ફેમિલી ટ્રિપ / ગુજરાતીઓ મે મહિનામાં કર્યો છે ફેમિલી સાથે ફરવાનો પ્લાન, 7 જગ્યાઓ છે સૌથી બેસ્ટ, ઠંડક સાથે યાદગાર બની રહેશે પ્રવાસ

• ગરમીની સિઝનમાં ઠંડા વાતવરણમાં ફરવાની આવશે મજા
• મુખ્ય શહેરની સાથે આજુબાજુના જોવાલાયક સ્થળો પણ જરુર જજો

મેં મહિનામાં ગરમી ટોચ પર હોય છે. ત્યાં મેં મહિનામાં બાળકોને સ્કૂલમાં વેકેશન શરુ થઇ જાય છે. જેના કારણે ઘણા લોકો સમય વેકેશન્સ મનાવા માટે કોઇ પણ સારી લોકેશનની શોધમાં રહે છે. તેવામાં જો તમે મેં મહિનામાં ફેમિલીની સાથે ફરવા જવાનો પ્લાન બનાવી શકે છે. તો અમુક ઠંડી જગ્યાઓ શેર કરીને તમને સારો એક્સિપીરિયન્સ મેળવી શકો છો. તો આવો તમને જણાવીએ કે મેં મહિનામાં ફરવા માટે કઇ જગ્યાએ જવું તેના વિશે જાણીએ...

1. શિમલા, હિમાચલ પ્રદેશ 
હિમાચલ પ્રદેશની રાજધાની શિમલાની ગણતરી દેશના પ્રખ્યાત પ્રવાસના સ્થળોમાં થાય છે. શિમલા દિલ્હીથી માત્ર 355 કિલોમીટર દૂર આવેલું છે. આવી સ્થિતિમાં, શિમલાની મુલાકાત લઈને, તમે કુફરી મોલ રોડ, જાખુ મંદિર, ક્રાઈસ્ટ ચર્ચ અને આર્કી કિલ્લાની મુલાકાત લઈ શકો છો.

2. હરિપુરધારા, હિમાચલ પ્રદેશ: 
મે મહિનામાં મુલાકાત લેવા માટે હિમાચલ પ્રદેશના એક સુંદર હિલ સ્ટેશન હરિપુરધારા જઈ શકો છો. અહીંનો નજારો પ્રવાસીઓને ખૂબ જ પસંદ આવે છે. બીજી બાજુ, ભીડવાળા સ્થળોથી દૂર હરિપુરધારામાં પરિવાર સાથે સમય પસાર કરવો શ્રેષ્ઠ હોઈ શકે છે. હરિપુરધરા દિલ્હીથી 334 કિલોમીટર દૂર છે.

3. નૈનીતાલ, ઉત્તરાખંડ: 
ઉત્તરાખંડના નૈનીતાલની સફર ઉનાળામાં ફરવા માટે શ્રેષ્ઠ સ્થળ બની શકે છે. મે મહિનામાં નૈનીતાલનો નજારો સીધો હૃદયને સ્પર્શે છે. અહીં તમે નૈની લેક, મોલ રોડ, સ્નો વ્યુ પોઈન્ટ અને બોટનિકલ ગાર્ડન જોઈ શકો છો.

4. મસૂરી, ઉત્તરાખંડઃ 
ઉત્તરાખંડમાં સ્થિત મસૂરીને પહાડોની રાણી કહેવામાં આવે છે. પરિવાર સાથે મસૂરીની મુલાકાત ખૂબ જ યાદગાર અનુભવ સાબિત થઈ શકે છે. મસૂરીમાં તમે કેમ્પ્ટી ફોલ્સ, કંપની ગાર્ડન અને લાલ ટિબ્બાનો આકર્ષક નજારો જોઈ શકો છો. ઉપરાંત, તમે મસૂરીમાં પેરાગ્લાઈડિંગ અને ટ્રેકિંગ જેવી પ્રવૃત્તિઓ અજમાવી શકો છો.

5. પંચમઢી હિલ્સ, મધ્ય પ્રદેશ: 
મે મહિનાની ગરમીથી રાહત મેળવવા માટે, તમે મધ્ય પ્રદેશના એક સુંદર હિલ સ્ટેશન પંચમઢી જઈ શકો છો. તમે પંચમઢીમાં સ્થિત સુંદર વોટર ફોલ, પાંડવ ગુફા અને સતપુરા નેશનલ પાર્કમાં પરિવાર સાથે ઘણો આનંદ માણી શકો છો.

6. ઓમકારેશ્વર, મધ્ય પ્રદેશ: 
મધ્ય પ્રદેશમાં આવેલું ઓમકારેશ્વર મંદિર ભગવાન શિવના 12 જ્યોતિર્લિંગોમાંનું એક છે. તમે મે મહિના દરમિયાન તમારા પરિવાર સાથે ઓમકારેશ્વરની યાત્રાનો પ્લાન બનાવી શકો છો. અહીં તમે અહિલ્યા ઘાટ અને કાજલ રાની ગુફા પણ જોવા જઇ શકો છો.

7. શ્રીનગર, જમ્મુ અને કાશ્મીર: 
ધરતી પરનું સ્વર્ગ કહેવાતા જમ્મુ અને કાશ્મીરની રાજધાની શ્રીનગરની સફર પણ તમારા માટે શ્રેષ્ઠ સાબિત થઈ શકે છે. ઉનાળામાં શ્રીનગરની મુલાકાત કરીને તમે માત્ર બરફની ચાદર ઓઢેલા ઊંચા પર્વતોની પ્રશંસા કરી શકો છો, તે સાથે દાલ તળાવ, મુઘલ ગાર્ડન્સ, વુલર તળાવ અને શાલીમાર બાગ પણ જોઈ શકો છો.

Disclaimer: અહીં આપેલી માહિતી માત્ર અનુમાન અને માહિતી પર આધારિત છે. આથી અત્રે અહીં ઉલ્લેખ કરવો જરૂરી છે કે VTV ગુજરાતી આવી કોઈ પણ પ્રકારની માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા તેના વિશે વધુમાં માહિતી મેળવવી તેમજ સંબંધિત નિષ્ણાંતની સલાહ લેવી જરૂરી.