સારા સમાચાર / સંસ્કૃત ભાષા માટે આનંદના સમાચાર, રાજ્યસભામાં સૌથી વધુ ઉપયોગ થનારી ભાષાની સૂચીમાં 5માં સ્થાને પહોંચી

• રાજ્યસભામાં પાંચમા સ્થાને પહોંચી સંસ્કૃત 
• સાંસદો કરી રહ્યા છે પ્રાદેશિક ભાષાઓનો ઉપયોગ 
• 19 સાંસદોએ ચર્ચા માટે સંસ્કૃત પર પસંદગી ઉતારી 

રાજ્યસભાની કાર્યવાહી દરમિયાન સાંસદો હવે પ્રાદેશિક ભાષાઓનો ખૂબ જ મોટા પાયે ઉપયોગ કરતા દેખાઈ રહયા છે અને આ દરમિયાન વધુ આનંદિત કરનારી વાત એ બની હતી કે રાજ્યસભાના 19 સાંસદોએ તેમના વક્તવ્ય માટે સંસ્કૃત ભાષા ઉપર પસંદગી ઉતારી હતી. હાલના રેકોર્ડ પ્રમાણે સંસ્કૃત રાજ્યસભામાં સૌથી વધુ ઉપયોગ  થનારી ભાષાઓમાં પાંચમા સ્થાને પહોંચી ગઈ છે. 

ઉપરાષ્ટ્રપતિ વૈંકેયા નાયડુએ પ્રસ્તાવ પસાર કર્યો હતો 

ઓગસ્ટ 2017માં રાજ્યસભાના અધ્યક્ષ બનતા વૈંકેયા નાયડુએ સાંસદોને પોતાની માતૃભાષામાં પોતાના વિચારો મૂકવા અંગેના ઠરાવને પસાર કર્યું હતું, એની પાછળનો હેતુ એવો હતો કે લોકો પ્રાદેશિક ભાષામાં પોતાના વિચારો ખૂબ જ સરસ રીતે મૂકી શકે છે જ્યારે કે બીજી ભાષાઓમાં તેમને એવું કરવામાં મુશ્કેલી પડતી હોય છે. 

આના પછી  સાંસદોએ પ્રાદેશિક ભાષાઓને ઉપયોગ કરવાનું શરુ કરી દીધું હતું, જેમાં 2018 થી 2020ના ગાળા દરમિયાન પ્રાદેશિક ભાષાઓનો ઉપયોગ રાજ્યસભામાં અનેક ગણો વધી ગયો છે, આ દરમિયાન પ્રાદેશિક અભષાઓ જેવી કે ડોગરી, કાશ્મીરી, કોંકણી, અને સંથાલીનો ઉપયોગ સંસદમાં પહેલી વાર થઇ રહ્યો છે. આ સિવાય અન્ય ભાષાઓ જેવી કે અસમિયા, ગુજરાતી, મૈથિલી, મણિપુરી, નેપાળી જેવી ભાષાઓનો ઉપયોગ પણ વધ્યો છે. 

અંગ્રેજી અને હિન્દીનો જ હતો વધુ ઉપયોગ 

મોટા ભાગે રાજ્યસભામાં અંગ્રેજી અને હિન્દીનો જ સૌથી વધુ ઉપયોગ થતો રહ્યો છે, જો કે આ વલહતે પ્રાદેશિક ભાષાઓના ઉપયોગમાં છેલ્લા 14 વર્ષમાં 512 ટકાનો ઉછાળો જોઈ શકાય છે. 

આમ તો ઘણી ભાષાઓના ઉપયોગમાં સંસદમાં વધારો અનુભવાયો છે જો કે સંસ્કૃતની વાત કરીએ તો 2019થી લઈને 2020 સુધી 12 હસ્તક્ષેપ ચર્ચા વખતે આ ભાષાનો ઉપયોગ કરવામાં આવ્યો છે અને હિન્દી, તેલુગુ, ઉર્દુ, અને તમિલ ભાષા પછી પહેલી વાર સંસ્કૃત ભાષા સૌથી વધુ રાજ્યસભામાં સૌથી વધુ ઉપયોગમાં લેવાનારી પાંચમી ભાષા બનીને ઉભરી છે.