મનોરંજન / ભયંકર રીતે ફ્લોપ થઈ કંગનાની નવી ફિલ્મ તેજસ: થિયેટર ખાલી રહેતા કેન્સલ થઈ રહ્યા છે શોઝ, જુઓ કેટલી થઈ કમાણી

• કંગના હાલ તેની નવી ફિલ્મ તેજસને લઈને ચર્ચામાં
• ઘણા સિનેમા હોલ્સમાં 4-5 દર્શકો પહોંચ્યા
• માલિકો ફિલ્મને હટાવવા માટેનો પણ નિર્ણય કરવા માટે મજબૂર

બોલિવૂડ ક્વીન કંગના રનૌત હાલ તેની નવી ફિલ્મ તેજસને લઈને ચર્ચામાં છે. કંગનાની નવી ફિલ્મ તેજસ હાલમાં જ બોક્સ ઓફિસ પર રિલિઝ થઈ છે. જે ખુબ ખરાબ રીતે ફેઈલ થઈ રહી છે.  ઘણા સિનેમા હોલ્સમાંથી તો તેના માલિકો આ ફિલ્મને હટાવવા માટેનો પણ નિર્ણય કરવા માટે મજબૂર બન્યા છે. કારણ કે ઘણા સિનેમા હોલ્સમાં 4-5 દર્શકો પહોંચ્યા તો ઘણા થિયેટર્સમાં એક પણ વ્યક્તિની ટીકીટ બુક થઈ નથી.

બોલિવૂડ હંગામાં અનુસાર...

બોલિવૂડ હંગામાં અનુસાર દેશભરમાં ઘણા એક્ઝિબિટર દ્વારા ફિલ્મ તેજસને હટાવવાનો નિર્ણય કરવામાં આવ્યો છે. ખરાબ ઓક્યુપેંસીના કારણે કંગના રનૌતની ફિલ્મ પહેલા જ અઠવાડિયામાંથી સિનેમાહોસથી હટાવવામાં આવી રહી છે. મીડિયા સાથેની વાતચિતમાં એક એગ્ઝિબિટર્સનું કહેવુ છે કે ગયા રવિવારની સ્થિતિ ખુબ જ ખરાબ હતી.  કારણ કે ફિલ્મ જોવા માટે માંડ 10-12 લોકો પહોંચ્યા હતા. જેના કારણે શો કેન્સલ કરવો પડ્યો હતો.

 VFX યુઝ કરવામાં આવ્યાં છે તે કારણભૂત
સમગ્ર મામલે એક્ઝિબિટરનું માનવું છે કે ફિલ્મ સારી છે... પણ આ ફિલ્મમમાં જે રીતે VFX યુઝ કરવામાં આવ્યાં છે તેમાં ઘણી ખામીઓ છે.. જેના કારણે લોકોએ  'તેજસ'ને રિજેક્ટ કરી છે. આ જ કારણ છે કે વિક્રાંત મેસીની '12મી ફેલ' 'તેજસ' કરતાં વધુ સારું પ્રદર્શન અત્યારે થિયેટર્સમાં કરી રહી છે. 

એક પણ ટિકિટ ન વેચાણી
બિહારના પૂર્ણિયામાં 'રૂપબની સિનેમહોલની વાત કરવામાં આવે તો આ સિનેમા હોલના માલિક  વિષેક ચૌહાણે તો આ ફિલ્મને આપત્તી ગણાવી હતી.. પોતાનો રોષ ઠાલવતા કહ્યું કે આ વર્ષે પહેલીવાર તેમના થિયેટરમાં સવારના શો એક પણ ટિકિટનું વેચાણ થયું ન હતું..  જેથી શો કેન્સલ કરવાની નોબત આવી હતી.જ્યારે અન્ય એક થિયેટરના માલિકનું કહેવુ છે કે કંગના રનૌતની ફિલ્મ બોક્સ ઓફિસ પર ખુબ ખરાબ રીતે પિટાઈ છે. જેથી તેની પાસે એક પણ તેજસ ફિલ્મનો શો નથી.. એક પણ ટિકિટનુ વેચાણ ન થતા થિયેટર માલિક દ્વારા આ ફિલ્મને બોક્સ ઓફિસ પરથી જ હટાવી લેવાનો નિર્ણય કર્યો છે..  થિયેટર્સના માલિકો દ્વારા ફિલ્મ તેજસની ટિકિટ પણ ઘટાડવામાં આવી હતી.. તેમ છતાં ફિલ્મ બોક્સઓફિસ પર ખુબ ખરાબ રીતે ફ્લોપ રહી છે..