હેલ્ધી ડ્રિંક / ડાયાબિટીસના દર્દીઓ માટે રામબાણ છે આ ડ્રિંક્સ, રોજ સવારમાં ખાલી પેટ પીઓ ને પછી જુઓ રિઝલ્ટ

• ડાયાબિટીસની સમસ્યા એક સામાન્ય બાબત બની ગઈ છે
• બિમારીને સાઈલેંટ કિલર તરીકે પણ ઓળખવામાં આવે છે
• જીવનશૈલીમાં ફેરફાર કરીને બ્લડ શુગર કંટ્રોલ કરી શકાય છે

હાલના સમયમાં બદલાતી લાઈફસ્ટાઈલ અને અયોગ્ય ખાનપાનને કારણે ડાયાબિટીસની સમસ્યા એક સામાન્ય બાબત બની ગઈ છે. આ બિમારીને સાઈલેંટ કિલર તરીકે પણ ઓળખવામાં આવે છે. બ્લડ શુગર વધવાને કારણે શરીરના અન્ય અંગો પર પણ અસર થાય છે. ખાનપાન અને જીવનશૈલીમાં ફેરફાર કરીને બ્લડ શુગર કંટ્રોલ કરી શકાય છે. ડાયાબિટીસના દર્દીઓએ શુગરયુક્ત પીણા, કોફી, સોડા ના પીવા જોઈએ. અહીંયા અમે તમને કેટલીક એવી ડ્રિંક્સ વિશે જાણકારી આપી રહ્યા છીએ, જે ડાયાબિટીસના દર્દીઓ માટે રામબાણ ઈલાજ છે. 

કારેલાનું જ્યૂસ
ડાયાબિટીસના દર્દીઓ માટે કારેલાનું જ્યૂસ વરદાન સમાન છે. કારેલામાં રહેલ યૌગિકના કારણે બ્લડ શુગર પ્રાકૃતિક રીતે કંટ્રોલમાં રહે છે. કારેલા કડવા હોય છે, પરંતુ તેમાં ભરપૂર માત્રામાં પોષકતત્ત્વો અને એન્ટી ઓક્સિડેન્ટ્સ રહેલા છે. કારેલામાં કાર્બ્સ, ચરબી અને કેલરીની માત્રા ખૂબ જ ઓછી હોય છે, જેથી તે ડાયાબિટીસના દર્દીઓ માટે ખૂબ જ ગુણકારી છે. ડાયાબિટીસના દર્દીઓએ સવારે ભૂખ્યા પેટે કારેલાનું જ્યૂસ પીવું જોઈએ.  

મેથીનું પાણી
ડાયાબિટીસના દર્દીઓ માટે મેથીનું પાણી હેલ્ધી ડ્રિંક છે, જેની મદદથી બ્લડ શુગર કંટ્રોલમાં રહે છે. ડાયાબિટીસના દર્દીઓ માટે મેથીના બીજ અને પાન ફાયદાકારક છે. મેથીની ડ્રિંક બનાવવા માટે મેથીના બીજનો ઉપયોગ કરવામાં આવે છે. રાત્રે એક ગ્લાસ પાણીમાં મેથી પલાળી દો અને બીજા દિવસે સવારે તે ડ્રિંકનું સેવન કરો. 

ગ્રીન ટી
ડાયાબિટીસના દર્દીઓ માટે ગ્રીન ટી ફાયદાકારક માનવામાં આવે છે. તમે તેમાં તજ મિશ્ર કરી શકો છો. ગ્રીન ટી સ્વાદ અને આરોગ્ય માટે ખૂબ જ ગુણકારી છે. રિસર્ચ અનુસાર ગ્રીન ટીનું સેવન કરવાથી બ્લડ શુગર કંટ્રોલમાં રહે છે. 

લીંબુ પાણી
લીંબુ પાણી આરોગ્ય માટે ખૂબ જ લાભકારી છે. ગ્રીન ટીમાં ભરપૂર માત્રામાં પોષકતત્ત્વો રહેલા છે, જે ડાયાબિટીસના દર્દીઓ માટે લાભકારી છે, ઉપરાંત વજન પણ ઓછું થઈ શકે છે. લીંબુ પાણીનું સેવન કરવાથી રોગ પ્રતિકારક શક્તિમાં વધારો થાય છે. આરોગ્ય નિષ્ણાંતો અનુસાર ડાયાબિટીસના દર્દીઓએ સવારે સૌથી પહેલા લીંબુ પાણીનું સેવન કરવું જોઈએ. 

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)