તમારા કામનું / તમારા AC નો ગેસ ખતમ થઈ ગયો છે કે નહીં? આ રીતે તમારી જાતે જ કરી લો ચેક, નહીં પડે કોઈ મિકેનિકની જરૂર

• આ ગરમીમાં ઘણા લોકો જૂના ACની સર્વિસ કરાવે છે
• મિકેનિક કહે છે કે તમારા ACમાં ગેસ ખતમ થઈ ગયો છે
• ગેસ રિફિલ કરવાના નામે તે તમારી પાસેથી ઘણા પૈસા વસૂલે છે

ઉનાળાની ઋતુ શરૂ થઈ ગઈ છે અને લોકો કાળઝાળ ગરમીથી ત્રાસી ગયા છે. જો કે એપ્રિલ અને મે મહિનાની શરૂઆતમાં પડેલા વરસાદને કારણે વાતાવરણમાં ચોક્કસ ઠંડક જોવા મળી હતી. ત્યારે વરસાદ બંધ થયા બાદ હવે ગરમી વધવા લાગી છે. આવી સ્થિતિમાં ગરમીથી છુટકારો મેળવવા માટે હાલ એસી અને કુલરનો મોટાપાયે ઉપયોગ થઈ રહ્યો છે. ગરમીથી છુટકારો મેળવવા માટે એસી સિવાય બીજો કોઈ અસરકારક ઉપાય નથી. 

આવી સ્થિતિમાં ઘણા લોકો જૂના ACની સર્વિસ કરાવે છે અને ACની સર્વિસ કરાવવા માટે મિકેનિકને બોલાવવામાં આવે છે. ઘણીવાર એવું જોવા મળે છે કે AC ચેક કર્યા પછી મિકેનિક કહે છે કે તમારા ACમાં ગેસ ખતમ થઈ ગયો છે અને ગેસ રિફિલ કરવાના નામે તે તમારી પાસેથી ઘણા પૈસા વસૂલે છે. હો કે ઘણી વખત એવું બને કે મિકેનિક દ્વારા કહેવામાં આવેલી આ વાત સાચી ન પણ હોય અને તમારી પાસેથી પૈસા પડાવવા માટે તેઓ આ વાત કહેતા હોય છે. 

એવામાં આ ઠગાઇથી બચવા  અને ACમાં સાચે ગેસ પૂરો થયો છે કે નહીં એ જાણવા માટે આજે અમે તમને ખાસ પદ્ધતિઓ વિશે જણાવવા જઈ રહ્યા છીએ, જેની મદદથી તમે તમારી જાતે એ ચેક કરી શકો છો. 

જો તમારું AC યોગ્ય રીતે ઠંડક ન આપતું હોય તો આ સ્થિતિમાં તમારા ACમાં પૂરો થઈ ગયો હોય છે. એવું બની શકે કે ગેસના અભાવે ઘણીવાર એસીમાં ઠંડક નથી હોતી.

AC માં લગાવેલા કમ્પ્રેસરની મદદથી AC ના ગેસ વિશે સરળતાથી જાણી શકાય છે.  AC માં લગાવેલ કમ્પ્રેસર રૂમના તાપમાનના આધારે વધુ કે ઓછું હોય છે.

જો તમને લાગે કે કમ્પ્રેસર પહેલા કરતા વધુ સમય માટે બંધ અથવા ચાલુ છે. આવી સ્થિતિમાં, તમારા ACમાં ગેસ સમાપ્ત થવાની સંભાવના છે.