IPL 2024માં અત્યાર સુધી 7 મેચ રમાઈ છે અને મંગળવારે રમાયેલી સાતમી મેચમાં, ચેન્નાઈએ ગુજરાતને 63 રનથી હરાવીને સતત બીજી જીત હાંસલ કરી હતી. ચેન્નાઈ સુપર કિંગ્સે તેના હોમ ગ્રાઉન્ડ પર ગુજરાત ટાઇટન્સ સામે રમાયેલી મેચમાં 63 રને એકતરફી જીત મેળવી હતી. આ મેચમાં ગુજરાતની ટીમને 207 રનનો મોટો ટાર્ગેટ મળ્યો હતો, પરંતુ તે 20 ઓવરમાં માત્ર 143 રન સુધી જ પહોંચી શકી હતી.
એવામાં હવે ગિલની કેપ્ટનસીને લઈને એક મોટા સમાચાર સામે આવ્યા છે. ચેન્નાઈ સામેની મેચમાં ગિલે મોટી ભૂલ કરી હતી. ગુજરાત ટાઇટન્સના કેપ્ટન શુભમન ગિલને ચેન્નાઈ સામેની મેચ દરમિયાન તેની ટીમના સ્લો ઓવર રેટ માટે 12 લાખ રૂપિયાનો દંડ ફટકારવામાં આવ્યો છે.
IPL દ્વારા જારી કરાયેલી સત્તાવાર મીડિયા રિલીઝમાં એવું કહેવામાં આવ્યું છે કે ગુજરાત ટાઇટન્સના કેપ્ટન શુભમન ગિલને IPL 2024ની ચેન્નાઈ સુપર કિંગ્સ સામે 26 માર્ચે ચેન્નાઈના એમએ ચિદમ્બરમ સ્ટેડિયમમાં રમાયેલી મેચ દરમિયાન સ્લો ઓવર રેટ જાળવવા બદલ દંડ ફટકારવામાં આવ્યો છે. જાણીતું છે કે સ્લો ઓવર રેટના ગુનાઓ સંબંધિત આઈપીએલ આચાર સંહિતા હેઠળ તેની ટીમનો આ સિઝનનો પ્રથમ ગુનો હોવાથી તેને 12 લાખ રૂપિયાનો દંડ ફટકારવામાં આવશે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
