- ઘણી વખત મુસાફરોને વિવિધ કારણોસર તેમની ટ્રેન ટિકિટ કેન્સલ કરવી પડે છે
- જો તમે બુક કરેલી કન્ફર્મ તત્કાલ ટ્રેન ટિકિટ કેન્સલ કરો છો, તો તમને રિફંડ મળતું નથી.
Indian Railway Ticket Cancellation Rules: ભારતીય ટ્રેન દ્વારા દરરોજ મોટી સંખ્યામાં લોકો એક જગ્યાએથી બીજા સ્થળે મુસાફરી કરે છે. 24 કલાક ચાલતી ટ્રેનો લોકોને તેમના ગંતવ્ય સુધી લઈ જાય છે. જો તમારે ટ્રેનમાં મુસાફરી કરવી હોય તો તમારે ટ્રેનની ટિકિટ લેવી પડશે અને તે પછી તમે મુસાફરી કરી શકશો. પરંતુ ઘણી વખત મુસાફરોને વિવિધ કારણોસર તેમની ટ્રેન ટિકિટ કેન્સલ કરવી પડે છે.
આવી સ્થિતિમાં, ઘણી વખત અડધાથી વધુ પૈસા કપાઈ જાય છે અથવા તો કોઈ રિર્ટન મળતું નથી. આવી સ્થિતિમાં, જરૂરી છે કે ટ્રેનની ટિકિટ કેન્સલ કરતા પહેલા, તમારે ભારતીય રેલવેના નિયમો વિશે જાણવું જોઈએ, જેથી તમને ટ્રેનની ટિકિટ કેન્સલ કરવાના યોગ્ય પૈસા પાછા મળી શકે. તો આવો જાણીએ આ વિશે...
ચાર્ટ તૈયાર થતા પહેલાનો નિયમઃ
- જો તમે 48 કલાક પહેલા ટિકિટ કેન્સલ કરો છો, તો તમારે આટલો કેન્સલેશન ચાર્જ ચૂકવવો પડશે...
- પ્રથમ/એક્ઝિક્યુટીવ ક્લાસ માટે રૂ. 240 કેન્સલેશન ચાર્જ કાપવામાં આવ્યો
- AC 2 ટાયર/ફર્સ્ટ ક્લાસ માટે રૂ. 200 કેન્સલેશન ચાર્જ ચૂકવવાનો રહેશે.
- AC 3 ટાયર/AC ચેર કાર/AC 3 ઇકોનોમી માટે રૂ. 180 કેન્સલેશન ચાર્જ કપાય છે.
- સ્લીપર માટે 120 રૂપિયા અને સેકન્ડ ક્લાસ માટે 80 રૂપિયા કેન્સલેશન ચાર્જ છે.
એટલું જ નહીં, જો તમે નિર્ધારિત ડિપાર્ચરના 12 કલાક પહેલાં ટ્રેનની ટિકિટ કેન્સલ કરો છો, તો આવા કિસ્સામાં તમારો કેન્સલેશન ચાર્જ સૌથી ઓછા ફ્લેટ રેટના 25% હોય છે.
બીજી તરફ, જો તમે કોઈપણ કારણોસર તમારી ટ્રેન ટિકિટ 12 કલાકથી ઓછા સમયમાં અને 4 કલાક પહેલા રદ કરો છો, તો તમારા કેન્સલેશન ચાર્જમાંથી 50% કાપવામાં આવે છે.
તત્કાલ ટિકિટ
ટ્રેન ટિકિટ બુક કરવાની ઘણી રીતો છે, જેમાંથી એક તત્કાલ ટ્રેન ટિકિટ સુવિધા છે. જો તમે બુક કરેલી કન્ફર્મ તત્કાલ ટ્રેન ટિકિટ કેન્સલ કરો છો, તો તમને કોઈ રિફંડ મળતું નથી.
જાણી લો કે જ્યારે તમે તત્કાલ ટ્રેનની ટિકિટ બુક કરો છો ત્યારે બે પ્રકારની ટિકિટ બુક કરી શકાય છે. પ્રથમ કન્ફર્મ તત્કાલ અને બીજી વેઈટીંગ તત્કાલ ટિકિટ. આવી સ્થિતિમાં, જો તમે વેઇટિંગ લિસ્ટ સાથે તત્કાલ ટ્રેનની ટિકિટ કેન્સલ કરો છો, તો તેના પર થોડો ચાર્જ કાપવામાં આવે છે. જ્યારે, તત્કાલ ઈ-ટિકિટના આંશિક રદ કરવાની મંજૂરી છે.
