ફાયદાકારક / 365 દિવસ ચહેરા પર લગાવો આ 1 વસ્તુ, કરચલીઓ, ડાઘ અને સ્કિન કાળી પડવાની સમસ્યા તમને નહીં થાય

નિયમિત સનસ્ક્રીન લગાવો

લોકો મોટાભાગે ઉનાળામાં સનસ્ક્રીન લગાવે છે. પણ સનસ્ક્રીન 365 દિવસ લગાવવી જરૂરી છે. ઘરથી બહાર નીકળવાના 15 મિનિટ પહેલાં સનસ્ક્રીન લગાવવું. પછી દર 2 કલાકે સનસ્ક્રીન લગાવો. ઘરમાં હોવ ત્યારે પણ સનસ્ક્રીન લગાવવું જરૂરી છે. કારણ કે ઘરમાં પણ બારી-દરવાજામાંથી સૂર્યની હાનિકારક કિરણો પ્રવેશે છે અને સ્કિનને નુકસાન પહોંચાડે છે. બોડીનો એ દરેક પાર્ટ જે ખુલ્લો રહેતો હોય ત્યાં સનસ્ક્રીન લગાવો.

સારી સનસ્ક્રીન યુઝ કરો

ઘણા સનસ્ક્રીન પ્રોડક્ટ્સ એટલા સારાં હોતા નથી, જેથી તે સ્કિનને રક્ષણ આપતાં નથી. હમેશાં સારી ક્વોલિટીનું સનસ્ક્રીન યુઝ કરો. પ્રોડક્ટ ખરીદતી વખતે લેબલ પર રહેલી જાણકારી વાંચી લો. તેમાં 30 અથવા તેનાથી વધુ એસપીએફ અને PA+++ હોવું જરૂરી છે. 

એવા કપડા પહેરવા જેનાથી શરીર ઢાંકેલું રહે અને સૂર્યની યૂવી કિરણોથી સ્કિનને નુકસાન ન પહોંચે. શિયાળામાં ખાસ કરીને શરીર ગરમ કપડાં પહેરવાને કારણે ઢંકાયેલું રહે છે પણ ગરમીમાં બોડી પાર્ટ્સ વધુ ખુલ્લા રહે તો ત્યાં પણ સનસ્ક્રીન લગાવવું. 

એન્ટીઓક્સીડેન્ટ છે જરૂરી

આપણે તડકાંમાં જવા પર એટલે પરેશાન થઈ જઈએ છીએ કારણ કે તેનાથી સ્કિન પર ફ્રી ઓક્સીજન રેડિકલ્સનો ખતરો રહે છે. આ ફ્રી ઓક્સીજન રેડિકલ્સ સ્કિન સેલ્સને નુકસાન પહોંચાડે છે અને સમય પહેલાં કરચલીઓ આવવાનું કારણ પણ બને છે. રાતે એન્ટીઓક્સીડેન્ટવાળી ક્રીમ લગાવવાથી આવે તો તે ફ્રી ઓક્સીજન રેડિકલ્સની અસરને ઓછી કરે છે. તેનાથી સાથે જ સ્કિન સેલ્સ નષ્ટ થતાં બચાવે છે. વિટામિન સી અને વિટામિન ઈવાળી ક્રીમ્સમાં એન્ટીઓક્સીડેન્ટ્સ હોય છે.