- સ્ટ્રોકને કારણે આખી દુનિયામાં સૌથી વધુ સંખ્યામાં લોકો મૃત્યુ પામે છે
- દર વર્ષે 1.5 કરોડ લોકો સ્ટ્રોકનો શિકાર બનેતો 50 લાખથી વધુ લોકો મૃત્યુ પામે
- દર વર્ષે 29 ઓક્ટોબરે વિશ્વ સ્ટ્રોક દિવસ ઉજવવામાં આવે છે
હાર્ટ એટેક અને સ્ટ્રોકને કારણે આખી દુનિયામાં સૌથી વધુ સંખ્યામાં લોકો મૃત્યુ પામે છે. હાર્ટ અટેક વિશે તો આપણે બધા જાણીએ છીએ પણ સ્ટ્રોક વિશે ઘણા ઓછા લોકોને જાણકારી છે. સ્ટ્રોક જેને મગજનો હુમલો પણ કહેવાય છે, આ ત્યારે આવે છે જ્યારે કોઈ કારણોસર મગજના કોઈ ભાગમાં રક્ત પુરવઠો અવરોધાય છે. મગજની રક્તવાહિનીઓ ફાટવાને કારણે પણ સ્ટ્રોક આવી શકે છે. સ્ટ્રોક બ્રેન ડેમેજ, અપંગતા અથવા ગંભીર કિસ્સાઓમાં મૃત્યુનું કારણ બની શકે છે.
દર વર્ષે 1.5 કરોડ લોકો બને છે સ્ટ્રોકનો શિકાર
એવામાં હાલ વર્લ્ડ હેલ્થ ઓર્ગેનાઈઝેશન એટલે WHOનો એક અહેવાલ સામે આવ્યો છે એ અનુસાર દર વર્ષે વિશ્વભરમાં 15 મિલિયન એટલે કે 1.5 કરોડથી વધુ લોકો સ્ટ્રોકથી પીડાય છે, જેમાંથી 50 લાખથી વધુ લોકો મૃત્યુ પામે છે. સ્ટ્રોકના વધતા જોખમોને રોકવા અને સારવાર વિશે જાગૃતિ લાવવા માટે દર વર્ષે 29 ઓક્ટોબરે વિશ્વ સ્ટ્રોક દિવસ ઉજવવામાં આવે છે . એવામાં ચાલો જાણીએ કે સ્ટ્રોકનું જોખમ શા માટે વધી રહ્યું છે અને આ સમસ્યાથી બચવા માટે કઈ બાબતોનું ધ્યાન રાખવું જોઈએ?
સ્ટ્રોકનું જોખમ શા માટે વધી રહ્યું છે?
હેલ્થ એક્સપર્ટ્સનું કહેવું છે કે આપણી લાઈફસ્ટાઈલની ઘણી ખોટી આદતોને કારણે સ્ટ્રોકનું જોખમ વધી શકે છે. જેમ કે શારીરિક નિષ્ક્રિયતા એટલે કે પર્યાપ્ત શારીરિક પ્રવૃત્તિ ન મેળવવી અને અન્ય સ્વાસ્થ્ય પરિસ્થિતિઓ સાથે સ્ટ્રોકનું જોખમ વધારે છે. સ્થૂળતા, હાઈ બ્લડ પ્રેશર, હાઈ કોલેસ્ટ્રોલ અને ડાયાબિટીસ જેવા રોગોથી પીડિત લોકોમાં તેનું જોખમ વધુ વધે છે. સાથે જ સ્ટડીમેં એમ પણ કહેવામાં આવ્યું છે કે નિયમિત કસરતને દૈનિક દિનચર્યાનો ભાગ બનાવવાથી સ્ટ્રોકનું જોખમ ઘટાડી શકાય છે.
દરરોજ 30 મિનિટની કસરત કરવાનું લક્ષ્ય રાખો
કસરત કોઈ પણ વ્યક્તિને તંદુરસ્ત વજન જાળવવામાં મદદ કરે છે અને વધારે વજન અથવા મેદસ્વીતાનું જોખમ પણ ઘટાડે છે. એક રીસર્ચ અનુસાર ચરબીવાળા લોકોને સ્ટ્રોકનું જોખમ વધારે હોય છે. આ જોખમને ટાળવા માટે, અઠવાડિયામાં ઓછામાં ઓછી 150 મિનિટની શારીરિક પ્રવૃત્તિ કરવી જરૂરી છે જેમાંથી દરરોજ 30 મિનિટની કસરત કરવી જોઈએ. આ સિવાય વધુ એક રીસર્ચમાં એમ પણ સામે આવ્યું છે કે જે લોકો દિવસમાં 13 કલાક કે તેથી વધુ સમય સુધી બેઠા રહે છે એમનામાં સ્ટ્રોકનું જોખમ 44 ટકા વધારે છે.
તણાવ વધવાને કારણે પણ આવી શકે છે સ્ટ્રોક
સ્ટ્રેસને માત્ર માનસિક સ્વાસ્થ્યની સમસ્યા સમજવાની ભૂલ ન કરો, તેની અનેક પ્રકારની શારીરિક આડઅસર પણ થઈ શકે છે અને સ્ટ્રોકનું જોખમ પણ વધારે છે. એક અહેવાલ મુજબ, જે લોકો વધુ તણાવ અનુભવે છે તેમને સ્ટ્રોકનું જોખમ વધારે છે. તણાવપૂર્ણ પરિસ્થિતિઓ તમારા બ્લડ પ્રેશરમાં વધારો કરી શકે છે, જે હાર્ટ એટેક અને સ્ટ્રોક બંને તરફ દોરી શકે છે.
