બિઝનેસ / અદાણીને પછાડી અંબાણી ભારતમાં સૌથી વધુ ધનવાન, હુરુન ગ્લોબલ રિચ લિસ્ટ જાહેર, જુઓ કોના પાસે કેટલી સંપત્તિ

• હુરુન ઈન્ડિયા રિચ લિસ્ટ 2023ની રિપોર્ટ જાહેર
• ભારતીય અમીરોની રેન્કિંગ લિસ્ટ પબ્લિશ કરી
• અંબાણી પરિવાર આ લિસ્ટમાં ટોપનાં સ્થાન પર

હુરુન ગ્લોબલ રિચ લિસ્ટ અનુસાર રિલાયંસ ઈંડસ્ટ્રીઝનાં ચેરમેન મુકેશ અંબાણી હવે સૌથી અમીર ભારતીય છે. તેમણે ગૌતમ અદાણીને પાછળ મૂકીને શીર્ષ સ્થાન મેળવ્યું છે. હુરુન ઈન્ડિયા અને 360 વન વેલ્થ દ્વારા સંયુક્તરૂપે જાહેર કરવામાં આવેલી હુરુન ઈન્ડિયા રિચ લિસ્ટ 2023ની રિપોર્ટમાં ભારતનાં અરબોપતિઓની લિસ્ટ પબ્લિશ કરવામાં આવી છે. આ લિસ્ટમાં મુકેશ અંબાણી પરિવારે 8,08,700 કરોડ રૂપિયાથી વધારેની સંપત્તિ સાથે શીર્ષ સ્થાન મેળવ્યું છે.

અદાણીને હિંડનબર્ગે આપ્યો ઝટકો
રિપોર્ટ અનુસાર 66 વર્ષીય મુકેશ અંબાણીની સંપત્તિ ગતવર્ષની સરખામણીમાં 2% વધી છે. તો 61 વર્ષીય ગૌતમ અદાણી પરિવારની સંપત્તિ હિંડનબર્ગની રિપોર્ટ બાદ 57% ઘટીને 474800 કપોડ રૂપિયા નોંધાઈ છે. હિંડનબર્ગે આ વર્ષે જાન્યુઆરીમાં અદાણી સમૂબની રિપોર્ટ જાહેર કરી હતી જેમાં સમૂહ પર કેટલાક ગંભીર આરોપો મૂકવામાં આવ્યાં હતાં. આ બાદ સમૂહનાં માર્કેટ કેપમાં ઐતિહાસિક ઘટાડો થયો હતો. સાથે જ ગૌતમ અદાણીની પ્રાઈવેટ મિલકતને પણ નુક્સાન થયું હતું.

ત્રીજું અને ચોથું સ્થાન કોનું?
ભારતીય અમીરોની લિસ્ટમાં ત્રીજું સ્થાન સીરમ ઈંસ્ટીટ્યૂટ ઑફ ઈન્ડિયાનાં પ્રમોટર પૂનાવાલા પરિવાર પાસે છે. આ પરિવારની સંપત્તિ 278500 કરોડ રૂપિયા છે જે ગતવર્ષની સરખામણીમાં 36% વધારે છે. HCLનાં 78 વર્ષીય શિવ નાદર અને પરિવારે 228900 કરોડ રૂપિયાની સંપત્તિ સાથે ચોથું સ્થાન જાળવી રાખ્યું છે. ગત વર્ષની સરખામણીએ તેમની સંપત્તિમાં 23%નો વધારો નોંધાયો છે.

હિંદુજા પરિવારની સંપત્તિ
લંડન સ્થિત ગોપીચંદ હિંદુજા અને પરિવારની સંપત્તિમાં 7%નો વધારો થયો છે. તેમની હાલમાં અંદાજિત 176500 કરોડની સંપત્તિ છે. આ લિસ્ટમાં તેમણે 5મું સ્થાન મેળવ્યું છે. SUN ફાર્માસ્યૂટિકલ ઈંડસ્ટ્રીઝનાં દિલીપ સાંઘવી 164300 રૂપિયાની સંપત્તિની સાથે છઠ્ઠા સ્થાન પર છે જે ગતવર્ષની તુલનામાં 23% વધારે છે.

BYJU લિસ્ટની બહાર
હુરુન ઈન્ડિયા રિચ લિસ્ટ 2023 અનુસાર એડ્યુકેશન પ્લેટફોર્મ બાયજૂનાં બાયજૂ રવીંદ્રન સૌથી અમીર વ્યક્તિઓની લિસ્ટમાંથી બહાર થઈ ગયાં છે.  થોડા મહિનાઓથી કંપની પર આર્થિક સંકટ પણ છે.