હેલ્થ એલર્ટ! / વાળ ખરવા, હંમેશા ઉદાસ રહેવું...: થાઈરૉઈડ હોય તો શરીરમાં દેખાવવા લાગે છે આ સાત લક્ષણ, ક્યારેય ન કરવા જોઈએ ઈગનોર

• ગર્ભ ધારણ કરવામાં મુશ્કેલી 
• અનિયમિત માસિક સ્ત્રાવની સમસ્યા 
• હાઇ બ્લડ પ્રેશરની સમસ્યા

થાઇરોઇડ સ્ત્રીઓને થતી સામાન્ય બીમારી છે. ઘણી સ્ત્રીઓને હાઇપર થાઇરોઇડ હોય છે. જેના કારણે તેમને ખુબજ પરસેવો થાય, વધુ ગરમી લાગે અને વજન ઓછું થવા જેવા લક્ષણો જોવા મળે છે. કેટલીક સ્ત્રીઓને હાઇપો થાઇરોઇડ હોય છે. જેના કારણે તેમને ઠંડી લાગે, વજન વધવા લાગે અને હ્રદયનાં ધબકાર ધીમા થવા જેવા લક્ષણો જોવા મળે છે. આ સાથે થાઇરોઇડ થવાનાં કારણે શરીરમાં અન્ય લક્ષણો પણ જોવા મળે છે. જેને લોકો સમયસર ઓળખી શકતા નથી. 

થાઇરોઇડનાં લક્ષણો 

ધ્યાન કેન્દ્રિત કરવામાં સમસ્યા 
થાઇરોઇડ ગ્રંથિ તમારા મગજને તેના દરેક કામને મદદ કરવા માટે હાર્મોન્સ મોકલે છે. હાઇપો થાઇરોઇડની સમસ્યા થવાનાં કારણે આ હાર્મોન્સનો પ્રવાહ ધીમો પડી જાય છે. જેના કારણે 'બ્રેઇન ફૉગ'ની સ્થિતિ ઉત્પન્ન થાય છે. જેથી તમે કોઈ પણ કામ પર ધ્યાન કેન્દ્રિત કરી શકતા નથી, વાત યાદ નથી રહેતી, નિર્ણય લેવામાં અને સ્પષ્ટ વિચારવામાં પણ સમસ્યા થાય છે. 

હમેશાં ઉદાસ રહેવું 
હાઇપર થાઇરોઇડમાં ચિંતા થવી સામાન્ય વાત છે. હતાશા તેના મુખ્ય લક્ષણો માંથી એક છે. જો તમને હમેશાં ચિંતા થતી હોય અથવા તમે ઉદાસ રહેતાં હોય તો તમારે સમજી લેવું કે તમને થાઇરોઇડની સમસ્યા છે. તમારા સ્વભાવમાં થયેલા પરિવર્તનનું નિરીક્ષણ કરવું જોઈએ. 

ગર્ભ ધારણ કરવામાં મુશ્કેલી 
તમને થાઇરોઇડની સમસ્યા હોય તો ગર્ભ ધારણ કરવામાં મુશ્કેલી થઈ શકે છે. આ સાથે ગર્ભપાત અથવા મૃત બાળકનો જન્મ થવાની સંભાવનાઓ વધી જાય છે. ઘણી વાર સમય પહેલા બાળકનો જન્મ થઈ જાય છે અથવા બાળકનો વજન ખુબજ ઓછો જણાય છે. આ કારણે સમયસર થાઇરોઇડની સારવાર કરાવવી જરૂરી છે.  

અનિયમિત માસિક સ્ત્રાવની સમસ્યા 
થાઇરોઇડનું એક મોટું સંકેત છે અનિયમિત માસિક સ્ત્રાવ. આ સમયે વધુ અથવા ઓછો રક્તસ્ત્રાવ થઈ શકે છે. સ્વાસ્થ્ય નિષ્ણાંતો મુજબ જે કિશોરીઓને થાઇરોઇડની સમસ્યા હોય તેમને પ્રથમ માસિક સ્ત્રાવ થોડું વહેલું અથવા મોડું આવી શકે છે. 

વધુ પડતા વાળ ખરવા 
દરરોજ થોડા વાળ ખરવા સામાન્ય વાત છે પણ જો તમારા વાળ વધુ માત્રામાં ખરતા હોય તો તમને થાઇરોઇડની સમસ્યા હોઇ શકે. 

હાઇ બ્લડ પ્રેશરની સમસ્યા 
જો તમને અચાનક હાઇ બ્લડ પ્રેશરની સમસ્યા થવા લાગી હોય તો તમારે આ બાબત પર ધ્યાન આપવું જોઈએ. અન્ડરએક્ટિવ થાઇરોઇડને કારણે તમારી રક્તવાહીનીઓ ઓછી લચિલી થઈ જાય છે. જેના કારણે તમારા શરીરનાં દરેક ભાગમાં લોહીનું પહોંચવી મુશ્કેલ થઈ જાય છે. ઓવરએક્ટિવ થાઇરોઇડનાં કારણે બ્લડ પ્રેશર વધી શકે છે.  જેના કારણે તમારા હૃદયના ધબકારા ઝડપથી વધવા લાગે છે.

અસ્પષ્ટ દ્રષ્ટિનો ભય 
થાઇરોઇડની સમસ્યાનાં કારણે આંખો નબળી થવા લાગે છે અથવા ઓછું દેખાવાં લાગે છે. થાઇરોઇડનાં કારણે આંખો નજીકની પેશીઓમાં વધારાનું પ્રવાહી એકઠું થાય છે. આ સાથે થાઇરોઇડ આંખોને નિયંત્રિત કરતી સ્નાયુઓને મોટી કરી દે છે. જેના કારણે દ્રષ્ટિ અસ્પષ્ટ થવા લાગે છે.