બ્રેકિંગ ન્યુઝ
લોકસભા ચૂંટણી 2024 / 'કોંગ્રેસ અને આપ પાર્ટીના લોકો જુઠ્ઠાણાં ચલાવે છે' અમિત શાહે વિપક્ષને આડે હાથ લીધું
લોકસભા ચૂંટણી: કેન્દ્રીય ગૃહમંત્રી અમિત શાહની ગોધરામાં વિજય સંકલ્પ સભા, જનસભામાં મોટી સંખ્યામાં લોકો ઉમટી પડ્યા
લોકસભા ચૂંટણી 2024: મુંબઈ નોર્થ સેન્ટ્રલથી પૂનમ મહાજનનું પત્તુ કપાયું, આતંકી કસાબને ફાંસી અપાવનારા ઉજ્જવલ નિકમને ભાજપે ટિકિટ આપી
સલમાન ખાન ફાયરિંગ કેસ: અનમોલ બિશ્નોઇ સામે લુકઆઉટ નોટીસ જાહેર
1983ના 41 વર્ષ જૂના કેસમાં દાઉદ ઇબ્રાહિમ દોષ મુક્ત
22 એપ્રિલથી 'તારક મહેતા કા ઉલ્ટા ચશ્મા'ના કલાકાર સોઢીનો સંપર્ક કટ
VTV / ગુજરાત / અન્ય જિલ્લા / In the next 24 hours it will rain in many areas of Gujarat, see the average percentage of rainfall in the season
Malay
Last Updated: 02:50 PM, 21 August 2023
ગુજરાતમાં વરસાદની આગાહીઃ ચાલુ ઓગસ્ટ મહિનામાં વરસાદ ખેંચાઈ જતાં જગતનો તાત ભારે મૂંઝવણમાં મુકાયો છે. મહાપરિશ્રમે ખેતરમાં કરાયેલા ઊભા પાક સામે સુકાઈ જવાનું સંકટ ઊભું થયું છે, જોકે કુદરતની મહેર થવાથી બંગાળની ખાડીમાં લો પ્રેશર સિસ્ટમ સર્જાઈ છે અને આ લો પ્રેશર સિસ્ટમથી રાજ્યના છૂટાછવાયા વિસ્તારોમાં હળવાથી ભારે વરસાદ પડી રહ્યો છે, જેના કારણે મુરઝાતી જતી ખેતીને નવજીવન મળી રહ્યું છે, જોકે આ સિસ્ટમના કારણે ગુજરાતમાં ભારે વરસાદ પણ પડી શકે છે.
હવામાન વિભાગે કરી 5 દિવસ વરસાદની આગાહી
રાજ્યમાં વરસાદની આગાહી કરતા હવામાન વિભાગે જણાવ્યું છે કે, આગામી 5 દિવસ રાજ્યમાં વરસાદી માહોલ રહેશે. હવામાન વિભાગે આગામી 24 કલાક હળવાથી મધ્યમ વરસાદની આગાહી કરી છે. હવામાન વિભાગના જણાવ્યા અનુસાર, આવતીકાલે સૌરાષ્ટ્ર-કચ્છના કેટલાક વિસ્તારોમાં હળવો વરસાદ વરસી શકે છે. તો આવતીકાલે દક્ષિણ ગુજરાતમાં પણ વરસાદની આગાહી છે. હાલ ઉત્તર મધ્યપ્રદેશમાં એક સિસ્ટમ સક્રિય હોવાથી ગુજરાતમાં વરસાદ થશે.
ઓગસ્ટમાં પડ્યો ઓછો વરસાદ
હવામાન વિભાગના જણાવ્યા અનુસાર, ઓગસ્ટ મહિનામાં નર્મદા, ખેડા, વડોદરામાં સરેરાશ કરતા ઓછો વરસાદ પડ્યો છે. ગુજરાતમાં ઓગસ્ટ મહિનામાં સરેરાશ કરતા ઓછો વરસાદ રહ્યો છે. ઓગસ્ટ મહિનામાં સામાન્ય રીતે 159 mm વરસાદ થવો જોઈએ, જ્યારે તેના બદલે માત્ર 17 mm જ વરસાદ પડ્યો છે. 21 ઓગસ્ટમાં સુધીમાં સરેરાશ વરસાદની સરખામણીએ 89% ઓછો વરસાદ રહ્યો છે. ઓગસ્ટમાં એક પણ મજબૂત સિસ્ટમ ન બનતા વરસાદ ઓછો પડ્યો છે.
અંબાલાલ પટેલે પણ કરી છે આગાહી
ગુજરાતમાં વરસાદને લઈને અંબાલાલ પટેલે પણ આગાહી કરી છે. અંબાલાલ પટેલે જણાવ્યું છે કે, 22, 23 અને 24 ઓગસ્ટે ગુજરાતના કેટલાક વિસ્તારોમાં હળવો વરસાદ પડશે. 24, 25 અને 26 ઓગસ્ટના રોજ મહારાષ્ટ્રના કેટલાક ભાગોમાં અને દક્ષિણ ગુજરાતના કેટલાક ભાગોમાં વરસાદ પડી શકે છે. તો દક્ષિણ સૌરાષ્ટ્રના કેટલાક ભાગોમાં પણ વરસાદની શક્યતા છે. તેઓએ જણાવ્યું કે, 27 ઓગસ્ટથી સપ્ટેમ્બરની શરૂઆતમાં એક વરસાદી સિસ્ટમનો વરસાદ આવવાની શક્યતા રહેશે. કારણ કે પશ્ચિમ પેસિફિક મહાસાગરમાં સિસ્ટમ સક્રિય થશે. સિસ્ટમ સક્રિય થતા બંગાળના ઉપસાગરમાં આવતા લો પ્રેશર બનશે. લોપ્રેશન બનતા 27 ઓગસ્ટ બાદ વરસાદ કેટલાક વિસ્તારોમાં સારો વરસાદ થવાની સંભાવના છે.
સપ્ટેમ્બરમાં ભારે વરસાદ થવાની સંભાવના
અંબાલાલ પટેલે કહ્યું કે, આ દરમિયાન દક્ષિણ ગુજરાત, સૌરાષ્ટ્ર-કચ્છ, મધ્ય ગુજરાતના કેટલાક ભાગોમાં વરસાદની શક્યતા છે. જ્યારે સપ્ટેમ્બર મહિનામાં પણ ગુજરાતના કેટલાક વિસ્તારોમાં ભારે વરસાદ પડશે. વરસાદ થતાં ખેડૂતોના પાકને જીવનદાન મળશે. ઓક્ટોબર અને નવેમ્બરમાં બંગાળના ઉપસાગરમાં વાવઝોડાની સંભાવના છે. વાવાઝોડાના પરિણામે વાદળછાયું વાતાવરણ રહેવાની શક્યતા છે.
24 કલાકમાં 115 તાલુકામાં નોંધાયો વરસાદ
અત્રે ઉલ્લેખનીય છે કે, રવિવાર સવારથી જ રાજ્યના અનેક વિસ્તારોમાં ઝરમર વરસાદ વરસ્યો હતો. વરસાદના વિરામ બાદ તે પડવાનું મુખ્ય કારણ લો પ્રેશર એરિયા છે. ઉત્તર મધ્યપ્રદેશના વિસ્તારોમાં લો પ્રેશર એરિયા બન્યો હોઈ ભેજ ઊભો થયો છે અને વાદળ બંધાયાં હોઈ વરસાદ પડી રહ્યો હોવાનું પણ ચર્ચાઈ રહ્યું છે. ગાંધીનગરના સ્ટેટ ઇમર્જન્સી ઓપરેશન કંટ્રોલરૂમનાં સૂત્રોના જણાવ્યા મુજબ છેલ્લા 24 કલાકમાં રાજ્યના 115 તાલુકામાં ઝરમર વરસાદથી પોણા બે ઇંચ સુધીનો વરસાદ વરસ્યો હતો.
ફતેપુરામાં પોણા બે ઈંચ વરસાદ
દાહોદના ફતેપુરામાં સૌથી વધુ પોણા બે ઇંચ, સુરત શહેરમાં અને મહીસાગરના સંતરામપુરમાં દોઢ ઇંચ તેમજ ડાંગના વઘઈ, છોટાઉદેપુરના બોડેલી, વલસાડના કપરાડા, સુરતના કામરેજ, દાહોદના ઝાલોદ અને મહીસાગરના વીરપુરમાં અડધો ઇંચ વરસાદ પડ્યો હોવાના અહેવાલ છે.
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
સૌથી વધુ વંચાયેલું
ધર્મ / હનુમાન દાદા આ 4 રાશિઓને બનાવશે ધનવાન, જન્મોત્સવ બાદ ઉઘડશે ભાગ્ય, રૂપિયે રમશો
Hanuman Jayanti 2024
IPL 2024 / વિરાટ કોહલી અને ગૌતમ ગંભીરના આ 'ગંભીર' વીડિયો પર વિશ્વાસ કરવો મુશ્કેલ, ગ્રાઉન્ડમાં ચર્ચા ખૂબ જામી
Gautam Gambhir
પ્રચાર
ટોપ સ્ટોરીઝ
ધર્મ / હનુમાન દાદા આ 4 રાશિઓને બનાવશે ધનવાન, જન્મોત્સવ બાદ ઉઘડશે ભાગ્ય, રૂપિયે રમશો
Hanuman Jayanti 2024
IPL 2024 / વિરાટ કોહલી અને ગૌતમ ગંભીરના આ 'ગંભીર' વીડિયો પર વિશ્વાસ કરવો મુશ્કેલ, ગ્રાઉન્ડમાં ચર્ચા ખૂબ જામી
Gautam Gambhir