વિસાવદર / બપોરે આકાશ ઘેરાયું અને રાત્રે કમોસમી વરસાદ, ખેડૂતોની ચિંતામાં વધારો

Gujarat Unseasonal Rain : ગુજરાતમાં હવામાનના અચાનક બદલાવને કારણે ખેડૂતો મુશ્કેલીમાં મુકાયા છે. વિસાવદર અને આસપાસના ગ્રામ્ય વિસ્તારોમાં મોડી રાત્રે કમોસમી વરસાદ શરૂ થતા ખેતી પર તેની સીધી અસર જોવા મળી રહી છે. દિવસ દરમિયાન વાતાવરણ મિશ્ર હતું, પરંતુ બપોર બાદ આકાશ ઘેરાયું અને રાત્રે પવન સાથે વરસાદી ઝાપટા પડ્યા. ફેબ્રુઆરી જેવા સમયમાં પડતો આ વરસાદ ખેડૂતો માટે ચિંતાજનક બની ગયો છે. ઠંડક વધવા છતાં ખેતરોમાં ઉભેલા પાક માટે આ પરિસ્થિતિ અનુકૂળ નથી.

હાલ રવિ સીઝનના પાક લણણીની તૈયારીમાં છે. ખાસ કરીને ઘઉં, ચણા, તુવેર, ધાણા અને જીરા જેવા પાક ખેતરમાં તૈયાર સ્થિતિમાં છે. વરસાદ ચાલુ રહેશે તો પાક પલળી જવાથી ગુણવત્તા ઘટી શકે છે, કાળો પડી શકે છે અથવા સડી જવાની શક્યતા પણ રહે છે. ખેડૂતોએ મોંઘું બિયારણ, ખાતર અને મહેનત બાદ પાક તૈયાર કર્યો છે. આવી સ્થિતિમાં કમોસમી વરસાદ તેમને આર્થિક રીતે ભારે નુકસાન પહોંચાડી શકે છે.

આ પણ વાંચો : અરબી સમુદ્રમાં ભારતીય કોસ્ટ ગાર્ડની મોટી કાર્યવાહી, ઇરાની બોટ સાથે 4 ક્રૂ મેમ્બર ઝડપાયા

માર્કેટિંગ યાર્ડ અને ઘાસચારો પર અસર

માર્કેટિંગ યાર્ડમાં ખુલ્લામાં રાખેલો અનાજ પણ ભીનું થવાનો ભય છે. ખેતરમાં કાપીને રાખેલો પાક બચાવવો મુશ્કેલ બની રહ્યો છે. સાથે સાથે પશુઓ માટેનો ઘાસચારો પણ પલળી જવાથી માલધારીઓ માટે મુશ્કેલી ઊભી થઈ શકે છે. હાલ વિસ્તારોમાં વાદળછાયું વાતાવરણ યથાવત છે અને વધુ વરસાદની શક્યતા નકારી શકાય તેમ નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ