ચિંતા / હવે આ જિલ્લામાં કોરોનાના નવા વેરિયન્ટએ દેખા દેતા હડકંપ, આરોગ્ય તંત્ર દોડ્યું

• આણંદમાં કોરોનાના નવા વેરિએન્ટની એન્ટ્રી
• ખંભાતમાં B1.5 નામનો પ્રથમ કેસ આવ્યો સામે 
• કોરોનાનો પ્રથમ કેસ આવતા તંત્ર થયું એલર્ટ

ચીન સહિતના દેશોમાં કોરોનાએ રીતસરનો કહેર મચાવ્યો છે. જેને લઈને અન્ય દેશમાં પણ ફફડાટ ફેલાયો છે. આવી સ્થિતી વચ્ચે આણંદ જિલ્લામાં કોરોનાના નવા વેરીએન્ટની એન્ટ્રી થતા આરોગ્ય વિભાગ દોડતું થયું છે. આણંદ જિલ્લાના ખંભાતમાં કોરોનાના B1.5 વેરિયન્ટનો પ્રથમ કેસ સામે આવતા હડકંપ મચી ગયો છે. આમ કોરોનાની ચોથી લહેરના ભણકારા વચ્ચે જિલ્લામાં કોરોનાનો પગ પેસરો થતા લોકોમા પણ ડરનો માહોલ જોવા મળી રહ્યો છે. તો બીજી તરફ કોરોનાનો જિલ્લામાં પ્રથમ કેસ સામે આવતા આરોગ્ય તંત્ર એલર્ટ બનીને કાર્યવાહી કરી રહ્યું છે.

અમેરિકામાં XBB.1.5 વેરિઅન્ટનો ખતરો

ચીનમાં તબાહી મચાવી રહેલો ઓમિક્રોનનો સબ-વેરિઅન્ટ બીએફ.7 સમગ્ર વિશ્વ માટે મુશ્કેલીનું કારણ બન્યો છે અને ભારતમાં પણ તેના કેસમાં આવી રહેલા વધારાને પગલે હેલ્થ એલર્ટ છે. તેવામાં અમેરિકામાં કોરોનાનો ખતરનાક વેરિઅન્ટ સામે આવ્યો છે. વિનાશનું કારણ બની શકે છે તે સામે આવ્યો છે જે ઓમિક્રોનનો XBB.1.5 વેરિઅન્ટ છે અને 120 ગણી સ્પીડમાં ફેલાય છે. ખાસ વાત એ છે કે આ વેરિયન્ટ વેક્સિનને પણ બેઅસર કરી શકે છે.મિનેસોટા યુનિવર્સિટીના ચેપી રોગના નિષ્ણાત ડો.માઇકલ ઓસ્ટરહોમના જણાવ્યા અનુસાર, અમેરિકામાં કોવિડ -19 ના 40 ટકાથી વધુ કેસો ઓમિક્રોન XBB.1.5 દ્વારા ફેલાય છે.