક્યાં છે. આ વર્ષે ટી20 વિશ્વ કપથી પહેલા દક્ષિણ આફ્રિકાની ટીમ ભારતની યાત્રા પર આવી હતી ત્યારે કેશવ મહારાજે તિરૂવનંતપુરનાં પદ્મનાભ સ્વામી મંદિરમાં જઇને દર્શન કર્યાં હતાં જેની ફોટો પણ સોશિયલ મીડિયા પર શેર કરી હતી. આ ફોટોમાં તેઓ ભારતીય પારંપરિક વેશભૂષામાં નજરે પડી રહ્યાં છે.

32 વર્ષીય કેશવનાં દિલમાં ભારત
32 વર્ષીય કેશવ મહારાજનો જન્મ ભલે દક્ષિણ આફ્રિકાનાં ડરબનમાં થયો હોય પરંતુ તે ભારતીય રીતિ રિવાજ, પરંપરાઓ અને ધર્મમાં આસ્થા રાખે છે. તે હનુમાનજીનાં પણ મોટા ભક્ત છે. તેમણે પોતાના ઇનસ્ટાગ્રામ પર હનુમાનજીની પૂજા સાથેનો પણ ફોટો શેર કરેલ છે.

કેશવે હાલમાં જ કર્યાં છે લગ્ન
કેશવ મહારાજ પોતાની અંગત જીંદગીને લઇને ચર્ચામાં રહ્યાં છે. કેશવે આ વર્ષનાં એપ્રિલમાં જ એક લાંબા સંબંધ બાદ પોતાની ગર્લફ્રેન્ડ લેરિશા મુનસામીની સાથે લગ્ન કર્યાં છે. કેશવની પત્ની સારી કથક ડાન્સર છે. બંનેની પહેલી મુલાકાત એક કોમન ફ્રેન્ડથી થઇ છે અને આ મુલાકાત પ્રેમમાં બદલાઇ હતી.