Baltimore Bridge collapse : અમેરિકાના Baltimoreમાં કન્ટેનર જહાજ કી બ્રિજ સાથે અથડાયું અને પછી બ્રિજ તૂટી પડ્યો. બ્રિજ તૂટી પડવાનો વીડિયો સોશિયલ મીડિયા પર ઝડપથી વાયરલ થઈ રહ્યો છે. વીડિયોમાં એક મોટું કન્ટેનર જહાજ પુલના થાંભલા સાથે અથડાયું હતું, ત્યારબાદ પુલ પટાપ્સકો નદીમાં ડૂબી ગયો હતો. પરંતુ આ બ્રિજ તૂટી પડવાથી આગામી કેટલાક મહિનાઓ સુધી અમેરિકા સહિત વિશ્વના દેશોને અસર થઈ શકે છે. વાસ્તવમાં આના કારણે વૈશ્વિક સપ્લાય ચેઈન ખોરવાઈ જવાની સંભાવના છે.
પનામા કેનાલમાં દુષ્કાળ અને લાલ સમુદ્રમાં હુથી બળવાખોરો દ્વારા મિસાઇલ હુમલાને કારણે વૈશ્વિક પુરવઠા શૃંખલા પહેલેથી જ અસ્તવ્યસ્ત છે, હવે બાલ્ટીમોરમાં પુલ તૂટી પડવાથી તેની સમસ્યાઓમાં વધારો થયો છે. બ્રિજ તૂટવાને કારણે તે માર્ગ પરથી જતા તમામ જહાજોને અટકાવી દેવામાં આવ્યા છે. તેના કારણે 25 લાખ ટન કોલસો અને ફોર્ડ મોટર અને જનરલ મોટર્સની સેંકડો કાર અટવાઈ જવાનો ભય છે. તેનાથી અમેરિકાથી ભારતમાં કોલસાના સપ્લાય પર પણ અસર પડી શકે છે.
બાલ્ટીમોર પોર્ટ પરથી જ આવે છે કોલસો
બ્લૂમબર્ગના રિપોર્ટ અનુસાર બાલ્ટીમોર દુર્ઘટનાને કારણે ન્યૂ જર્સી અને વર્જિનિયાના બંદરો પર દબાણ વધી શકે છે. બાલ્ટીમોર યુએસ ઇસ્ટ કોસ્ટ પરના સૌથી વ્યસ્ત બંદરોમાંનું એક છે. કાર અને લાઇટ ટ્રકનું ઉત્પાદન કરતી યુરોપિયન કંપનીઓ માટે પણ તે ખૂબ જ મહત્વપૂર્ણ બંદર છે. આ બંદરની આસપાસ મર્સિડીઝ, ફોક્સવેગન અને BMWની સુવિધાઓ છે.
ભારતને કરોડોનું નુકસાન થવાનો અંદાજ
આ સિવાય બાલ્ટીમોર અમેરિકાથી કોલસાની નિકાસ માટેનું બીજું મોટું ટર્મિનલ છે. તેનાથી ખાસ કરીને ભારતમાં કોલસાની નિકાસ પર અસર પડી શકે છે. ભારતની કુલ કોલસાની આયાતમાં અમેરિકાનો હિસ્સો છ ટકા છે. ભારતમાં કોલસાની તમામ નિકાસ બાલ્ટીમોર પોર્ટ પરથી જ થાય છે. ભારતમાં કોલસાનો વાર્ષિક વપરાશ 1000 મિલિયન ટન છે, જેમાંથી 240 મિલિયન ટન આયાત કરવામાં આવે છે. આ મુજબ બાલ્ટીમોર અકસ્માતને કારણે ભારતને કરોડોનું નુકસાન થઈ શકે છે.
વધુ વાંચો: હવેથી PhDમાં એન્ટ્રી મેળવવા નહીં આપવી પડે પ્રવેશ પરીક્ષા, ડાયરેક્ટ મળી જશે એડમિશન, એ કઇ રીતે?
પુનઃનિર્માણ માટે $600 મિલિયનનો ખર્ચ
આ દુર્ઘટના બાદ લગભગ એક ડઝન જહાજ બાલ્ટીમોર બંદરમાં ફસાયેલા છે. તેમાં કાર્ગો શિપ, ઓટોમોબાઈલ કેરિયર અને ટેન્કરનો પણ સમાવેશ થાય છે. આ ઉપરાંત આટલી મોટી સંખ્યામાં ટગબોટ પણ ત્યાં ફસાયેલી છે. આ સ્થિતિ માત્ર બાલ્ટીમોર પોર્ટની છે. દરરોજ 35,000 લોકો આ પુલનો ઉપયોગ કરતા હતા. લગભગ $28 બિલિયનનો સામાન વાર્ષિક ધોરણે તેમાંથી પસાર થતો હતો. આ પુલને બનાવવામાં પાંચ વર્ષનો સમય લાગ્યો હતો અને તે 1977માં પૂર્ણ થયો હતો. તેની કિંમત લગભગ 141 મિલિયન ડોલર હતી. એવું માનવામાં આવે છે કે, બાલ્ટીમોર પોર્ટ પર કામગીરી પુનઃસ્થાપિત કરવામાં ઘણા મહિનાઓ લાગી શકે છે. અમેરિકી મીડિયાના અહેવાલ મુજબ પુલના પુનઃનિર્માણ પર નજર કરીએ તો 600 મિલિયન ડોલરનો ખર્ચ થઈ શકે છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
