ફાયદાની વાત / એક્સ્ટ્રા કમાણી કરવાની શાનદાર તક: હવે દર મહિને ATMથી તમે કમાઇ શકશો આટલાં બધા રૂપિયા, જાણો પ્રોસેસ

• ATM ફ્રેન્ચાઈઝી લઈને કમાણી કરી શકો છો
• જેની મદદથી સારી કમાણી કરી શકાય છે
• ATM ફ્રેન્ચાઈઝી વિશે અહીંયા જણાવવામાં આવ્યું છે

સામાન્ય રીતે તમે જોયું હશે કે, લોકો આજીવિકા માટે નોકરી અથવા કામધંધો કરે છે. આ સિવાય અન્ય એવા કામ છે, જેની મદદથી સારી કમાણી કરી શકાય છે. જેમ કે, મકાન ભાડે આપવું. તમે ATM ફ્રેન્ચાઈઝી પણ લઈ શકો છો અને દર મહિને સારી કમાણી પણ કરી શકો છો. જે માટે તમે ભારતીય સ્ટેટ બેન્ક અથવા SBI બેન્કની ATM મશીનની ફ્રેન્ચાઈઝી લઈ શકો છો. જે માટે કોઈપણ પ્રકારનું રોકાણ કરવાનું નથી અને દર મહિને સારી કમાણી થાય છે. ATM ફ્રેન્ચાઈઝી વિશે અહીંયા વિગતવાર જાણકારી આપવામાં આવી છે. 

ATM ફ્રેન્ચાઈઝી લેવા માટે આ બાબતોનું રાખો ખાસ ધ્યાન

• તમારી આસપાસ 50-80 સ્ક્વેર ફૂટની જગ્યા હોવી જોઈએ, તથા અન્ય ATMથી 100 મીટર દૂર હોવું જોઈએ. 
• આ જગ્યા ગ્રાઉન્ડ ફ્લોર પર હોવી જોઈએ. 
• 24 કલાક પાવર સપ્લાય હોવો જોઈએ, જે માટે 1 કિલોવોટની વીજળીનું કનેક્શન હોવું જરૂરી છે. 
• આ ATM દરરોજ 300 ટ્રાન્ઝેક્શનની ક્ષમતા હોવી જોઈએ. 

કયા ડોક્યુમેન્ટ હોવા જોઈએ?

• ID પ્રૂફ- આધાર કાર્ડ, પાન કાર્ડ, વોટર કાર્ડ
• એડ્રેસ પ્રૂફ- રેશન કાર્ડ, ઈલેક્ટ્રિક બિલ
• બેન્ક એકાઉન્ટ અને પાસબુક
• ફોટોગ્રાફ, ઈમેઈલ આઈડી, ફોન નંબર
• GST નંબર
• ફાઈનાન્શિયલ ડોક્યુમેન્ટ

ATM ફ્રેન્ચાઈઝી માટે અરજી

• કોઈપણ બેન્કનું ATM બેન્ક તરફથી લગાવવામાં આવતું નથી, તે માટે એક અલગ કંપની હોય છે. 
• આ કંપની જરૂરિયાત અને જગ્યા અનુસાર ATM લગાવે છે. 
• ભારતમાં મુખ્યરૂપે ઈન્ડિયા વન ATM, ટાટા ઈન્ડિકેશ અને મુથૂટ ATM પાસે ATM લગાવવાનો કોન્ટ્રાક્ટ હોય છે. 

તમે આ વેબસાઈટ પરથી અરજી કરી શકો છો. 

• ઈન્ડિયા વન ATM– india1atm.in/rent-your-space 
• ટાટા ઈન્ડિકેશ– www.indicash.co.in 
• મુથૂટ ATM– www.muthootatm.com/suggest-atm.html