આસ્થા / આવતીકાલે ખુલશે કેદારનાથ ધામના કપાટ, જાણો મંદિર સાથે જોડાયેલ 7 ચોંકાવનારા રહસ્ય

• 25 એપ્રિલથી ખુલશે કેદારનાથના કપાટ 
• જાણો મંદિર સાથે જોડાયેલ 7 ચોંકાવનારા રહસ્ય
• છ મહિના બાદ ખુલશે કેદારનાથના કપાટ 

હિંદુ આસ્થા સાથે જોડાયેલા દ્વાદશ જ્યોતિર્લિંગમાંથી એક બાબા કેદારનાથનું ધામ ઉત્તરાખંડમાં આવેલું છે. બાબા કેદારનાથના જે પાવન ધામના દર્શન અને પૂજનની કામના દરેક શિવ ભક્તની હોય છે તેમના કપાટ છ મહિના બાદ 25 એપ્રિલ 2023એ ખુલવા જઈ રહ્યા છે. 

ભગવાન શિવના અગિયારમાં જ્યોતિર્વિંગ માનવામાં આવતા આ મંદિરમાં મહાદેવના પૃષ્ઠની પૂજા થાય છે. સનાતન પરંપરામાં બાબા કેદારનાથ ધામની તીર્થ યાત્રાનું શું મહત્વ છે અને અહીં પર શિવલિંગની પૂજા કરવા પર શું મળે છે ફળ, આવો આ ધામ સાથે જોડાયેલા તમામ ધાર્મિક રહસ્ય વિશે વિસ્તારથી જાણીએ. 

કેદારનાથ ધામ સાથે જોડાયેલી પૌરાણિક કથાઓ 

1. પૌરાણિક માન્યતા અનુસાર જ્યારે પાંડવ ગોત્રહત્યાના પાપથી મુક્તિ મેળવવા માટે ભગવાન શિવના દર્શન અને પુજન માટે હિમાલય પહોંચ્યા તો ભોલેનાથ તેમને દર્શન ન હતા આપવા માંગતા. માન્યતા અનુસાર ભોલેનાથ ભેંસનો વેશ ધારણ કરીને જ્યારે ધરતીમાં સમાવવા લાગ્યા ત્યારે ભીમે તેમની પુછડી પકડી લીધી. અને તેમનો પુષ્ઠ ભાગ આ મંદિરમાં સ્થાપિત થઈ ગયું. 
2. હિંદુ માન્યતા અનુસાર ઉત્તરાખંડના ચાર પ્રમુખ ધામમાંથી એક બાબા કેદારનાથના આ મંદિરની સ્થાપના પાંડવોએ કરી હતી. માન્યતા અનુસાર પાંડવો દ્વારા બનાવવામાં આવેલું મંદિર લગભગ 400 વર્ષ સુધી બરફમાં દબાયેલું રહ્યું જેનો જીર્ણોદ્ધાર આદિ શંકરાચાર્યએ કરાવ્યું હતું. 
3. બાબા કેદારનાથની દરરોજ પૂજામાં તેમણે વિધિ-વિધાનથી સ્નાન કરાવ્યા બાદ શુદ્ધ ધીનો લેપ લગાવવામાં આવે છે. તેના બાદ બાબાની ધૂપ-દિપથી આરતી થાય છે. કેદારનાથ ધામમાં સાંજના સમયે બાબાનું ભવ્ય શ્રૃંગાર કરવામાં આવે છે. 
4. બાબા કેદારનાથ મંદિરના પાછળ એક પવિત્ર શિલાના દર્શનનું પણ ખૂબ જ મહત્વ છે. વર્ષ 2013માં જ્યારે કેદારનાથમાં જળ પ્રલય આવ્યો હતો ત્યારે આ પવિત્ર શિલાએ આ પાવન ધામની રક્ષા કરી હતી. બાબાના ભક્ત આ પાવન શિલાને ભીમ શિલાના નામથી પુજે છે. 
5. કેદારનાથ મંદિરના કપાટ ભક્તોના દર્શન માટે એપ્રિલથી ઓક્ટોબર સુધી ખુલા રહે છે. શિયાળો આવતા જ કાર્તિક પુર્ણિમાના દિવસે બાબાની ચલ પ્રતિમાને ડોલીમાં બેસાડીને ઉખીમઠમાં લઈ જવામાં આવે છે. આ સમયે કેદારનાથ ધામની અંદર એક અખંડ દિવો પ્રજ્વલિત કરવામાં આવે છે. જે આખા છ મહિના સુધી સતત બળે છે. 
6. સનાતન પરંપરા સાથે જોડાયેલી માન્યતા અનુસાર ભગવાન શિવના કૈલાશ ધામની જેમ કેદારનાથ ધામનું ખૂબ જ વધારે મહત્વ છે. અહીં દર્શન માત્રથી શિવ ભક્તના દરેક કષ્ટ દૂર થાય છે અને મનોકામનાઓ પુરી થાય છે. 
7. ઉત્તરાખંડ સ્થિત બાબા કેદારનાથ ધામના વિશે માન્યતા છે કે જે કોઈ વ્યક્તિ આ પાવન ધામના દર્શન વગર બદ્રીનાથ ધામના દર્શન અને પૂજન કરે છે તેમને તેમની તીર્થ યાત્રાનું પુણ્યફળ નથી પ્રાપ્ત થતું.